Lava Yuva 2 Pro: 7 జీబీ ర్యామ్ స్మార్ట్ఫోన్ రూ.8 వేలకే.. అద్దిరిపోయే ఫీచర్ల మొబైల్పై ఓ లుక్కేయండి..
స్మార్ట్ఫోన్లో 6.5 అంగుళాల హెచ్డీ+ నాచ్ డిస్ప్లేను అందించిన లావా కంపెనీ 64 జీబీ ఇంటర్నల్ స్టోరేజ్ కూడా ఇస్తోంది. ఇక లాంచ్ డేట్కు..
Updated on: Feb 25, 2023 | 2:03 PM
లావా యువ ప్రో 2 స్మార్ట్ ఫోన్ మనదేశంలో ఇటీవలే లాంచ్ అయింది. స్మార్ట్ఫోన్లో 6.5 అంగుళాల హెచ్డీ+ నాచ్ డిస్ప్లేను అందించిన లావా కంపెనీ 64 జీబీ ఇంటర్నల్ స్టోరేజ్ కూడా ఇస్తోంది. ఇక లాంచ్ డేట్కు ముందే ఈ ఫోన్ సేల్ ఆఫ్ లైన్లో ప్రారంభం అయింది. అక్టోబర్ 2022లో లాంచ్ అయిన లావా యువ ప్రో తర్వాతి వెర్షన్గా ఈ ఫోన్ లాంచ్ అయింది. ఇక స్మార్ట్ఫోన్లో 7 జీబీ వరకు ర్యామ్ ఇందులో ఉంది.
Lava Yuva 2 Pro ధర, స్పెసిఫికేషన్లు, ఫీచర్లు:
స్మార్ట్ఫోన్లో కేవలం ఒక్క వేరియంట్ మాత్రమే అందుబాటులో ఉంది. 4 జీబీ ర్యామ్ + 64 జీబీ స్టోరేజ్ ఉన్న ఈ వేరియంట్ ధరను రూ.7,999గా నిర్ణయించారు. అయితే అదనంగా 3 జీబీ వరకు వర్చువల్ ర్యామ్ పెంచుకోవచ్చు. అంటే మొత్తంగా 7 జీబీ వరకు ర్యామ్ ఇందులో ఉందన్న మాట. ఆండ్రాయిడ్ 12 ఆపరేటింగ్ సిస్టంపై పని చేసే ఈ ఫోన్లో 6.5 అంగుళాల హెచ్డీ+ నాచ్ డిస్ప్లేను అందించారు. దీని స్క్రీన్ రిజల్యూషన్ 720 x 1600 పిక్సెల్స్గా ఉంది. మీడియాటెక్ హీలియో జీ37 ప్రాసెసర్పై ఈ ఫోన్ పని చేస్తుంది. ఇక కెమెరాల విషయానికి వస్తే.. ఫోన్ వెనకవైపు మూడు కెమెరాలు ఉంన్నాయి. వీటిలో ప్రైమరీ కెమెరా 13 మెగా పిక్సెల్ కాగా, దీంతోపాటు ఏఐ సెన్సార్, అదనపు వీజీఏ సెన్సార్ కూడా ఉన్నాయి.
ఇంకా వీటితో పాటు ఫ్లాష్ కూడా ఉంది. సెల్ఫీలు, వీడియో కాల్స్ కోసం ముందువైపు వాటర్ డ్రాప్ నాచ్లో కెమెరా అందించారు. వైఫై, బ్లూటూత్ వీ5.1, 4జీ కనెక్టివిటీ ఫీచర్లు ఉన్నాయి. యూఎస్బీ టైప్-సీ పోర్టు కూడా ఈ ఫోన్లో ఉంది. 3.5 ఎంఎం ఆడియో జాక్ కూడా అందించారు. 5000 ఎంఏహెచ్ లిథియమ్ పాలీమర్ బ్యాటరీతో వస్తున్నఈ స్మార్ట్ఫోన్ 10W చార్జింగ్ సపోర్ట్ చేసే అడాప్టర్ కూడా కలిగి ఉంది.
మరిన్ని టెక్నాలజీ వార్తల కోసం క్లిక్ చేయండి..
