Formula Regional Asian Championship: ఫార్ములా రీజినల్ ఏషియన్ ఛాంపియన్‌షిప్​లో సత్తా చాటుతున్న ముంబై ఫాల్కన్స్

ముంబై ఫాల్కన్స్ వారి 2022 ఫార్ములా రీజినల్ ఏషియన్ ఛాంపియన్‌షిప్ (FRAC) ఘనంగా ప్రారంభమైంది. FIA F3 కేటగిరీ ఈవెంట్ 2022 సీజన్‌ అబుదాబిలో ప్రారంభమైంది. ఛాంపియన్‌షిప్‌లో పాల్గొనే ఎనిమిది జట్లలో ఒకటైన ముంబై ఫాల్కన్స్, మోంటే కార్లో ఆర్థర్ లెక్లెర్క్, స్వీడన్ డినో బెగానోవిక్, యువ కొలంబియన్ సెబాస్టియన్ మోంటోయాతో కూడిన బలమైన జట్టును రంగంలోకి దించింది. యస్ మెరీనా సర్క్యూట్‌ జరిగిన రేస్​లో ఒక విజయం రెండు పోడియం ఫినిషింగ్‌లతో ముంబై ఫాల్కన్స్ విజయవంతంగా రేసు ప్రారంభించింది. మోంటోయా, మాజీ ఫార్ములా వన్ డ్రైవర్, ఇండీ 500 విజేత కుమారుడు కూడా. జువాన్ పాబ్లో మోంటోయా తన అరంగేట్రంలోనే ఇసాక్ హడ్జర్, పాల్ అరోన్ వంటి అనుభవజ్ఞులైన డ్రైవర్‌ల కంటే ముందు రేస్ 1 కోసం పోల్‌ను పొందాడు. అతని సహచరులు, ఆర్థర్, డినో ఇద్దరూ టాప్ 6లో నిలిచారు.

మోంటోయా ఒక ఫ్లైయింగ్ స్టార్ట్ చేసాడు. ప్రారంభం నుండి ముగింపు వరకు నడిపించాడు. రెండు సేఫ్టీ కార్ పీరియడ్‌లు ఉన్నప్పటికీ, కొన్ని నిజంగా వేగవంతమైన ల్యాప్‌లతో మిగిలిన ప్యాక్‌ను తప్పించుకోగలిగాడు. మోంటోయా తన తొలి FRAC రేసులో విజేతగా నలిచాడు. ఆర్థర్ లెక్లెర్క్, ఫెరారీ ఫార్ములా వన్ స్టార్, చార్లెస్ లెక్లెర్క్ తమ్ముడు, గ్రిడ్‌లో 5వ స్థానం నుంచి ప్రారంభించిన తర్వాత పోడియం ముగింపు (P3) సాధించాడు. అయితే చివరలో హైటెక్ గ్రాండ్ ప్రిక్స్ డ్రైవర్ గాబ్రియెల్ మినీ యువ మొనెగాస్క్‌ను కొంత దూకుడు డ్రైవింగ్‌తో అధిగమించి

రేసు-2

ముంబై ఫాల్కన్స్ డ్రైవర్ ప్యాక్ మధ్యలో మోంటోయాతో 10వ స్థానంలో ఉండగా, లెక్లెర్క్, బెగానోవిక్ వరుసగా 8వ, 6వ స్థానంలో ఉన్నారు. అయినప్పటికీ, ముగ్గురూ ముందు ప్యాక్‌కి చేరుకోవడానికి వేగంగా కదిలారు. మోంటోయా అద్భుతంగా నడిపాడు. ఒకే కదలికలో రెండు కార్లను దాటి నాల్గవ స్థానాన్ని పొందాడు. R-ace GP గాబ్రియేల్ బోర్టోలెటో సీజన్-ఓపెనర్ రెండో రేసును కైవసం చేసుకున్నాడు. అతని సహచరుడు లోరెంజో ఫ్లక్సా మరియు ఆర్థర్ లెక్లెర్క్ తర్వాతి స్థానాల్లో నిలిచారు.

రేసు-3

డ్రైవర్ అమ్నా అల్ ఖుబైసీ, ఎవాన్స్ GP రేసర్ సెమ్ బోలుక్‌బాసి రేసులో ఢీకొట్టుకున్నారు. అన్ని అడ్డంకులు ఉన్నప్పటికీ లెక్లెర్క్ రేసు కొనసాగించాడు. మోనెగాస్క్ డ్రైవర్ అద్భుతంగా రాణించాడు. మోంటోయా మరియు బెగానోవిక్ వరుసగా 10 మరియు 11 స్థానాల్లో నిలిచారు. ఇదిలా ఉండగా, జనవరి 20న యస్ మెరీనా సర్క్యూట్‌లో ప్రారంభమైన ఫార్ములా 4 సిరీస్‌లో భారతీయ రేసింగ్ సూపర్‌స్టార్ రాణించాడు. సోహిల్ చాలా కాలంగా భారతదేశంలోని యువ డ్రైవర్ల గురించి ఎక్కువగా మాట్లాడుతున్నప్పటికీ, ఫార్ములా 4 UAE సిరీస్‌లో సీజన్-ఓపెనింగ్ రేసులో అతని ప్రదర్శన అతని ప్రతిభను మరోసారి నిరూపించింది. బెంగుళూరు యువకుడు, అత్యుత్తమ జూనియర్ ఫార్ములా డ్రైవర్లకు వ్యతిరేకంగా 27 మంది ఔత్సాహిక F1 డ్రైవర్లతో కూడిన గ్రిడ్‌లో రేస్ 1, రేస్ 2లో 5వ స్థానానికి అర్హత సాధించడానికి గొప్ప వేగం కనబరిచాడు.

రేసును దూకుడుగా ప్రారంభించినప్పటికీ తర్వాత నెమ్మదించాడు. యువ ముంబై ఫాల్కన్స్ రేసర్ ధైర్యంగా పోరాడి 10వ స్థానంలో నిలిచాడు. రేసు 2లో, ఆన్-ట్రాక్ ఉల్లంఘన కారణంగా షా P8కి పతనమయ్యాడు. షా రేస్ 3లో P15 స్థానంలో నిలిచాడు. మొదట అతను 25వ స్థానానికి పడిపోయాడు. కానీ తర్వాత పుంచుకున్నాడు. సీఈఓ ముంబయి ఫాల్కన్స్, మోయిడ్ తుంగేకర్, జట్టు సీజన్‌ను ప్రారంభించడం పట్ల సంతోషం వ్యక్తం చేశారు.

Read Also.. Vamika: వామిక ఫొటోలు నెట్టింట వైరల్.. కీలక ప్రకటన చేసిన విరాట్ కోహ్లీ..!