India vs Kuwait, SAFF Championship Final: 9వసారి సాఫ్ ఛాంపియన్షిప్గా భారత్.. ఫైనల్లో కువైట్ను చిత్తు చేసిన సునీల్ ఛెత్రీ సేన..
India vs Kuwait, SAFF Championship Final: గురుప్రీత్ సింగ్ సంధు పెనాల్టీని ఆపడం ద్వారా భారత్కు 5-4తో విజయాన్ని అందించాడు. భారత్ ఇంతకుముందు 1993, 1997, 1999, 2005, 2009, 2011, 2015, 2021లో టైటిల్ను గెలుచుకుంది.
Updated on: Jul 05, 2023 | 8:53 AM
India vs Kuwait, SAFF Championship Final: సాఫ్ ఛాంపియన్షిప్ టైటిల్ను భారత్ 9వ సారి గెలుచుకుంది. ఉత్కంఠభరితంగా సాగిన ఫైనల్లో సునీల్ ఛెత్రీ సేన కువైట్ను ఓడించింది. ఇరుజట్ల మధ్య చాలా ఉత్కంఠభరితమైన మ్యాచ్ జరిగింది. గురుప్రీత్ సింగ్ సంధు పెనాల్టీని ఆపడం ద్వారా భారత్కు 5-4తో విజయాన్ని అందించాడు. భారత్ ఇంతకుముందు 1993, 1997, 1999, 2005, 2009, 2011, 2015, 2021లో టైటిల్ను గెలుచుకుంది.
మ్యాచ్ గురించి మాట్లాడితే.. నిర్ణీత 90 నిమిషాల్లో భారత్, కువైట్ జట్లు 1-1తో సమంగా నిలిచాయి. ఎక్స్ట్రా టైమ్లో కూడా ఇరు జట్లలో ఏ జట్టు కూడా విజయం సాధించలేకపోయింది. అనంతరం పెనాల్టీ షూటౌట్ ఆడింది. షూటౌట్లో కూడా ఒక్కసారిగా స్కోరు 4-4తో సమానం కావడంతో సడన్ డెత్లో భారత్ స్కోర్ చేయడంతో భారత గోల్ కీపర్ గుర్ప్రీత్ పెనాల్టీని వాల్గా మార్చాడు.
సునీల్ ఛెత్రి షాట్ను అడ్డుకున్న కువైట్ గోల్ కీపర్..
అంతకుముందు భారత్పై కువైట్ తొలి 14 నిమిషాల్లో గోల్ చేసి ఆధిక్యంలోకి వెళ్లింది. 14వ నిమిషంలో షబీబ్ అల్ ఖలీదీ గోల్ చేశాడు. 16వ నిమిషంలో భారత్కు సమం చేసే అవకాశం లభించినా సునీల్ ఛెత్రి కొట్టిన షాట్ను కువైట్ గోల్ కీపర్ అడ్డుకున్నాడు.
🇮🇳 INDIA are SAFF 𝐂𝐇𝐀𝐌𝐏𝐈𝐎𝐍𝐒 for the 9️⃣th time! 💙
🏆 1993 🏆 1997 🏆 1999 🏆 2005 🏆 2009 🏆 2011 🏆 2015 🏆 2021 🏆 𝟮𝟬𝟮𝟯#SAFFChampionship2023 #BlueTigers 🐯 #IndianFootball ⚽ pic.twitter.com/3iLJQSeyWG
— Indian Football Team (@IndianFootball) July 4, 2023
భారత్ ఖాతా తెరిచిన చాంగ్టే..
ఆ తర్వాత కువైట్ జట్టు మరింత దూకుడు పెంచింది. 38వ నిమిషంలో భారత్కు చెందిన లాలియన్జులా చాంగ్టే గోల్ చేసి స్కోరును సమం చేసింది. స్కోరు సమమైన తర్వాత ఇరు జట్లు ఆధిక్యం సాధించేందుకు శాయశక్తులా ప్రయత్నించినా 90 నిమిషాల వరకు ఎవరూ ఆధిక్యం సాధించలేకపోయారు.
మరిన్ని క్రీడా వార్తల కోసం ఇక్కడ క్లిక్ చేయండి..
