‘సచిన్​ కంటే రోహిత్​శర్మ బెస్ట్​ ఓపెనర్’

భార‌త‌ స్టార్ బ్యాట్స్​మన్​ రోహిత్​శర్మపై ప్రశంసలు కురిపించాడు న్యూజిలాండ్​ మాజీ​ బౌలర్​ సైమన్​ డాల్​. వన్డేల్లో క్రికెట్ గాడ్ సచిన్​ టెండుల్క‌ర్ ​ కన్నా రోహిత్ బెస్ట్ ఓపెనర్​ అని అభిప్రాయపడ్డాడు.

“రోహిత్​కు మ్యాచ్ సిట్యువేష‌న్స్ కు తగ్గట్లు, స్పీడ్ మారుస్తూ స్ట్రైక్‌రేట్‌ను పెంచుకునే కెపాసిటీ ఉంది. 60, 70, 80 పరుగుల దగ్గరే కాకుండా.. 90ల వద్ద స్ట్ర‌స్ పీల‌వ్వ‌కుండా రోహిత్ ఆడతాడు. ప్రజంట్ అతడి స్ట్రైక్​రేట్​ 88.93 ఉండగా, యావ‌రేజ్ 49.27 ఉంది. అదే సచిన్ విషయానికొస్తే స్ట్రైక్​రేట్ 86.24, యావ‌రేజ్ 44.83 ఉన్నాయి. కాబట్టి సచిన్​ కంటే రోహిత్​ ముందు ఉన్నాడు. అందుకే రోహిత్ బెస్ట్ ఓపెనర్​ అయ్యాడు” అని సైమన్​ డాల్ పేర్కొన్నాడు.

అయితే వ‌న్డే ఫార్మాట్​లో ఫ‌స్ట్ డ‌బుల్ సెంచ‌రీ సచిన్ నమోదు చేయగా, ఆ తర్వాత వరుసగా మూడు డబుల్ సెంచరీలు కొట్టి రికార్డు సృష్టించాడు రోహిత్ శర్మ. ప్రస్తుతం భారత జట్టుకు వైస్ కెప్టెన్ గా ఉన్న ఇతడు.. గతేడాది వన్డే ప్రపంచకప్​లోనూ అదిరిపోయే గ‌ణాంకాలు న‌మోదు చేశాడు. ఐదు సెంచ‌రీలు చేయడం సహా టోర్నీ చరిత్రలో ఓ సీజన్​లో ఎక్కువ పరుగులు(648) చేసిన బ్యాట్స్​మన్​గా చ‌రిత్ర లిఖించాడు.