Pink Whatsapp Scam: టెక్ మార్కెట్లో నయా మోసం.. వాట్సాప్ కలర్ మారుతుందంటూ కొట్టేస్తున్నారు.. తస్మాత్ జాగ్రత్త
ముఖ్యంగా మోసగాళ్ళు తమ మోసాన్ని వ్యాప్తి చేయడానికి దీన్ని సులభంగా ఉపయోగించుకోకుంటున్నారు. ఇటీవల పింక్ వాట్సాప్ డౌన్‌లోడ్ చేయడానికి లింక్‌ను కలిగి ఉన్న కొత్త వాట్సాప్ సందేశం బాగా ప్రాచుర్యం పొందింది.
Srinu |
Updated on: Jun 23, 2023 | 5:00 PM
మెటా యాజమాన్యంలోని వాట్సాప్ మిలియన్ల మంది వినియోగదారులతో దేశంలో అత్యధికంగా ఉపయోగించే మెసేజింగ్ ప్లాట్‌ఫారమ్‌లలో ఒకటి. అయితే వాట్సాప్ ద్వారా స్కామ్‌లు, నకిలీ సందేశాల ప్రచారం కూడా ఈ మధ్య కాలంలో చాలా ఎక్కువగా ఉంది. ముఖ్యంగా మోసగాళ్ళు తమ మోసాన్ని వ్యాప్తి చేయడానికి దీన్ని సులభంగా ఉపయోగించుకోకుంటున్నారు. ఇటీవల పింక్ వాట్సాప్ డౌన్‌లోడ్ చేయడానికి లింక్‌ను కలిగి ఉన్న కొత్త వాట్సాప్ సందేశం బాగా ప్రాచుర్యం పొందింది. స్కామర్లు యాప్‌ను డౌన్‌లోడ్ చేసుకోవడానికి వ్యక్తులను ప్రలోభపెడుతున్నారు. ఈ లింక్‌తో వారికి అందించడం ద్వారా అదనపు ఫీచర్లతో కూడిన వాట్సాప్ కొత్త వెర్షన్‌ను కొనుగోలు చేయాలని కోరుతున్నారు.
పింక్ వాట్సాప్’ స్కామ్ అంటే ఏంటి?
న్యూ పింక్ లుక్ వాట్సాప్ అదనపు ఫీచర్లతో అంటూ ఓ మెసేజ్ యూజర్ల ద్వారా సర్క్యులేట్ చేస్తున్నారు. ఇక్కడ స్కామర్లు వాట్సాప్ వినియోగదారులను వారి మొబైల్‌ను హ్యాక్ చేయగల అదనపు ఫీచర్లతో ప్రలోభపెట్టడానికి ప్రయత్నిస్తున్నారని ముంబై పోలీసులు తెలిపారు. స్కామర్లు సైబర్‌క్రైమ్‌లకు పాల్పడేందుకు వినియోగదారులను తమ వలలో పడేలా చేసేందుకు వివిధ రకాల కొత్త టెక్నిక్‌లతో వస్తున్నారు. ఇలాంటి మోసాలు, నకిలీ సందేశాల గురించి వినియోగదారులు కచ్చితంగా తెలుసుకోవడం చాలా ముఖ్యం. బూటకపు సందేశాల బారిన పడకుండా, వారి డిజిటల్ ప్రపంచాన్ని సురక్షితంగా ఉంచడంలో సహాయపడే నమ్మకమైన మూలాలను మాత్రమే విశ్వసించాలని పోలీసులు చెబుతున్నారు. ముంబై పోలీసుల తెలిపిన వివరాల ప్రకారం ఇది ఫిషింగ్ లింక్, దానిని క్లిక్ చేస్తే వినియోగదారు ఫోన్‌పై దాడి చేసి వ్యక్తిగత డేటాను దొంగిలించవచ్చు లేదా పరికరానికి కాన్ ఆర్టిస్ట్ రిమోట్ యాక్సెస్‌ను మంజూరు చేస్తుందని చెబుతున్నారు. ముఖ్యంగా స్కామర్లు కాంటాక్ట్స్‌ను వారి ప్రయోజనం కోసం ఉపయోగించవచ్చు, డెబిట్, క్రెడిట్ కార్డ్ సమాచారాన్ని కోల్పోయే ప్రమాదం ఉంది.
ఇప్పటికే డౌన్‌లోడ్ చేస్తే ఇలా చేయడం బెటర్
అలాంటి యాప్ ఇప్పటికే మీరు డౌన్‌లోడ్ చేస్తే వినియోగదారులు వెంటనే దాన్ని అన్‌ఇన్‌స్టాల్ చేయాలని ముంబై పోలీసులు కోరుతున్నారు. అదనంగా, అనధికారిక ప్లే స్టోర్‌ల నుంచి ఏదైనా డౌన్‌లోడ్ చేయడం లేదా బేస్ లింక్‌లపై క్లిక్ చేయడం వంటివి చేయకుండా పోలీసులు హెచ్చరిస్తున్నారు.
మరిన్ని టెక్నాలజీ వార్తల కోసం క్లిక్ చేయండి..
