Madhavan: కొడుకును ఇలా పెంచాలి.. మాధవన్‌పై ప్రముఖుల ప్రశంసలు.. ఎందుకో తెలుసా..
స్టార్ హీరో ఆర్ మాధవన్ కుమారుడు వేదాంత మాధవన్ అద్భుతమైన స్విమ్మర్‌గా రాణిస్తున్నాడు. వేదాంత తన కృషితో తన కుటుంబంతో పాటు దేశం పేరు..
Madhavan Son Vedaant: స్టార్ హీరో ఆర్ మాధవన్ కుమారుడు వేదాంత మాధవన్ అద్భుతమైన స్విమ్మర్‌గా రాణిస్తున్నాడు. వేదాంత తన కృషితో తన కుటుంబంతో పాటు దేశం పేరును మరోసారి వెలుగులోకి తీసుకొస్తున్నాడు. స్విమ్మింగ్‌లో వేదాంత 7 జాతీయ అవార్డులను గెలుచుకుంది. ఇటీవల ముగిసిన 47వ జూనియర్ నేషనల్ ఆక్వాటిక్ ఛాంపియన్‌షిప్స్ 2021లో మొత్తం ఏడు పతకాలను గెలుచుకున్నాడు. 16 ఏళ్ల వేదాంత్ బసవనగుడి ఆక్వాటిక్ సెంటర్‌లో నాలుగు రజత పతకాలతోపాటు మూడు కాంస్య పతకాలు సాధించాడు. బెంగళూరు వేదికగా జరిగిన ఈ పోటీల్లో మహారాష్ట్రకు ప్రాతినిధ్యం వహించాడు. 800 మీటర్ల ఫ్రీస్టైల్ స్విమ్మింగ్, 1500 ఫ్రీస్టైల్ స్విమ్మింగ్, 4 × 100 ఫ్రీస్టైల్ రిలే, 4 × 200 ఫ్రీస్టైల్ రిలే ఈవెంట్లలో రజతం సాధించాడు.
అభిషేక్ సింఘ్వీ ప్రశంసలు..
మాధవన్ కుమారుడు వేదాంత 7 పతకాలు సాధించడంతో రాజ్యసభ సభ్యుడు అభిషేక్ మను సింఘ్వి అతనిపై ప్రశంసలు కురిపించారు. వేదాంతాన్ని ప్రశంసిస్తూ ట్వీట్ చేశారు. ఆద్భుతమైన ఆటతీరుతో రాణించినందుకు వేదాంతును అభినందించారు. ఇదే సందర్భంలో తండ్రి మాధవన్‌ను కూడా పొగడ్తలతో ముంచేశారు. “మీ పెంపకం గురించి మేము గర్విస్తున్నాం” తన ట్వీట్‌లో పేర్కొన్నారు.
షారుఖ్ ఖాన్ కొడుకు ఆర్యన్ డ్రగ్స్ కేసులో అరెస్టయిన తర్వాత అతనితో మాధవన్ కొడుకును నెటిజన్లు పోల్చుతున్నారు. 16 ఏళ్ల వేదాంత దేశం కోసం పతకం సాధిస్తుండగా.. సరిగ్గా అదే సమయంలో డ్రగ్స్ కేసులో ఆర్యన్ ఖాన్ అరెస్టయ్యాడు. డ్రగ్స్ కేసులో ఆర్యన్ బెయిల్ పిటిషన్ కూడా తిరస్కరించబడింది. ఇప్పుడు ఆర్యన్ తరపు న్యాయవాదులు హైకోర్టులో అప్పీల్ చేయబోతున్నారు.
Good job Vedant. We are proud of you and your upbringing. ? pic.twitter.com/6SNVJI51w1
— Abhishek Singhvi (@DrAMSinghvi) October 24, 2021
దేశానికి పతకం సాధించాడు
ఈ ఏడాది మార్చిలో వేదాంత కాంస్య పతకాన్ని సాధించి తన తండ్రి గర్వపడేలా చేశారు. లాత్వియన్ ఓపెన్ స్విమ్మింగ్ ఛాంపియన్ ఈవెంట్‌లో వేదాంత్ పతకం సాధించాడు. మాధవన్ స్వయంగా సోషల్ మీడియాలో పోస్ట్ చేశారు. తన కొడుకు విజయంకు సంబంధించిన ఫొటోలను కూడా ఆయన సోషల్ మీడియాలో షేర్ చేశారు.
ఇవి కూడా చదవండి: PF Withdraw: కేవలం గంటలో పీఎఫ్ ఉపసంహరించుకోవచ్చు.. ఎలా చేసుకోవాలో తెలుసా..
