WhatsApp Hack: వాట్సాప్‌కు ఎంత భద్రతా ఉన్నా ఈ తప్పులు చేస్తే హ్యాక్‌ అయినట్లే.. జాగ్రత్త!

ప్రపంచంలో అత్యధికంగా ఉపయోగించే ఇన్‌స్టంట్ మెసేజింగ్ యాప్ వాట్సాప్. వినియోగదారుల భద్రత కోసం అనేక ఉత్తమ ఫీచర్లు ఉన్నాయి. అయితే చాలా సార్లు మనం కొన్ని తప్పులు చేస్తుంటాం. దీని కారణంగా కట్టుదిట్టమైన భద్రత ఉన్నప్పటికీ మీ WhatsApp ఖాతా హ్యాక్ అయ్యే అవకాశాలు ఉంటాయి.

1. వ్యక్తులను రక్షించడానికి వాట్సాప్‌లో టూ ఫ్యాక్టర్ అథెంటికేషన్ ఫీచర్ అందించబడింది. కానీ చాలా మంది ఈ ఫీచర్ గురించి తెలిసినా ఇంకా ఈ ఫీచర్‌ని ఎనేబుల్ చేసుకోలేదు. ఈ ఫీచర్ సహాయంతో మీ ఖాతాకు అదనపు భద్రత ఉంటుంది. దీని కారణంగా ఖాతాను హ్యాక్ చేయడం కష్టం అవుతుంది. ఈ ఫీచర్‌ను ఆన్ చేయకపోవడం వల్ల కలిగే ఇబ్బందుల్లో పడవచ్చు. హ్యాకర్లు ఖాతాను సులభంగా నియంత్రించవచ్చు.
2. మీరు పబ్లిక్ వైఫై నెట్‌వర్క్‌ని కూడా ఉపయోగిస్తుంటే మీ మొబైల్‌ హ్యాక్ అయ్యే ప్రమాదం ఉంది. ఉచిత Wi-Fi కోసం సెర్చ్‌ చేస్తే ఇబ్బందుల్లో పడవచ్చు. సురక్షితమైన నెట్‌వర్క్‌లో వాట్సాప్‌ను ఉపయోగించడం మంచిది.
3. కొన్నిసార్లు వాట్సాప్ ఖాతాను హ్యాక్ చేయడానికి మాల్వేర్, స్పైవేర్ కూడా ఉపయోగిస్తుంటారు. థర్డ్‌ పార్టీ యాప్‌ నుంచి యాప్‌లను ఇన్‌స్టాల్ చేస్తున్నప్పుడు మాల్వేర్ మీ మొబైల్‌లోకి ప్రవేశించవచ్చు. ఇది ఖాతా హ్యాకింగ్ ప్రమాదాన్ని పెంచుతుంది. గూగుల్‌ ప్లే స్టోర్‌ లేదా యాపిల్‌ యాప్‌ స్టోర్‌ వంటి అధికారిక స్టోర్‌ల నుండి మాత్రమే అప్లికేషన్‌ను ఇన్‌స్టాల్ చేసుకోవాలని నిపుణులు సూచిస్తున్నారు.
4. చాలా సార్లు హ్యాకర్లు వాట్సాప్‌లో తెలియని లింక్‌పై క్లిక్ చేయమని బలవంతం చేసే విధంగా ప్రజలను ఆకర్షిస్తారు. ఎవరైనా మీకు లింక్ పంపితే, ఆ లింక్‌ను గుడ్డిగా నమ్మవద్దు. ఎందుకంటే తెలియని లింక్‌లపై క్లిక్ చేయడం వల్ల మీ ఖాతా హ్యాక్ అయ్యే ప్రమాదం ఉంది. ఈ తప్పులను నివారించడం ద్వారా మీరు మీ వాట్సాప్ ఖాతాను హ్యాక్ చేయకుండా కాపాడుకోవచ్చు.
ఇవి కూడా చదవండి



ఈ బైక్‌ ఫుల్ ట్యాంక్‌తో 780 కి.మీ మైలేజీ.. ధర ఎంతో తెలుసా..?



మీ ఫోన్‌ బ్యాక్‌ కవర్‌లో బ్యాంకు కార్డులు, నోట్లను పెడుతున్నారా?



Airtel సిమ్‌ వాడుతున్నారా? మీకో భారీ ఆఫర్‌.. అదేంటో తెలిస్తే..



SBI క్రెడిట్‌ కార్డు ఉందా? మీకో బిగ్‌ షాక్‌.. జూలై 15 నుంచి అమలు!

5. Whatsapp: వాట్సాప్‌ వాడకంలో ప్రతి ఒక్కరు జాగ్రత్తగా ఉండాలి. వాట్సాప్‌ అకౌంట్‌కు ఎంత భద్రతా ఉన్నప్పటికీ హ్యాకర్లు సులభంగా హ్యాక్‌ చేస్తున్నారు. దీంతో మీరు ఇబ్బందుల్లో పడే ప్రమాదం ఉంది. క్షణాల్లోనే మీ అకౌంట్లు ఉన్న డబ్బంతా ఖాళీ అయ్యే అవకాశం ఉంది..