Karun Nair: వరుస సెంచరీలతో రికార్డుల మోత మోగిస్తున్న RCB ఆటగాడు! ఇండియాలోనే 3 బ్యాట్సమెన్ గా చరిత్ర

విదర్భ విజయ్ హజారే ట్రోఫీలో రాజస్థాన్‌పై దుమ్ము దులిపింది, 9 వికెట్ల తేడాతో గెలిచి సెమీఫైనల్‌కు ప్రవేశించింది. కరుణ్ నాయర్ తన ఐదో శతకం సాధించాడు. దీనితో అతడు వరుసగా నాలుగు సెంచరీల ఘనత సాధించాడు. అతని 122 పరుగుల అజేయ ఇన్నింగ్స్ 82 బంతుల్లో 13 ఫోర్లు, 5 సిక్సర్లతో మెరిసింది. ధృవ్ షోరే (118 నాటౌట్) అద్భుత భాగస్వామ్యంతో కలిసి కేవలం 29 ఓవర్లలోనే విదర్భ 291 పరుగుల లక్ష్యాన్ని చేజ్ చేసింది.

రాజస్థాన్ బ్యాటర్లు ప్రారంభంలో మంచి భాగస్వామ్యాలు నిలబెట్టినా, పెద్ద స్కోరుగా మార్చుకోలేకపోయారు. యష్ ఠాకూర్ (4/39) అద్భుతమైన బౌలింగ్‌తో విరుచుకుపడ్డాడు. మరోవైపు, హర్యానా గుజరాత్‌ను ఓడించి సెమీఫైనల్‌లోకి ప్రవేశించింది. రవి బిష్ణోయ్ (4/46) కీలకంగా నిలవగా, హిమాన్షు రానా 66 పరుగులతో హర్యానా విజయానికి దోహదపడ్డాడు.

ఇక కరుణ్ నాయర్ వరుసగా నాలుగు లిస్ట్ A సెంచరీలతో ప్రపంచ క్రికెట్ దిగ్గజాలతో సమానమయ్యాడు. ప్రస్తుతం అతని రెడ్-హాట్ ఫామ్ కారణంగా విదర్భ జట్టు మరింత జోరుగా ఉంది.

మరిన్ని క్రికెట్ వార్తల కోసం ఇక్కడ క్లిక్ చేయండి..