రెడ్ మీ నుంచి మరో కొత్త ఫోన్.. సెప్టెంబర్ 2న లాంచ్

చైనాకు చెందిన ప్రముఖ స్మార్ట్ ఫోన్ బ్రాండ్ షియోమీ మరో లేటెస్ట్ బడ్జెట్ ఫోన్ రెడ్ మీ 9A ని భారతమార్కెట్లోకి తీసుకొస్తోంది. మనదేశంలో సెప్టెంబర్ 2వ తేదీన ఈ ఫోన్ లాంచ్ కానుంది.

రెడ్ మీ నుంచి మరో కొత్త ఫోన్.. సెప్టెంబర్ 2న లాంచ్

చైనాకు చెందిన ప్రముఖ స్మార్ట్ ఫోన్ బ్రాండ్ షియోమీ మరో లేటెస్ట్ బడ్జెట్ ఫోన్ రెడ్ మీ 9A ని భారతమార్కెట్లోకి తీసుకొస్తోంది. మనదేశంలో సెప్టెంబర్ 2వ తేదీన ఈ ఫోన్ లాంచ్ కానుంది. ఇప్పటికే రెడ్ మీ 9 సీరిస్ లో 9ప్రైమ్, రెడ్ మీ 9 స్మార్ట్ ఫోన్లు లాంచ్ అయ్యాయి. 9 సిరీస్ లో లాంచ్ అయ్యే మూడో ఫోన్ ఇది. దీనికి సంబంధించిన వర్చువల్ ఆన్ లైన్ ఈవెంట్ ను షియోమీ సెప్టెంబర్ 2వ తేదీన నిర్వహించనుంది. సెప్టెంబర్ 4వ తేదీన ఈ ఫోన్ కు సంబంధించిన మొదటి సేల్ జరగనుంది. మనదేశంలో ఈ ఫోన్ ధర ఎంత అన్నది ఇంకా పేర్కొన లేదు.

ఇప్పటికే మలేషియాలో లాంచ్ అయిన దీని ధర భారత రూపాయిల్లో సుమారు రూ.6,400 గా ఉంది. ఇందులో కేవలం 2 జీబీ ర్యామ్ + 32 జీబీ స్టోరేజ్ వేరియంట్ మాత్రమే లాంచ్ చేశారు. అయితే మనదేశంలో 4 జీబీ ర్యామ్ + 64 జీబీ స్టోరేజ్, 4 జీబీ ర్యామ్ + 128 జీబీ స్టోరేజ్ వేరియంట్లలో ఈ ఫోన్ విడుదలయ్యే అవకాశం ఉంది. ఆండ్రాయిడ్ 10 ఆపరేటింగ్ సిస్టంపై పనిచేసే ఈ ఫోన్ లో వెనకవైపు 13 మెగా పిక్సెల్ కెమెరా, ఫ్రంట్ 5 మెగా పిక్సెల్ కెమెరా, 5000 ఎంఏహెచ్ బ్యాటరీని అందించబోతున్నారు.