PKL 2024-Telugu Titans : ప్రో కబడ్టీ లీగ్‌లో ‘తెలుగు టైటాన్స్’ క్రేజ్.. భారీగా పెరిగిన స్పాన్సర్లు
ఇప్పటికే సక్సెస్ ఫుల్ గా పది సీజన్లు కంప్లీట్ చేసుకుంది ప్రో కబడ్టీ లీగ్. ప్రస్తుతం పదకొండో సీజన్ కూడా ఉత్కంఠగా జరుగుతోంది. ఈ టోర్నీ మ్యాచ్ లను స్టార్ స్పోర్ట్స్ నెట్ వర్క్ ఛానెల్ లో లైవ్ చూడొచ్చు. అలాగే డిస్నీ ప్లస్ హాట్ స్టార్ లోనూ లైవ్ స్ట్రీమింగ్ కూడా ఉంటుంది.
ప్రతిష్ఠాత్మక ప్రో కబడ్డీ లీగ్ సీజన్ 11 రసవత్తరంగా జరుగుతోంది. ఇక తెలుగు అభిమానుల ఫేవరెట్ జట్టు తెలుగు టైటాన్స్ విజయంతో ఈ సీజన్ ను ఆరంభించింది. అక్టోబర్ 18న బెంగుళూరు బుల్స్ తో జరిగిన మ్యాచ్‌లో విజయం సాధించి శుభారంభం చేసింది. అయితే ఆ తర్వాత వరుసగా రెండు పరాజయాలు ఎదురయ్యాయి. అయతే ఆశావాహ దృక్పథంతో టోర్నీలో ముందుకు సాగుతామంటున్నారు. తెలుగు టైటాన్స్ స్టార్ కమాండర్ పవన్ సెహ్రావత్. కాగా తెలుగు టైటాన్స్ టీమ్ క్రేజ్ రోజు రోజుకూ పెరిగిపోతోంది. ఈ జట్టుకు స్పాన్సర్ల సంఖ్య అంతకంతకూ పెరిగిపోతుండడమే దీనికి నిదర్శనం. తెలుగు టైటాన్స్ మొదటి ఎడిషన్ (2014) ఐదుగురు స్పాన్సర్లతో ప్రారంభమైంది. ఇప్పుడు సీజన్ 11లో ఏకంగా 12 మంది తెలుగు టైటాన్స్ టీమ్ కు స్పాన్సర్లుగా వ్యవహరిస్తున్నారు. ఈ సందర్భంగా
తెలుగు టైటాన్స్ సీఈఓ త్రినాధ్ రెడ్డి మాట్లాడుతూ, “ప్రతి సంవత్సరం తెలుగు టైటాన్స్ టీమ్ కు స్పాన్సర్లుగా వ్యవహరించేందుకు అగ్రశేణ వ్యాపార సంస్థలు ఆసక్తిని చూపిస్తున్నాయి. ఈ స్పందనను చూసి మేమెంతో సంతోషిస్తున్నాం. దీనిని గౌరవంగా కూడా భావిస్తున్నాం. మా స్పాన్సర్లు చాలా మంది మాకు ప్రతి సంవత్సరం మద్దతునిస్తూనే ఉన్నారు. ఈ కారణంగానే మేమెంతో ఉత్సాహంతో మైదానంలోకి దిగుతున్నాం’ అని చెప్పుకొచ్చారు. ఇక Parksons Cartamundi సంస్థ ఎండీ అండ్ సీఈవో కపిల్ కేజ్రీవాల్ మాట్లాడుతూ.. ‘మేం ప్రో కబడ్డీ లీగ్ 11వ సీజన్ కోసం తెలుగు టైటాన్స్ తో చేతులు కలపడానికి ఎంతో సంతోషిస్తున్నాం. కబడ్డీ ఆటకు రోజు రోజుకూ జనాదరణ పెరుగుతోంది. మేం భారతదేశమంతటా మా ఉనికిని విస్తరించాలనుకుంటున్నాం. తెలుగు టైటాన్స్ తో చేతులు కలపడం స్వదేశీ క్రీడల పట్ల మా నిబద్ధతకు నిదర్శనం’ అని చెప్పుకొచ్చారు.
తెలుగు టైటాన్స్ టీమ్ స్పాన్సర్లు..
- Principal Sponsor: Bicycle, Co-sponsor with “am green”,
- Associate Sponsors: Vipani.ai, Stuam, Lubi, Stonecraft WOODS, NED Sports, araku coffee,
- Official Partner: Moo Chuu INDIA and Partners: PACE International and BCC United
పీకేఎల్- 2024 లో తెలుగు టైటాన్స్..
మరిన్ని క్రీడా వార్తల కోసం ఇక్కడ క్లిక్ చేయండి..