సల్మాన్ ఖాన్ మాట నిలబెట్టుకుంటారా?

బాలీవుడ్ మెగాస్టార్ సల్మాన్ ఖాన్ ప్రధాన పాత్రలో నటించిన వార్ డ్రామా మాతృభూమి సినిమా విడుదలలో ఎదురైన సవాళ్లను అధిగమించింది. చాలా కాలం క్రితమే షూటింగ్ పూర్తి చేసుకున్న ఈ చిత్రం, రిలీజ్ విషయంలో పలు ఇబ్బందులు ఎదుర్కొంది. చివరికి, సినిమా విడుదల మార్గంలో ఉన్న అడ్డంకులన్నీ తొలగిపోయాయని సమాచారం. వాస్తవానికి, బ్యాటిల్ ఆఫ్ గల్వాన్ పేరుతో మొదలైన ఈ ప్రాజెక్ట్, ఆ తర్వాత మాతృభూమి మేవార్ రెస్ట్ ఇన్ పీస్ గా టైటిల్ మార్చుకుంది. 2020లో ఇండియా-చైనా సైనికుల మధ్య గల్వాన్ లోయలో జరిగిన సంఘటనల ఆధారంగా ఈ సినిమాను తెరకెక్కించారు. అయితే, కథలో ఉన్న బలమైన యాంటీ-చైనా టోన్ వల్ల విడుదల విషయంలో అభ్యంతరాలు వ్యక్తమయ్యాయి. భారత్-చైనా మధ్య సున్నితమైన అంశాలను స్పృశించడంతో, ఆ సన్నివేశాలను పూర్తిగా మార్చాల్సి వచ్చింది.