గుర్రానికి పోటీ ఇస్తున్న పొట్టేలు. బండిని చకచకా లాగేస్తూ..

 తెల్లగా, పొట్టిగా ముద్దుగా ఉన్న ఆ పొట్టేలు అందరినీ ఆకట్టుకుంటోంది. శ్రీనుకి ఓ పాప ఉంది. ఆ పాప పొట్టేలుతో కలిసి ఆడుకుంటుంది. ఆ పాపను ఆడించేందుకు శ్రీను ఎండ్ల బండిని పోలిన ఓ చిన్న బండి తయారు చేశారు. ఓ రోజు ఈ బండిని పొట్టేలుకి కడితే లాగుతుందో లేదో చూద్దామనుకున్నాడు. వెంటనే దానిని పొట్టేలుకు కట్టి, ఆ బండిలో తన పాపను కూర్చోబెట్టాడు. అంతే ఆ పొట్టేలు తన యజమాని అంచనాలను మించి చకచకా బండిని లాగేసింది. తన చిట్టిపొట్టి కాళ్లతూ బండిని ఎంతో చలాకీగా లాగేస్తూ అటూ ఇటూ తిరుగుతూ అందరినీ ఆకట్టుకుంది. ఈ పొట్టేలు బండిని చూసినవాళ్లు.. ఇది భూమికి జానెడు లేదు.. బండిని భలే లాగేస్తోందే అంటూ ఆశ్చర్యపోతున్నారు.