Android 16: శక్తివంతమైన ఫీచర్స్‌తో ఆండ్రాయిడ్ 16 బీటా అప్డేట్ విడుదల
Android 16: ఆండ్రాయిడ్ 16 అప్‌డేట్‌లో అనేక ఫీచర్లు ఉన్నాయని తెలుస్తోంది. ఎందుకంటే ఆండ్రాయిడ్ వినియోగదారులకు ఇది గుడ్‌న్యూస్‌ అనే చెప్పాలి. ఇందులో ఎన్నో రకాల అద్భుతమైన ఫీచర్స్‌ ఉన్నాయని తెలుస్తోంది. ప్రస్తుతం గూగుల్ ఆండ్రాయిడ్ 16 బీటా వెర్షన్ విడుదల చేసింది..
Updated on: Jan 25, 2025 | 6:54 PM
ప్రపంచంలోని అతిపెద్ద సాఫ్ట్‌వేర్ కంపెనీలలో ఒకటైన గూగుల్ తన ఆండ్రాయిడ్ మొబైల్ ఆపరేటింగ్ సిస్టమ్ తాజా వెర్షన్ ఆండ్రాయిడ్ 16 బీటా 1ని విడుదల చేసింది. ప్రస్తుతం ఇది పిక్సెల్ స్మార్ట్‌ఫోన్‌ల కోసం విడుదల చేసింది. ఇది రియల్‌టైమ్‌ లైవ్ అప్డేట్ ఫీచర్, ఫోల్డబుల్స్, టాబ్లెట్‌ల వంటి పెద్ద-స్క్రీన్ డివైజ్‌లలో వినియోగదారు అనుభవాన్ని మెరుగుపరచడం వంటి అనేక అప్‌డేట్‌లను కలిగి ఉంటుంది. ఆండ్రాయిడ్ 16లో ఏ కొత్త ఫీచర్లను చేర్చవచ్చో చూద్దాం.
స్క్రీన్ అనుభవంలో మెరుగుదల:
స్క్రీన్ అనుభవాన్ని మెరుగుపరిచే లక్ష్యంతో కంపెనీ తన ఇంటిగ్రేషన్‌ అప్లికేషన్‌లను ముందుకు తీసుకెళ్లేందుకు నిరంతరం కృషి చేస్తోంది. నిజానికి, గత కొంతకాలంగా మార్కెట్లో ఫోల్డబుల్ స్మార్ట్‌ఫోన్‌లకు డిమాండ్ చాలా ఎక్కువగా ఉంది. కంపెనీలు కూడా అదే వేగంతో తమ ఉత్పత్తిని పెంచుకుంటున్నాయి. ఇప్పుడు ఆండ్రాయిడ్ 16లో విడుదల చేసిన ఈ పెద్ద స్క్రీన్ డివైజ్‌లన్నింటి అనుభవాన్ని మెరుగుపరచడానికి గూగుల్ చాలా కాలంగా పని చేస్తోంది.
ప్రత్యక్ష అప్‌డేట్‌లు:
ఆండ్రాయిడ్ 16 కొత్త అప్‌డేట్‌లలో ఒకటైన ‘లైవ్ అప్డేట్’ కూడా ఒక ముఖ్యమైన ఫీచర్ కావచ్చు. దీని సహాయంతో రైడ్ షేరింగ్, ఫుడ్ డెలివరీ స్టేటస్, కాల్ వ్యవధి, నావిగేషన్ వంటి యాక్టివిటీలను రియల్ టైమ్‌లో ట్రాక్ చేసే సదుపాయాన్ని యూజర్ పొందుతారు. ఈ ఫీచర్లన్నీ యాపిల్ మునుపటి స్మార్ట్‌ఫోన్‌ల లైవ్ యాక్టివిటీ ఫీచర్‌కు అనుగుణంగా ఉంటుంది.
Android 16లో Samsung APV కోడెక్
ఆండ్రాయిడ్ 16 కొత్త అప్‌డేట్‌లో గూగుల్, శామ్‌సంగ్ మధ్య సహకారం ప్రభావాన్ని కూడా చూడవచ్చు. దీని కారణంగా శామ్‌సంగ్ అడ్వాన్స్‌డ్ ప్రొఫెషనల్ వీడియో (APV) కోడెక్ స్థానికంగా Android 16లో మద్దతు ఇస్తుంది. ఇది శాంసంగ్ రూపొందించిన హై-ఎండ్ వీడియో కోడెక్.
మీరు Android 16లో ఇంకా ఏం పొందుతారు?
ఇది కాకుండా డేటా, గోప్యత కోసం కొత్త భద్రతా ఫీచర్లు కూడా ఉన్నాయి. ఈ అప్‌డేట్‌లో వినియోగదారులు యాప్‌లలో ఫ్లూయిడ్ యానిమేషన్ ఫీచర్‌ను చూడగలరు. దీనితో పాటు, కొత్త, మెరుగైన మార్పులులు కూడా అప్లికేషన్‌కు జోడించారు. ఇది కాకుండా, మెరుగైన వినియోగదారు ఇంటర్‌ఫేస్, యాక్సెసిబిలిటీ కూడా అందుబాటులోకి రానున్నాయి. ఆరోగ్య రికార్డులు, మెరుగైన అనుకూల రిఫ్రెష్ రేట్, కొత్త భద్రతా ఫీచర్లు, గోప్యతా ఎంపికలను కొత్త OSలో చూడవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి
