Indian Railways: రైల్వే కీలక నిర్ణయం.. విమానంలోలాగే రైలులో కూడా ‘బ్లాక్ బాక్స్’.. ఇది ఎలా పని చేస్తుంది?
ప్రతి విమానం లోపల బ్లాక్ బాక్స్ ఉంటుంది. ఆ విమానం ఆపరేషన్‌కు సంబంధించిన అనేక ముఖ్యమైన సమాచారం అందులో రికార్డ్ అయి ఉంటుంది. ప్రమాదం జరిగినప్పుడు విమానానికి ఏమి జరిగిందనే దాని గురించి బ్లాక్ బాక్స్ మాత్రమే ఖచ్చితమైన, నమ్మదగిన సమాచారాన్ని అందిస్తుంది. భారతీయ రైల్వే కూడా అదే సాంకేతికతను అవలంబిస్తోంది. రైళ్లలో రైల్వే క్రూ వాయిస్
ప్రతి విమానం లోపల బ్లాక్ బాక్స్ ఉంటుంది. ఆ విమానం ఆపరేషన్‌కు సంబంధించిన అనేక ముఖ్యమైన సమాచారం అందులో రికార్డ్ అయి ఉంటుంది. ప్రమాదం జరిగినప్పుడు విమానానికి ఏమి జరిగిందనే దాని గురించి బ్లాక్ బాక్స్ మాత్రమే ఖచ్చితమైన, నమ్మదగిన సమాచారాన్ని అందిస్తుంది. భారతీయ రైల్వే కూడా అదే సాంకేతికతను అవలంబిస్తోంది. రైళ్లలో రైల్వే క్రూ వాయిస్ వీడియో రికార్డింగ్ సిస్టమ్ (సీవీవీఆర్‌ఎస్)ను ఏర్పాటు చేస్తున్నారు. అంటే రైలు ఇంజన్లలో కూడా బ్లాక్ బాక్స్‌లను అమర్చుతున్నారు.
ప్రమాదానికి ముందు హెచ్చరిక:
రైలు ఇంజిన్‌లో అమర్చిన ఈ పరికరం ప్రమాదానికి ముందు జరిగే పొరపాట్లు, రూట్‌కు సంబంధించిన లోపాల గురించి లోకో పైలట్‌లకు తెలియజేస్తుంది. ఇందుకు సంబంధించిన ప్రణాళికను సిద్ధం చేసి త్వరలో అమలు చేసేందుకు రైల్వేశాఖ సన్నాహాలు చేస్తోంది. రైళ్లలో ఈ బ్లాక్‌బాక్స్‌ని అప్‌గ్రేడ్ చేయడం వల్ల ప్రమాదాలు తగ్గడమే కాకుండా ప్రయాణీకుల భద్రతను కూడా పెంచేందుకు దోహదపడుతుంది.
బ్లాక్ బాక్స్ ఎలా పని చేస్తుంది?
అప్‌గ్రేడ్ చేసిన తర్వాత బ్లాక్ బాక్స్ లోకో పైలట్‌లు, ఇతర రైలు కార్యకలాపాల ఆడియో, వీడియోలను రికార్డ్ చేయడం కొనసాగుతుంది. లోకో పైలట్‌లు ఇద్దరూ మాట్లాడుకున్న విషయాలు, రైలు నిర్దేశిత వేగం కంటే తక్కువ వేగంతో నడుస్తుందా? లోకో పైలట్ నిబంధనల ప్రకారం హారన్ మోగిస్తున్నారా లేదా బ్రేకింగ్ చేస్తున్నారా? రైలు లైన్, పాయింట్ లేదా జాయింట్ మంచి స్థితిలో ఉన్నా, ఇంజిన్ తగినంత శక్తిని పొందుతోందా? వంటి సమాచారాన్ని బ్లాక్ బాక్స్‌లో రికార్డ్ చేస్తుంది.
వివిధ మార్గాల్లో నడిచే రైళ్ల ఇంజన్లలో బ్లాక్‌బాక్స్‌లను అమర్చడం ద్వారా సంబంధిత అధికారులు ప్రమాదాలను నివారించవచ్చు. సాధారణంగా బ్లాక్ బాక్స్ ప్రమాదానికి కారణాన్ని కనుగొనడంలో సహాయపడుతుంది. ప్రమాదం జరిగితే బ్లాక్ బాక్స్‌లో పూర్తి ఆడియో, వీడియో ఉండాలి.
ఒక్కో ఇంజన్‌లో 4 సీసీ కెమెరాలు
బ్లాక్ బాక్స్ కింద పర్యవేక్షణ కోసం ప్రతి ఇంజిన్‌లో నాలుగు 6 నుండి 8 ఐపీ ఆధారిత డిజిటల్ కెమెరాలు అమర్చనున్నారు. ఇంజిన్ లోపల ఉన్న లోకో పైలట్, కో-పైలట్‌లపై రెండు సీసీ కెమెరాలు ఫోకస్ చేయబడతాయి. మూడవ కెమెరా ఇంజిన్ వెలుపల ట్రాక్‌కి ఎదురుగా ఉంటుంది. ఇంజిన్ పైభాగంలో నాల్గవ కెమెరా ఏర్పాటు చేయనున్నారు. ఇది ఓవర్ హెడ్ ఎక్విప్ మెంట్ (OHE)లో ఏదైనా లోపాలను గుర్తిస్తుంది.
రైలు ఇంజిన్‌లలో సిబ్బంది వాయిస్ వీడియో రికార్డింగ్ సిస్టమ్‌ను ఏర్పాటు చేసినట్లు నార్త్ ఈస్టర్న్ రైల్వే CPRO పంకజ్ కుమార్ సింగ్ తెలిపారు. ఇప్పటి వరకు ఎనిమిది ఇంజన్లు అమర్చారు. రాబోయే రోజుల్లో అన్ని ఇంజన్లలో ఈ వ్యవస్థ నిర్ధారించబడుతుంది. పైలట్ ప్రాజెక్ట్ కింద నార్త్ ఈస్టర్న్ రైల్వే ఇంజిన్‌లలో బ్లాక్ బాక్స్‌ను అమర్చడం ప్రారంభమైంది. ఈ వ్యవస్థ ఎనిమిది ఇంజన్‌లపై పనిచేస్తోంది. వీటిలో లోకో షెడ్‌లో ఐదు ఇంజన్లలో బ్లాక్ బాక్స్‌లు అమర్చనున్నట్లు తెలుస్తోంది.
మరిన్ని టెక్ వార్తల కోసం ఇక్కడ క్లిక్ చేయండి
