గేమింగ్ కోసం మోనిటర్ కొనాలనుకుంటున్నారా? కొత్త టెక్నాలజీతో వచ్చేస్తున్న లెనోవో
టెక్ రంగంలో తనదైన ముద్ర వేసిన లెనోవో (Lenovo), తాజాగా భారతీయ వినియోగదారుల కోసం రెండు అద్భుతమైన ఉత్పత్తులను ప్రవేశపెట్టింది. గేమింగ్ ప్రియులను ఆకట్టుకునేందుకు 'LOQ గేమింగ్ మానిటర్ సిరీస్'ను, అలాగే వినోదం, ఉత్పాదకతను పెంపొందించేందుకు శక్తివంతమైన 'లెనోవో ట్యాబ్ ప్లస్ జెన్ 2' (Lenovo Tab Plus Gen 2)ను సంస్థ విడుదల చేసింది.
Updated on: Jul 04, 2026 | 10:36 PM
అత్యాధునిక డిస్ప్లే టెక్నాలజీ, కృత్రిమ మేధస్సు (AI) ఫీచర్లు, అద్భుతమైన ఆడియో సామర్థ్యంతో వస్తున్న లెనెవో కొత్త పరికరాలు, డిజిటల్ అనుభవాన్ని మరో స్థాయికి తీసుకెళ్లనున్నాయి. నిత్యం మారే టెక్నాలజీకి అనుగుణంగా యూజర్లకు మెరుగైన సౌకర్యాలను కల్పించడమే లక్ష్యంగా లెనోవో ఈ ఉత్పత్తులను రూపొందించింది. ముఖ్యంగా వర్చువల్ మీటింగ్లు, సినిమా వీక్షణ, హై-స్పీడ్ గేమింగ్ వంటి అవసరాలకు ఈ కొత్త గ్యాడ్జెట్లు పర్ఫెక్ట్ ఛాయిస్గా నిలవనున్నాయి. లెనోవో తన తాజా ఉత్పత్తులలో అందించిన ప్రత్యేకతలు ఏమిటి? వీటి ధర ఎంత? అనే ఆసక్తికరమైన విషయాలను తెలుసుకుందాం.
లెనోవో ట్యాబ్ ప్లస్ జెన్ 2: ఎంటర్టైన్మెంట్ పవర్హౌస్
ఈ కొత్త ట్యాబ్లెట్ వినోదం, పని రెండింటికీ సమతుల్యతను కలిగి ఉంటుంది.
- డిస్ప్లే & ఆడియో: 12.1 అంగుళాల 2.5K డిస్ప్లే, 120Hz రిఫ్రెష్ రేట్తో వస్తుంది. డాల్బీ అట్మాస్ సపోర్ట్తో కూడిన JBL 9-స్పీకర్ సిస్టమ్ ఆడియో పరంగా థియేటర్ అనుభూతిని ఇస్తుంది.
- AI ఫీచర్లు: ఇందులో రియల్ టైమ్ ట్రాన్స్లేషన్, ట్రాన్స్క్రిప్షన్, AI నోట్స్ వంటి ఉత్పాదకతను పెంచే టూల్స్ ఉన్నాయి.
- డిజైన్: 360 డిగ్రీలు తిరిగే కిక్స్టాండ్తో దీన్ని థియేటర్, స్టాండ్, హ్యాంగింగ్ మోడ్లలో వాడుకోవచ్చు.
- బ్యాటరీ: 10,200mAh భారీ బ్యాటరీ ఒకసారి ఛార్జ్ చేస్తే 15 గంటల వీడియో వీక్షణను అందిస్తుంది. దీని ప్రారంభ ధర సుమారు రూ. 35,999గా ఉండే అవకాశం ఉంది.
LOQ గేమింగ్ మానిటర్ సిరీస్
గేమర్ల కోసం లెనోవో తీసుకొచ్చిన ఈ మానిటర్లు వేగం మరియు స్పష్టతకు మారుపేరుగా నిలుస్తాయి.
- LOQ 27Q-10 మోడల్: ఇందులో 27 అంగుళాల QHD IPS డిస్ప్లే, 180Hz రిఫ్రెష్ రేట్ మరియు 0.5ms స్పందన సమయం ఉంటాయి.
- ఫీచర్లు: AMD ఫ్రీసింక్, VESA అడాప్టివ్ సింక్ వంటి ఫీచర్లు స్క్రీన్ ల్యాగ్ను తగ్గించి స్మూత్ గేమింగ్ అనుభవాన్నిస్తాయి. ప్లేస్టేషన్ 5, ఎక్స్బాక్స్ వంటి కన్సోళ్లకు కూడా ఇవి అనుకూలం.
- ధర & లభ్యత: అమెజాన్ ప్రైమ్ డే సేల్లో ఇవి అందుబాటులో ఉంటాయి. ఈ సిరీస్ ధర రూ. 9,799 నుండి ప్రారంభమవుతుంది.
లెనోవో అందించిన ఈ తాజా గ్యాడ్జెట్లు స్టైల్, పెర్ఫార్మెన్స్ కలయికగా నిలుస్తున్నాయి. ఆఫీస్ పనుల కోసం ట్యాబ్లెట్ కావాలన్నా, లేదా గేమింగ్ కోసం మానిటర్ కావాలన్నా లెనోవో ఇప్పుడు మార్కెట్లో బలమైన పోటీనిస్తోంది. మరిన్ని వివరాల కోసం లెనోవో అధికారిక వెబ్సైట్ను సందర్శించవచ్చు.
