MS Dhoni: ధోనిపై మాట మార్చిన యువరాజ్ సింగ్ తండ్రి! ‘తల’ని ఏమన్నాడో చూడండి
యోగరాజ్ సింగ్, ఒకప్పుడు MS ధోనిపై విమర్శలు గుప్పించినా, ఇప్పుడు ఆయన క్రికెట్ తెలివితేటలు, ధైర్యాన్ని ప్రశంసించారు. ధోని యువ క్రికెటర్లకు ప్రేరణగా నిలిచారని పేర్కొన్నారు. ఆస్ట్రేలియాలో జరిగిన బోర్డర్-గవాస్కర్ ట్రోఫీ సిరీస్లో భారత్ 1-3 తేడాతో ఓడినా, జాంటీ రోడ్స్ ఇలాంటి ఒత్తిడిని తప్పించాలని సూచించారు.
Updated on: Jan 13, 2025 | 12:30 PM
భారత క్రికెట్ దిగ్గజం యువరాజ్ సింగ్ తండ్రి యోగరాజ్ సింగ్, మహేంద్ర సింగ్ ధోని గురించి తన గత విమర్శలను పక్కన పెట్టి, ఇప్పుడు ఆయన పట్ల ప్రశంసలు కురిపిస్తున్నారు. ఒకప్పుడు ధోనిని కఠినంగా విమర్శించిన యోగరాజ్, ధోనికి ఉన్న క్రికెట్ తెలివితేటలు, మైదానంలోని ధైర్యాన్ని ప్రశంసిస్తూ, యువ క్రికెటర్లకు ఆయన ఎంతో ప్రోత్సాహాన్ని అందించారని పేర్కొన్నారు.
ఇటీవల ఒక ఇంటర్వ్యూలో ఆయన ధోనిని అద్భుతమైన కెప్టెన్గా పేర్కొంటూ, వికెట్ల వెనుక అతని గేమ్ రీడింగ్ స్కిల్స్, ఆటగాళ్లను మార్గదర్శనం చేసే పద్ధతిని మెచ్చుకున్నారు. “ధోనిలోని గొప్పతనం ఏమిటంటే, అతను పిచ్ ని చదవడంలో నిపుణుడు. అతను ఎక్కడ బౌలింగ్ చేయాలో బౌలర్లకు చెప్పగలడు,” అని యోగరాజ్ అన్నారు. ధోనికి ఉన్న నిర్భయ ధోరణి, ఒత్తిడిని ఎదుర్కొనే ధైర్యం, క్రికెట్ చరిత్రలో అరుదైనది అని అభిప్రాయపడ్డారు.
అటు, ఆస్ట్రేలియాలో జరిగిన బోర్డర్-గవాస్కర్ ట్రోఫీ సిరీస్లో భారత్ 1-3 తేడాతో ఓడింది. ఈ ఓటమికి విరాట్ కోహ్లీ, రోహిత్ శర్మలపై నిందలు రావడం గమనార్హం. కానీ మాజీ క్రికెటర్ జాంటీ రోడ్స్, అభిమానులు క్రికెటర్లపై ఒత్తిడి పెంచుతున్నారని, గత విజయాలను మరిచిపోతున్నారని అభిప్రాయపడ్డారు.
మరిన్ని క్రికెట్ వార్తల కోసం ఇక్కడ క్లిక్ చేయండి..
