Noise Colorfit Ultra3: నాయిస్ నుంచి అదిరిపోయే స్మార్ట్ వాచ్.. ధరెంతో తెలుసా?

ప్రముఖ స్మార్ట్ వాచ్ తయారీ సంస్థ నాయిస్ ఎప్పటికప్పుడు కొత్త మోడల్ వాచ్‌లతో యువతను ఆకట్టుకోవడానికి ప్రయత్నిస్తూ ఉంటుంది. ప్రస్తుతం నాయి కలర్ ఫిట్ అల్ట్రా-3 మోడల్‌ను రిలీజ్ చేసింది. ఈ వాచ్ డిజైన్ అలాగే ఫీచర్ల కచ్చితంగా యువతను ఆకట్టుకుంటాయని కంపెనీ ప్రతినిధులు చెబుతున్నారు.

Noise Color Fit Ultra 3

Updated on: May 03, 2023 | 4:45 PM

ప్రస్తుతం యువత ఎక్కువ స్మార్ట్ యాక్ససరీస్‌ను వాడుతున్నారు. ముఖ్యంగా స్మార్ట్ వాచ్‌లను ఎక్కువగా ఇష్టపడుతున్నారు. యువత నుంచి అనూహ్యంగా పెరిగిన డిమాండ్‌కు అనుగుణంగా కంపెనీలు వివిధ మోడల్స్‌లో స్మార్ట్ వాచ్‌లను మార్కెట్‌లోకి రిలీజ్ చేస్తున్నాయి. స్మార్ట్ వాచ్‌లోనే బ్లూటూత్ కాలింగ్, ఆరోగ్య సంబంధిత అలర్ట్‌ల వంటి ఫీచర్లను అందిస్తున్నాయి. దీంతో యువత స్మార్ట్ వాచ్‌లను ఎక్కువగా ఇష్టపడుతున్నారు. ప్రముఖ స్మార్ట్ వాచ్ తయారీ సంస్థ నాయిస్ ఎప్పటికప్పుడు కొత్త మోడల్ వాచ్‌లతో యువతను ఆకట్టుకోవడానికి ప్రయత్నిస్తూ ఉంటుంది. ప్రస్తుతం నాయిస్ కలర్ ఫిట్ అల్ట్రా-3 మోడల్‌ను రిలీజ్ చేసింది. ఈ వాచ్ డిజైన్ అలాగే ఫీచర్ల కచ్చితంగా యువతను ఆకట్టుకుంటాయని కంపెనీ ప్రతినిధులు చెబుతున్నారు. మంచి మెటాలిక్ డిజైన్‌తో వచ్చే ఈ వాచ్ చూడడానికి ప్రీమియం లుక్‌లో ఉంది. కేవలం రూ.4499కే ఈ వాచ్ అందుబాటులో ఉంటుంది. అలాగే ఈ వాచ్‌ను నాయిస్ వెబ్‌సైట్‌తో పాటు అమెజాన్‌లో బుక్ చేసుకోవచ్చు. అయితే వాచ్ స్ట్రిప్స్‌ను మనం ఎంచుకునే అవకాశం కంపెనీ కల్పించింది. అయితే స్ట్రిప్స్ కారణంగా వాచ్ ధర రూ.5499గా వరకూ పెరుగుతుంది. సిలికాన్, లెదర్, మెటల్ స్ట్రాప్స్ వినియోగదారులకు అందుబాటులో ఉన్నాయి. అలాగే ఈ వాచ్‌లో వచ్చే అదనపు ఫీచర్లు ఏంటో ఓ క్విక్ లుక్కేద్దాం.