ఆసియా ఎయిర్‌గన్‌ ఛాంపియన్‌షిప్‌ లో ప్రపంచ రికార్డ్

సౌరభ్‌ చౌదరి, మను బాకర్‌ ల జోడి ఆసియా ఎయిర్‌గన్‌ ఛాంపియన్‌షిప్‌ లో ప్రపంచ రికార్డు నెలకొల్పారు. 10 మీటర్ల ఎయిర్‌ పిస్టల్‌ మిక్స్‌డ్‌ లో వీరిద్దరి జోడి స్వర్ణం చేజిక్కించుకుంది. ఈ క్రమంలో క్వాలిఫికేషన్‌ ప్రపంచ రికార్డును బద్దలు కొట్టింది. 17 ఏళ్ల మను, 16 ఏళ్ల సౌరభ్‌ క్వాలిఫికేషన్‌లో 784 స్కోర్‌ చేసి.. రష్యా జంట బత్సారిష్కినా, చెర్నొసోవ్‌ల పేరిట ఉన్న రికార్డును బద్దలు కొట్టారు. ఇక భారత జోడీ ఫైనల్లో 484.8 పాయింట్లతో స్వర్ణం నెగ్గింది. కాగా అనురాధ, అభిషేక్‌ వర్మల జోడి నాలుగో స్థానం (372.1)లో నిలిచింది.