Tech Tips: ఛార్జింగ్ పెట్టి స్విచ్ఛ్‌ ఆన్‌ చేయడం మర్చిపోతున్నారా.? మీకోసమే ఈ టెక్నిక్‌.
స్మార్ట్‌ఫోన్‌ ఉపయోగించే వారికి బ్యాటరీనే ప్రధాన సమస్య. ఫోన్‌లో ఉండే రకరకాల యాప్స్‌ కారణంగా ఛార్జింగ్ త్వరగా డిశ్చార్జ్‌ అవుతుంది. దీంతో ఏమాత్రం ఖాళీ సమయం దొరికినా సరే వెంటనే ఫోన్ ఛార్జింగ్ చేసుకోవాలని చాలా మంది భావిస్తుంటారు. అయితే కొన్ని సందర్భాల్లో ప్లబ్‌లో ఛార్జర్‌ను పెడుతాం కానీ...
Updated on: Apr 14, 2023 | 4:34 PM
స్మార్ట్‌ఫోన్‌ ఉపయోగించే వారికి బ్యాటరీనే ప్రధాన సమస్య. ఫోన్‌లో ఉండే రకరకాల యాప్స్‌ కారణంగా ఛార్జింగ్ త్వరగా డిశ్చార్జ్‌ అవుతుంది. దీంతో ఏమాత్రం ఖాళీ సమయం దొరికినా సరే వెంటనే ఫోన్ ఛార్జింగ్ చేసుకోవాలని చాలా మంది భావిస్తుంటారు. అయితే కొన్ని సందర్భాల్లో ప్లబ్‌లో ఛార్జర్‌ను పెడుతాం కానీ హడావుడిలో స్విఛ్‌ ఆన్‌ చేయడం మర్చిపోతుంటాం. తీరా గంట తర్వాత ఛార్జింగ్ అయ్యుంటందని ఫోన్ చూసేసరికి స్విఛ్‌ ఆన్‌ చేయలేదనే విషయాన్ని గమనించి కంగుతింటారు.
మనలో చాలా మందికి ఇలాంటి పరిస్థితే ఎదురై ఉంటుంది. ఏదో ఒక సమయంలో ఇలాంటి పొరపాటునే చేసి ఉంటాం. అయితే సాధారణంగా ఫోన్‌ని చార్జర్‌కు కనెక్ట్ చేసి స్విఛ్‌ ఆన్‌ చేసిన సమయంలో బ్లింక్‌ అవ్వడమే, చిన్నగా సౌండ్ వస్తుంటుంది. కానీ కొన్ని సందర్భాల్లో ఆ అలర్ట్‌ను కూడా పెడచెవిన పెడుతుంటాము. అందుకే ఈ సమస్య ఉత్పన్నమవుతుంది. అయితే దీనికి కూడా ఓ సొల్యుషన్‌ ఉందని మీకు తెలుసా.? ప్లేస్టోర్‌ నుంచి ఓ చిన్న యాప్‌ డౌన్‌లోడ్‌ చేసుకుంటే ఈ సమస్యకు చెక్ పెట్టొచ్చు.
ఆండ్రాయిడ్‌ యూజర్లకు ఛార్జింగ్ చేసే సమయంలో వాయిస్‌ అలర్ట్‌ వచ్చేలా సెట్ చేసుకునే అవకాశం ఉంది. ఇందుకోసం ముందుగా ఫోన్‌లో రికార్డింగ్‌ యాప్‌ను ఓపెన్‌ చేసి మీకు నచ్చిన వాయిస్‌ని రికార్డ్ చేసుకోవాలి. అనంతరం గూగుల్‌ ప్లేస్టోర్‌లోకి వెళ్లి.. ‘బ్యాటరీ సౌండ్ నోటిఫికేషన్‌’ అనే యాప్‌ను డౌన్‌లోడ్‌ చేసుకోవాలి. తర్వాత యాప్‌ను ఓపెన్‌ చేసి పైన కనిపించే ‘+’ బటన్‌ను నొక్కాలి. తర్వాత ‘మోడ్‌’లో కనెక్టడ్‌ ఆప్షన్‌ను ఎంచుకొని.. ఛార్జర్‌ కనెక్ట్ చేసిన సమయంలో ఏ వాయిస్‌ కమాండ్ రావాలో దానిని సెలక్ట్ చేసుకోవాలి. అలాగే ‘డిస్‌కనెక్ట్‌’, ‘ఫుల్ బ్యాటరీ’, ‘లో బ్యాటరీ’ ఇలా ఆప్షన్స్‌కి అనుగుణంగా ఆడియో క్లిప్స్‌ని ఎంచుకొని సేవ్‌ చేయాలి. చివరిగా పవర్‌ బటన్‌పై క్లిక్ చేయాలి.
మరిన్ని టెక్ వార్తల కోసం క్లిక్ చేయండి..
