Hindi Day: ఈ యాప్ ఉంటే టైప్ చేయకుండానే ఏ భాష అయినా ట్రాన్స్‌లేషన్‌ చేసుకోవచ్చు
Hindi Day: కొన్ని భాషల్లో ట్రాన్స్‌లెట్‌ చేసుకోవడం ఇబ్బందిగా ఉంటుంది. ఇందుకోసం ఎన్నో యాప్స్‌ కూడా వచ్చాయి. అయితే హిందీతోపాటు ఇతర భాషల్లో కూడా ట్రాన్స్‌లెట్‌..
Updated on: Sep 14, 2022 | 6:04 PM
Hindi Day: కొన్ని భాషల్లో ట్రాన్స్‌లెట్‌ చేసుకోవడం ఇబ్బందిగా ఉంటుంది. ఇందుకోసం ఎన్నో యాప్స్‌ కూడా వచ్చాయి. అయితే హిందీతోపాటు ఇతర భాషల్లో కూడా ట్రాన్స్‌లెట్‌ చేసుకునే సదుపాయం అందుబాటులో ఉంది. ఉదాహరణకు హిందీ భాషను తెలుగులోకి మార్చాలంటే ఎలాంటి టైప్ చేయకుండానే ట్రాన్స్‌లెట్‌ చేసుకోవచ్చు. భాషను కెమెరా ద్వారా తీసి కూడా కావాల్సిన భాషలోకి మార్చుకోవచ్చు. దీని వల్ల ఇతర భాషల అర్థాన్ని సులభంగా తెలుసుకోవచ్చు. ఇందు కోసం పెద్దగా కష్టపడాల్సిన అవసరం లేదు. ఏదైనా పదం అర్థాన్ని అర్థం చేసుకోవడానికి స్మార్ట్‌ఫోన్ కెమెరా ఉంటే చాలు.
ఆండ్రాయిడ్ స్మార్ట్‌ఫోన్‌ల కోసం గూగుల్ లెన్స్ అనే యాప్ అందుబాటులో ఉంది.ఇది వినియోగదారులకు అనేక ఫీచర్లను అందించడానికి పనిచేస్తుంది. ఈ యాప్ సహాయంతో మీరు టైప్ చేయకుండా సులభంగా అనువదించవచ్చు. ఈ ఫీచర్‌ని ఎలా ఉపయోగించాలో తెలుసుకుందాం. గూగుల్ లెన్స్ యాప్ ఆండ్రాయిడ్ స్మార్ట్‌ఫోన్‌లో ముందే ఇన్‌స్టాల్ చేయబడి ఉంటుంది. లేనివాళ్లు కూడా గూగుల్ ప్లేస్టోర్‌ నుంచి కూడా Google Lens యాప్‌ను డౌన్‌లోడ్‌ చేసుకోవచ్చు. Google Lens డౌన్‌లోడ్‌ అయిన తర్వాత యాప్‌ను ఓపెన్ చేయండి. దీని తర్వాత, మీరు కెమెరా సహాయంతో అనువదించాలనుకుంటున్న పదాన్ని తీయాలి. తర్వాత మీరు ఏ భాషలకి మార్చాలనుకుంటున్నారో ఆ భాషను ఎంచుకోవాలి.
గూగుల్ లెన్స్‌లో చాలా ఫీచర్లు: Google Lens యాప్‌లో అనేక ఫీచర్లు ఉన్నాయి. దీని సహాయంతో వినియోగదారులు QR కోడ్‌ని స్కాన్ చేయకుండా టైప్ చేయకుండా ఫోటోలో కనిపించే కంటెంట్‌ను కాపీ చేయవచ్చు. దీనితో పాటు, షాపింగ్ వస్తువులు మొదలైన వాటిలో కూడా ఇది సహాయపడుతుంది. ఇందులో గూగుల్ లెన్స్ లోపల హోమ్‌వర్క్ ఆప్షన్‌ ఉంది. ఇది తెరిచిన తర్వాత చిత్రాన్ని క్లిక్ చేయడం ద్వారా సమాధానాన్ని కనుగొనడంలో సహాయపడుతుంది.
మరిన్ని టెక్నాలజీ వార్తల కోసం ఇక్కడ క్లిక్ చేయండి
