AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Mobile Charging Tips: ఛార్జింగ్ పెట్టినప్పుడు మీ ఫోన్ వేడెక్కుతోందా? ఈ తప్పులు చేస్తే బ్యాటరీ లైఫ్ ఖతం.. ఇలా చేయండి!

Mobile Charging Tips: ఫోన్ ఛార్జింగ్ పెట్టినప్పుడు వేడెక్కడం చాలా మందికి జరుగుతుంటుంది. ఛార్జింగ్ సమయంలో ఫోన్ కొద్దిగా వేడెక్కడం సాధారణమే. కానీ మరీ ఎక్కువగా వేడెక్కితే మాత్రం జాగ్రత్త పడాలి. ఎందుకంటే అధిక ఉష్ణోగ్రత బ్యాటరీ పనితీరును దెబ్బతీయడమే కాకుండా, ఫోన్ భద్రతకు..

Mobile Charging Tips: ఛార్జింగ్ పెట్టినప్పుడు మీ ఫోన్ వేడెక్కుతోందా? ఈ తప్పులు చేస్తే బ్యాటరీ లైఫ్ ఖతం.. ఇలా చేయండి!
Mobile Charging Tips
Subhash Goud
|

Updated on: Nov 21, 2026 | 1:06 PM

Share

Mobile Charging Tips: స్మార్ట్‌ఫోన్ మన జీవితంలో ఒక భాగమైపోయింది. ఫోన్‌లో మాట్లాడటం, వీడియోలు చూడటం, గేమ్స్ ఆడటం, ఆన్‌లైన్ చెల్లింపులు చేయడం ఇలా ఎన్నో పనులకు మొబైల్‌ను ఉపయోగిస్తున్నాం. అయితే చాలామందిని వేధించే సమస్యల్లో ఫోన్ ఛార్జింగ్ పెట్టినప్పుడు వేడెక్కడం ఒకటి. ఛార్జింగ్ సమయంలో ఫోన్ కొద్దిగా వేడెక్కడం సాధారణమే. కానీ మరీ ఎక్కువగా వేడెక్కితే మాత్రం జాగ్రత్త పడాలి. ఎందుకంటే అధిక ఉష్ణోగ్రత బ్యాటరీ పనితీరును దెబ్బతీయడమే కాకుండా, ఫోన్ భద్రతకు కూడా సమస్యగా మారవచ్చు.

ఇది కూడా చదవండి: Gold Loan: కొత్త చిక్కులు తెస్తున్న గోల్డ్‌ లోన్‌.. అదేంటో తెలుసా..?

అయితే ఛార్జింగ్ సమయంలో ఫోన్ వేడెక్కకుండా ఉండాలంటే ఎలాంటి జాగ్రత్తలు తీసుకోవాలి? బ్యాటరీ ఎక్కువ కాలం మన్నాలంటే ఏం చేయాలి? తెలుసుకుందాం.

  1. ఛార్జింగ్ సమయంలో ఫోన్ కవర్ తీసేయండి: చాలామంది మొబైల్‌కు రక్షణగా బ్యాక్ కవర్ ఉపయోగిస్తుంటారు. అయితే కొన్ని కవర్లు ఫోన్‌లో ఉత్పత్తి అయ్యే వేడిని బయటకు వెళ్లకుండా అడ్డుకోవచ్చు. అందువల్ల ఛార్జింగ్ సమయంలో ఫోన్ ఎక్కువగా వేడెక్కుతున్నట్లు అనిపిస్తే కవర్‌ను తొలగించడం మంచిది. అలాగే ఫోన్‌ను దిండు, బెడ్, సోఫా వంటి మెత్తని వస్తువులపై పెట్టి ఛార్జింగ్ చేయకూడదు. గాలి సులభంగా ప్రసరించే గట్టి, చదునైన ఉపరితలంపై ఉంచాలి.
  2. ఒరిజినల్ ఛార్జర్‌నే ఉపయోగించండి: ఫోన్‌తో పాటు వచ్చిన ఒరిజినల్ ఛార్జర్, కేబుల్‌ను ఉపయోగించడం మంచిది. నాణ్యత లేని చౌక ఛార్జర్లు ఉపయోగించడం వల్ల ఛార్జింగ్ సమస్యలు తలెత్తవచ్చు. మీ ఫోన్‌కు అనుకూలమైన, నాణ్యమైన ఛార్జర్‌ను మాత్రమే ఎంచుకోవాలి. ఫోన్ ఎక్కువగా వేడెక్కుతున్నట్లయితే, అందుబాటులో ఉంటే ఫాస్ట్ ఛార్జింగ్ సెట్టింగ్‌ను తాత్కాలికంగా ఆఫ్ చేసి చూడవచ్చు.
  3. ఛార్జింగ్ సమయంలో గేమ్స్ ఆడకండి: మొబైల్ ఛార్జింగ్‌లో ఉన్నప్పుడు గేమ్స్ ఆడటం, వీడియోలు చూడటం, ఎక్కువ ప్రాసెసింగ్ అవసరమయ్యే యాప్స్ ఉపయోగించడం మంచిది కాదు. ఎందుకంటే ఆ సమయంలో బ్యాటరీ ఛార్జింగ్ అవుతూనే ఉంటుంది. మరోవైపు ప్రాసెసర్ కూడా ఎక్కువగా పనిచేస్తుంది. దీంతో ఫోన్‌లో వేడి పెరిగే అవకాశం ఉంటుంది. అందుకే ఛార్జింగ్ సమయంలో ఫోన్‌ను వీలైనంత తక్కువగా ఉపయోగించాలి.
  4. అవసరం లేకపోతే ఇంటర్నెట్, GPS ఆఫ్ చేయండి: ఛార్జింగ్ సమయంలో మొబైల్ డేటా, వైఫై, GPS వంటి ఫీచర్లు నిరంతరం పనిచేస్తే ఫోన్‌పై అదనపు లోడ్ పడవచ్చు. అవసరం లేనప్పుడు వీటిని ఆఫ్ చేయడం మంచిది. ఫోన్ ఉపయోగించాల్సిన అవసరం లేకపోతే ఎయిర్‌ప్లేన్ మోడ్‌ను ఆన్ చేయవచ్చు. అయితే కాల్స్, మెసేజ్‌లు అందుకోవాల్సిన అవసరం ఉంటే ఈ మోడ్‌ను ఉపయోగించకండి.
  5. బ్యాటరీని 20–80 శాతం మధ్య ఉంచండి: బ్యాటరీ ఎక్కువ కాలం ఆరోగ్యంగా ఉండాలంటే సాధ్యమైనంత వరకు 20 శాతం నుంచి 80 శాతం మధ్య ఛార్జింగ్ స్థాయిని ఉంచడం మంచిదని నిపుణులు సూచిస్తుంటారు. బ్యాటరీ 20 శాతానికి చేరుకునేలోపు ఛార్జింగ్ పెట్టండి. ప్రతిసారీ 100 శాతం వరకు ఛార్జ్ చేయాల్సిన అవసరం లేదు. ఫోన్‌లో 80 శాతం ఛార్జింగ్ లిమిట్ లేదా ఆప్టిమైజ్డ్ ఛార్జింగ్ ఫీచర్ ఉంటే ఉపయోగించండి. బ్యాటరీని తరచుగా పూర్తిగా 0 శాతానికి పడిపోనివ్వకండి.
  6. ఎండలో ఫోన్ ఛార్జింగ్ పెట్టకండి: నేరుగా సూర్యరశ్మి పడే ప్రదేశాల్లో, వేడిగా ఉండే గదుల్లో లేదా మూసి ఉన్న కారులో ఫోన్‌ను ఛార్జింగ్ చేయకూడదు. ఇప్పటికే వేడిగా ఉన్న వాతావరణంలో ఛార్జింగ్ చేయడం వల్ల ఫోన్ ఉష్ణోగ్రత మరింత పెరిగే అవకాశం ఉంటుంది.
  7. ఫోన్ మరీ వేడెక్కితే ఏం చేయాలి?: ఛార్జింగ్ సమయంలో ఫోన్ అసాధారణంగా వేడిగా మారితే వెంటనే ఛార్జర్‌ను తొలగించండి. ఫోన్‌ను ఉపయోగించడం ఆపి, చల్లని గాలి ప్రసరించే ప్రదేశంలో ఉంచండి. ఫోన్‌ను ఫ్రిజ్‌లో పెట్టడం లేదా ఐస్‌తో చల్లబరచడం వంటి పనులు చేయకండి. తరచుగా అధిక వేడి వస్తుంటే ఛార్జర్, కేబుల్, బ్యాటరీలను సర్వీస్ సెంటర్‌లో తనిఖీ చేయించండి. బ్యాటరీ ఉబ్బడం, వాసన రావడం లేదా పొగ రావడం వంటి లక్షణాలు ఉంటే ఫోన్‌ను ఉపయోగించకుండా నిపుణులను సంప్రదించాలి.

ఇది కూడా చదవండి: Success Story: పల్లెటూరి నుంచి ప్రపంచస్థాయికి.. ఈ రైతుల అద్భుత విజయం.. 3 కోట్లకుపైగా సబ్‌స్క్రైబర్లతో చరిత్ర సృష్టించిన విలేజ్ కుకింగ్ ఛానెల్!

మరిన్ని బిజినెస్ వార్తల కోసం ఇక్కడ క్లిక్ చేయండి

Follow Us