RP Patnaik: ఆ సినిమా సక్సెస్ తర్వాత 25 చిత్రాలకు నో చెప్పాను.. కారణం ఇదే.. ఆర్పీ పట్నాయక్..

తెలుగు సినీ పరిశ్రమలో తనదైన ముద్ర వేశారు సంగీత దర్శకుడు ఆర్పీ పట్నాయక్. ఎన్నో సూపర్ హిట్ చిత్రాలకు మంచి మ్యూజిక్ అందించారు. కానీ ఇప్పుడు సినిమాలకు దూరంగా ఉంటున్నారు. ఈ క్రమంలో ఇటీవల ఓ ఇంటర్వ్యూలో పాల్గొన్న ఆయన తన కెరీర్, ముఖ్యంగా చిత్రం సినిమా నేపథ్యం గురించి పలు ఆసక్తికర విషయాలను పంచుకున్నారు. ఆయన గాత్రం గురించి మాట్లాడుతూ, అది సహజసిద్ధంగా వచ్చిన అదృష్టమని, తన తల్లిదండ్రుల జీన్స్ వల్లే తనకు ఈ గొంతు లభించిందని తెలిపారు. ప్రాక్టీస్ చేయనని, పాటలు కంపోజ్ చేసిన తర్వాత వాటిని మళ్లీ విననని, కేవలం షోలు ఉన్నప్పుడు మాత్రమే వాటిని పాడుతానని ఆయన వెల్లడించారు. తాను సింగర్స్‌కు ఒక రాంగ్ ఎగ్జాంపుల్ అవుతానని, అందుకే తన విధానాలను ఎవరికీ చెప్పనని సరదాగా అన్నారు.

ఎక్కువమంది చదివినవి : Jabardasth Naresh: నెలకు 13 ఈవెంట్స్ చేస్తా.. ఒక్కో ఈవెంట్‏కు ఎంత తీసుకుంటానంటే.. జబర్దస్త్ నరేష్..

దర్శకుడు తేజతో తన అనుబంధం చిత్రం సినిమా కంటే ముందే మొదలైందని ఆర్పీ పట్నాయక్ వివరించారు. తేజ ఒక సినిమాకు కెమెరామెన్‌గా పనిచేస్తున్నప్పుడు, ఒక పర్టిక్యులర్ సిచువేషన్ కోసం థీమ్ కంపోజ్ చేసే అవకాశం తనకు వచ్చిందని తెలిపారు. ఆ థీమ్ సినిమాలో ఉపయోగించబడకపోయినా, తేజ తన పనితీరును అప్పుడే గుర్తించారని చెప్పారు. తేజ తక్కువ రెమ్యూనరేషన్ వస్తుండడంతో దర్శకుడిగా మారాలని నిర్ణయించుకున్నారని, చిత్రం సినిమాను పరిమిత బడ్జెట్‌లో తీయాలని సంకల్పించారని ఆర్పీ పట్నాయక్ పేర్కొన్నారు. రామోజీరావు తో మాట్లాడి, తక్కువ బడ్జెట్‌లో సినిమా చేసేందుకు ఒప్పించారని తెలిపారు.

ఎక్కువమంది చదివినవి : Tollywood : ఎంతో కష్టపడి కట్టుకున్న ఇల్లును సుడిగాలి సుధీర్‏కు అమ్మేశా.. టాలీవుడ్ నటుడు..

చిత్రం సినిమాకు మ్యూజిక్ డైరెక్టర్‌గా ఆర్పీ పట్నాయక్‌ను తేజ స్వయంగా ఎంపిక చేసుకున్నారు. లోకల్‌గా ఉండి, తక్కువ ఖర్చుతో, కొత్త దర్శకుడి మాట వినే మ్యూజిక్ డైరెక్టర్ కావాలనే ఉద్దేశంతో తనను ఎంచుకున్నారని ఆర్పీ పట్నాయక్ చెప్పారు. చిత్రం సినిమాలోని పాటలన్నింటికీ కలిపి కేవలం రెండున్నర లక్షల రూపాయలు మాత్రమే ఖర్చయ్యాయని ఆయన ఆశ్చర్యకరమైన విషయాన్ని వెల్లడించారు. రామోజీరావు నుండి తాను అందుకున్న మొదటి చెక్ రూ. 75,000 అని, అది తనకు ఎంతో సెంటిమెంటల్ అని, ఈ రోజు వరకు తన అకౌంట్‌లో ఎప్పుడూ కొంత మొత్తం ఉండేలా చూసుకునేలా ఆ చెక్ తనకు స్ఫూర్తినిచ్చిందని తెలిపారు.

ఎక్కువమంది చదివినవి : Tollywood : ఆమెకు 15.. అతడికి 24.. పదేళ్లుగా సీక్రెట్ లవ్.. కట్ చేస్తే.. భార్యభర్తలుగా ఒక్కటైన హీరోహీరోయిన్..

చిత్రం విజయం తర్వాత తన కెరీర్‌లో పెద్ద మార్పు వచ్చిందని, అది “నో” చెప్పడం నేర్చుకోవడమని ఆర్పీ పట్నాయక్ అన్నారు. చిత్రం తర్వాత వచ్చిన దాదాపు 22 సినిమాలకు తాను నో చెప్పానని, అన్నీ చిన్న బడ్జెట్ చిత్రాలేనని చెప్పారు. చిత్రం విజయం బడ్జెట్ వల్ల కాదని, అద్భుతమైన కాన్సెప్ట్, ఎంతో అనుభవం ఉన్న టెక్నీషియన్ (తేజ) వల్లే సాధ్యమైందని ఆయన చెప్పారు. సక్సెస్ తర్వాత సెలక్షన్ ముఖ్యమని, వచ్చే ఆఫర్లన్నీ ఒప్పుకుని ఉంటే తన ఫెయిల్యూర్ రేటే ఎక్కువగా ఉండేదని, అప్పుడు “టైమ్‌లెస్ మ్యూజిక్” అనే మాట వచ్చేది కాదని అభిప్రాయపడ్డారు. నో చెప్పడం వల్ల కొందరు తనను అహంకారిగా భావించినా, అది తన కెరీర్ కోసమే తీసుకున్న నిర్ణయమని, తనతో ప్రయాణించిన వారికి తన వ్యక్తిత్వం తెలుసని ఆర్పీ పట్నాయక్ స్పష్టం చేశారు.

ఎక్కువమంది చదివినవి : Appa Rao: ఆ సినిమా సమయంలో చేసిన పని.. నా ఫేస్ మొత్తం బ్లాక్ అయ్యింది.. జబర్దస్త్ అప్పారావు..