Realme GT Neo 3: 150W ఫాస్ట్‌ ఛార్జింగ్‌ సపోర్ట్‌తో మార్కెట్లో విడుదలైన రియల్‌మీ జీటీ 3

Realme GT Neo 3: ఇటీవల వరుసగా స్మార్ట్‌ఫోన్‌లను విడుదల చేస్తూ వస్తోన్న చైనా స్మార్ట్‌ ఫోన్‌ దిగ్గజం రియల్‌మీ తాజాగా మరో కొత్త ఫోన్‌ను విడుదల చేసింది. రియల్‌మీ జీటీ నియో 3..

Realme Gt Neo 3

Subhash Goud |
Updated on: Mar 23, 2022 | 11:37 AM

Realme GT Neo 3: ఇటీవల వరుసగా స్మార్ట్‌ఫోన్‌లను విడుదల చేస్తూ వస్తోన్న చైనా స్మార్ట్‌ ఫోన్‌ దిగ్గజం రియల్‌మీ తాజాగా మరో కొత్త ఫోన్‌ను విడుదల చేసింది. రియల్‌మీ జీటీ నియో 3 (Realme GT Neo 3) పేరుతో తీసుకురానున్న ఈ ఫోన్‌లో మార్చి 22న మార్కెట్లో విడుదలైంది. తొలుత చైనాలో విడుదలైన ఈ ఫోన్‌ తర్వాత ప్రపంచవ్యాప్తంగా అందుబాటులోకి తీసుకురానున్నారు. అయితే స్మార్ట్‌ఫోన్‌ ఇండస్ట్రీ చరిత్రలోనే అత్యంత ఫాస్టెస్ట్‌ ఛార్జింగ్‌ స్మార్ట్‌ఫోన్‌గా Realme GT Neo 3 నిలుస్తుందని కంపెనీ వెల్లడించింది. 150 W ఫాస్ట్‌ ఛార్జింగ్‌ను సరిపోర్టు చేయడం దీని ప్రత్యేకత. కేవలం 5 నిమిషాల్లోనే 50 శాతం బ్యాటరీ ఛార్జ్‌ చేయనుంది ఈ ఫోన్‌.

అయితే గత సంవత్సరం చైనా దిగ్గజం షావోమీ 120 W ఛార్జింగ్‌ సపోర్టుతో Xiaomi 11i హైపర్‌ ఛార్జ్‌ స్మార్ట్‌ఫోన్‌ను విడుదల చేసింది. ఈ స్మార్ట్‌ఫోన్‌కు పోటీగా రియల్‌ మీ తన జీటీ నియో 3 స్మార్ట్‌ఫోన్‌ను మార్కెట్లో విడుదల చేసింది. ఈ ఫోన్‌లో ఎన్నో అత్యాధునిక ఫీచర్స్‌ను జోడించింది. థర్మల్‌ మేనెజ్‌మెంట్‌ కోసం డైమండ్‌ ఐస్‌ కోర్‌ కూలింగ్‌ ప్లస్‌ ఫీచర్‌ను జోడించింది.

ఇక ఈ స్మార్ట్‌ఫోన్‌ ధర విషయానికొస్తే.. ఇందులో రెండు రకాల బ్యాటరీ సామర్థ్యాలతో రెండు వేరియంట్లలో అందుబాటులో ఉండనుంది. 150W ఫాస్ట్‌ఛార్జింగ్‌తో పాటు బ్యాటరీ సామర్థ్యం 4,500mAh ఉంది. ఇక 80W ఫాస్ట్ ఛార్జింగ్‌తో 5,000mAh బ్యాటరీ సామర్థ్యంతో ఉండనుంది. ఈ ఫోన్‌లలో గరిష్టంగా 12GB ర్యామ్‌, 256 GB ఇంటర్నల్‌ స్టోరేజ్‌తో వస్తోంది.

రియల్‌మీ జీటీ నియో 3 ఫోన్‌లో 50 మెగా పిక్సెల్‌ రెయిర్‌ కెమెరాను అందించనున్నట్లు తెలుస్తోంది. సోనీ IMX766 సెన్సార్ కెమెరా ఈ ఫోన్‌ ప్రత్యేకగా చెబుతున్నారు.ఇందులో మీడియాటెక్ డైమెన్సిటీ 8100 చిప్‌సెట్‌ను అందించే అవకాశం ఉన్నట్లు తెలుస్తోంది. డిస్‌ప్లే విషయానికొస్తే ఇందులో 120 హెడ్జ్‌ రిఫ్రెష్‌ రేట్‌తో కూడిన 6.5 ఇంచెస్‌ అమోఎల్‌ఈడీ ఫుల్‌ హెచ్‌డీ+ డిస్‌ప్లేతో వస్తోంది. ఈ ఫోన్‌కు డాల్బీ ఆట్మోస్‌ స్పీకర్‌ను అందిస్తోంది కంపెనీ రెండు వేరియంట్లలో విడుదలైన ఈ ఫోన్‌ ధర వరుసగా దాదాపు రూ.24,000, రూ.27,500, రూ.31,200గా ఉంది. ఇందులో 6GB ర్యామ్‌+128GB స్టోరేజీ, 8GB ర్యామ్‌+256GB స్టోరేజీ, 12GB ర్యామ్‌ +256GB ఇంటర్నల్‌ స్టోరేజీతో వస్తోంది.

ఇవి కూడా చదవండి: