Himalayas: అంతరిక్షం నుంచి చూస్తే హిమాలయాలు ఇంత అందంగా ఉంటాయా? ఈ అద్భుత చిత్రాన్ని మిస్ అవ్వకండి..

Himalayas: హిమాలయాలకు సంబంధించి సాధారణ ఫోటోలను చూస్తేనే ఎంతో అద్భుతంగా ఉంటాయి. అది అంతరిక్షం నుంచి చూస్తే.. వర్ణించతరమా..! తాజాగా అంతర్జాతీయ అంతరిక్ష కేంద్రం హిమాలయాలను ఫోటో తీశారు ఆస్ట్రోనాట్స్. ఈ ఫోటోలను చూస్తే మీరు కచ్చితంగా ముగ్ధులైపోతారు. ఐఎస్ఎస్‌లో ఉన్న ఇద్దరు వ్యోమగాములు హిమాలయాలు, ఇటలీ ఫోటోలను తీశారు. ఆ ఫోటోలను వారు ట్విట్టర్‌లో షేర్ చేశాడు. ఆ ఫోటోలను చూసి నెటిజన్లు ఫిదా అయిపోతున్నారు.

తెల్లటి మంచుతో కప్పబడిన హిమాలయ పర్వత శ్రేణులను వ్యోమగామి మార్క్ టి వాండే హె షేర్ చేశారు. తెల్లటి మంచు మొదటి ఫోటోను వ్యోమగామి మార్క్ టి. వాండే హె ట్విట్టర్‌లో షేర్ చేశారు. ఈ ఫోటోలో తెల్లటి మంచుతో కప్పబడిన హిమాలయాలు అద్భుతంగా కనిపిస్తున్నాయి. ‘హిమాలయాలలో ఎక్కడో ఒక స్పష్టమైన, ప్రకాశవంతమైన రోజు కనిపిస్తోంది. నేత ఇంతకంటే అద్భుతాన్ని చూడలేను.’ అని వాండే తన ట్వీట్‌కు క్యాప్షన్ పెట్టాడు.

Somewhere on a clear, bright day in the Himalayas. I can’t get enough views like this. pic.twitter.com/1QNylAIqAF

— Mark T. Vande Hei (@Astro_Sabot) June 2, 2021

సెకండ్ ఫోటోలో ఉన్నది ఇటలీ దేశంలోని టురిన్ నగరం. టురిన్ నుంచి వచ్చిన వ్యోమగామి షేన్ కింబ్రో ఈ ఫోటోను ట్విట్టర్‌లో షేర్ చేశారు. ‘టురిన్, ఇటలీలోని ఒక నగరం. ఉత్తర ఇటలీలోని ఈ నగరం గొప్ప చరిత్ర, సంస్కృతికి ప్రసిద్ధి. ఈ అందమైన నగరాన్ని స్పేస్ స్టేషన్‌ నుంచి చూడొచ్చు.’ అని కింబ్రో క్యాప్షన్ పెట్టారు.

Turin, Italy – a city with rich history and culture in northern Italy is easy to spot from @Space_Station. Buona Notte Italia! pic.twitter.com/omftGKHoOZ

— Shane Kimbrough (@astro_kimbrough) June 1, 2021

ఇదిలాఉంటే.. ఈ ఇద్దరు వ్యోమగాములు షేర్ చేసిన ఫోటోలకు నెటిజన్లు ఆసక్తికర కామెంట్స్ పెడుతున్నారు. ఈ ఫోటోలు తీసిన వారిని ప్రశంసించడమే కాకుండా.. వారు తీసిన చిత్రాల వివరాలను గుర్తిస్తున్నారు. ‘మీరు ఇంటికి తిరిగి వచ్చినప్పుడు కలుద్దాం.. నేను ఇక్కడ నివసిస్తున్నాను.’ అని టురిన్ నగరానికి చెందిన ఓ నెటిజన్ కామెంట్ చేశాడు. కాగా, ‘హిమాలయాలు ఎంత అద్భుతంగా ఉన్నాయో’ అని మరో యూజర్ కామెంట్స్ చేశారు. ఈ ఫోటోలు తీసిన ఆస్ట్రానాట్స్‌కి అభినందనలు తెలుపుతున్నారు.

Also read:

Covid -19: పిల్లల మెదడు చురుగ్గా పనిచేయాలంటే.. ఈ 5 ఆహార పదార్థాలు తప్పనిసరి..!