Mohit Sharma: తండ్రిగా ప్రమోషన్‌ పొందిన టీమిండియా క్రికెటర్‌.. బుజ్జాయి పుట్టాడంటూ భావోద్వేగం..

టీమిండియా క్రికెటర్‌ మోహిత్‌ శర్మ తండ్రిగా ప్రమోషన్‌ పొందాడు. అతని సతీమణి శ్వేత సోమవారం పండంటి మగ బిడ్డను ప్రసవించింది

Basha Shek |
Updated on: Dec 28, 2021 | 9:44 AM

టీమిండియా క్రికెటర్‌ మోహిత్‌ శర్మ తండ్రిగా ప్రమోషన్‌ పొందాడు. అతని సతీమణి శ్వేత సోమవారం పండంటి మగ బిడ్డను ప్రసవించింది. కాగా తాము అమ్మానాన్నలమయ్యామన్న శుభవార్తను సోషల్ మీడియాలో షేర్‌ చేసుకుని మురిసిపోయారీ మోహిత్‌ దంపతులు. పిల్లాడిని తమ చేతుల్లోకి తీసుకున్న ఫొటోను షేర్‌ చేస్తూ ‘ ఈ ప్రపంచంలోకి స్వాగతం. మా మనసులు సంతోషంతో నిండిపోయాయి. మాకు అబ్బాయి పుట్టిన విషయాన్ని అందరికీ తెలియజేసేందుకు మేమెంతో గర్విస్తున్నాం ‘ అంటూ ఎమోషనల్‌ అయ్యారు. ఈ క్రమంలో క్రికెటర్లు, అభిమానులు, నెటిజన్ల నుంచి మోహిత్‌ దంపతులకు శుభాకాంక్షలు, అభినందనలు వెల్లువెత్తుతున్నాయి.

కాగా హర్యానాకు చెందిన మోహిత్‌ శర్మ 2013 ఆగస్టులో టీమిండియా తరఫున అరంగేట్రం చేశాడు. రైట్‌ ఆర్మ్‌ ఫాస్ట్‌ బౌలర్‌గా 26 వన్డేల్లో 31 వికెట్లు నేలకూల్చాడు. 4 టీ20 మ్యాచ్‌ల్లో 6 వికెట్లు పడగొట్టాడు. చివరిసారిగా 2015లో భారత్‌ తరఫున అంతర్జాతీయ మ్యాచ్‌ ఆడిన సీనియర్‌ బౌలర్‌ ఎక్కువ కాలం టీమిండియాలో కొనసాగలేకపోయాడు . ఇక ఐపీఎల్‌లో చెన్నై సూపర్‌ కింగ్స్‌, పంజాబ్‌, ఢిల్లీ జట్లకు ప్రాతినిథ్యం వహించాడు మోహిత్‌. మొత్తం 86 మ్యాచ్‌లు ఆడి 92 వికెట్లు తన ఖాతాలో వేసుకున్నాడు. ఇక అతని వ్యక్తిగత జీవిత విషయానికి వస్తే.. 2016లో శ్వేతను పెళ్లాడాడు మోహిత్‌ శర్మ. ఐదేళ్ల తర్వాత తల్లిదండ్రలుగా ప్రమోషన్‌ పొందారు.

View this post on Instagram

A post shared by Mohitmahipal Sharma (@mohitsharma18)