అంపైర్ తప్పిదం.. యువరాజ్‌కు బ్యాడ్ లక్!

టీమిండియా మాజీ ఆల్‌రౌండర్ యువరాజ్ సింగ్.. కొద్దిరోజుల క్రిందటే అంతర్జాతీయ క్రికెట్‌కు వీడ్కోలు పలికిన సంగతి తెలిసిందే. అయితే రిటైర్మెంట్ ప్రకటించిన తర్వాత యూవీ మళ్ళీ బ్యాట్ పట్టాడు. కెనడా గ్లోబల్ టీ20 టోర్నమెంట్‌లో ఆడుతున్న యువరాజ్.. టొరంటో నేషనల్స్ జట్టు తరపున బరిలోకి దిగాడు. తనదైన శైలి హిట్టింగ్‌తో అలరిస్తాడని అభిమానులు ఆశిస్తే.. యూవీ మాత్రం 27 బంతుల్లో కేవలం 14 పరుగులు మాత్రమే చేసి పెవిలియన్‌ చేరాడు. యువరాజ్ సింగ్ కెప్టెన్‌గా వ్యవహరిస్తున్న టొరంటో నేషనల్స్‌‌.. వాంకోవర్‌ నైట్స్‌‌పై 8 వికెట్ల తేడాతో గెలిచింది. యూవీ.. ఈ టీ20లో ఆడడానికి బీసీసీఐ ప్రత్యేకంగా అనుమతి ఇచ్చిన సంగతి తెలిసిందే.

ఇది ఇలా ఉండగా యువరాజ్ అసలు ఈ మ్యాచ్‌లో ఔట్ అవ్వకపోయినా మైదానం వదిలి వెళ్లాల్సి వచ్చింది. రిజ్వాన్‌ బౌలింగ్‌లో క్లీన్‌ బౌల్డ్‌ అయ్యాననుకుని యువీ పెవిలియన్‌కి వెళ్లిపోయాడు. కానీ యువరాజ్‌ ఆడిన బంతి అతడి బ్యాట్‌ అంచుకు తగిలి కీపర్‌ చేతుల్లోంచి వికెట్ల మీద పడింది. ఈ విషయం టీవీ రీప్లేలో స్పష్టంగా కనిపించింది. అటు రీప్లే చూసి కూడా లెగ్ అంపైర్.. యువరాజ్ సింగ్ ఔట్ అని ధ్రువీకరించడం జరిగింది.

Playing for Toronto Nationals in opening match of Global T20 Canada,Yuvraj Singh walked off despite being not out.The 37-year-old was stumped in Vancouver Knights’ bowler Rizwan Cheema’s over after wicketkeeper dropped catch on stumps.Yuvraj was still in crease as per the replays pic.twitter.com/KztPLtQoI1

— Tv9 Gujarati (@tv9gujarati) July 26, 2019