Watch Video: గాయం తర్వాత రీఎంట్రీ.. ఒక్క త్రోతో 3 రికార్డులు.. తొలి భారత ప్లేయర్‌గా నీరజ్ చోప్రా సరికొత్త చరిత్ర..
ప్రపంచ ఛాంపియన్‌షిప్‌లో గాయం కారణంగా నీరజ్ చోప్రా కామన్వెల్త్ గేమ్స్‌కు దూరమయ్యాడు. ఆ తర్వాత ప్రస్తుతం మళ్లీ రంగంలోకి దిగాడు.
Updated on: Aug 27, 2022 | 7:26 AM
Diamond League: నీరజ్ చోప్రా తన ఒక్క త్రోతో 3 అద్భుతాలు చేశాడు. మైదానంలోకి రీఎంట్రీ చేస్తూ చరిత్ర సృష్టించాడు. ప్రపంచ ఛాంపియన్‌షిప్‌లో గాయం కారణంగా కామన్వెల్త్ గేమ్స్‌కు దూరమైన ఒలింపిక్ ఛాంపియన్ నీరజ్.. పునరాగమన టోర్నీలో చరిత్ర సృష్టించాడు. డైమండ్ లీగ్ మీట్‌లో లాసాన్ స్టేజ్ టైటిల్‌ను గెలుచుకున్న మొదటి భారతీయుడిగా నిలిచాడు. సెప్టెంబరు 7-8 వరకు జ్యూరిచ్‌లో జరగనున్న డైమండ్ లీగ్ ఫైనల్‌కు భారత స్టార్ కూడా అర్హత సాధించాడు.
ప్రపంచ ఛాంపియన్‌షిప్‌కు అర్హత..
ప్రపంచ ఛాంపియన్‌షిప్‌కు అర్హత సాధించి, ఈ ఘనత సాధించిన తొలి భారతీయుడిగా నీరజ్ నిలిచాడు. ఈ చారిత్రాత్మక త్రోతో వచ్చే ఏడాది హంగేరీలోని బుడాపెస్ట్‌లో జరిగే ప్రపంచ ఛాంపియన్‌షిప్‌కు కూడా అర్హత సాధించాడు. నీరజ్ తొలి ప్రయత్నంలోనే 89.08 మీటర్లు జావెలిన్ విసిరాడు. ఇది అతని కెరీర్‌లో మూడో అత్యుత్తమ ప్రయత్నంగా నిలిచింది. డైమండ్ లీగ్ టైటిల్ గెలిచిన తొలి భారతీయుడిగా నీరజ్ నిలిచాడు. అతనికి ముందు డిస్కస్ త్రోయర్ వికాస్ గౌడ డైమండ్ లీగ్ మీట్‌లో టాప్ 3లో చేరిన ఏకైక భారతీయుడిగా నిలిచాడు.
HE’S DONE IT!??
IIS athlete #NeerajChopra becomes the FIRST EVER Indian to win at the Diamond League, finishing top of the pile at the #LausanneDL with a MASSIVE throw of 89.08m in his very first attempt⚡️
He qualifies for the Diamond League final, in Zurich. #CraftingVictories pic.twitter.com/zbxbqrlWnD
— Inspire Institute of Sport (@IIS_Vijayanagar) August 26, 2022
స్వర్ణం కోల్పోయిన నీరజ్..
యూజీన్‌లో జరిగిన ప్రపంచ ఛాంపియన్‌షిప్ ఫైనల్ మ్యాచ్‌లో భారత స్టార్ నాలుగో త్రోలో గాయపడ్డాడు. అతని గజ్జలో ఒత్తిడితో గాయమైంది. ఈ ప్రపంచ ఛాంపియన్‌షిప్‌లో రజత పతకాన్ని సాధించి చరిత్ర సృష్టించాడు. దేశం మొత్తం అతని నుంచి స్వర్ణం ఆశించినా.. గాయం కారణంగా అతడు దానిని కోల్పోయాడు. ఫైనల్‌లో నాలుగో త్రోలో భారత్‌కు రజత పతకాన్ని అందించాడు. చివరి 2 త్రోలలో అతని నుంచి స్వర్ణం ఆశించారు. కానీ, నాల్గవ త్రో తర్వాత, అతను ఇబ్బందుల్లో కనిపించడం ప్రారంభించాడు. ఈ గాయం కారణంగా అతను కామన్వెల్త్ క్రీడల నుంచి కూడా వైదొలగాల్సి వచ్చింది. ప్రపంచ ఛాంపియన్‌షిప్‌లో పతకం సాధించిన రెండో భారతీయుడు నీరజ్ నిలిచాడు.
