Team India: టీమిండియా క్రికెటర్‌పై దాడి కేసు.. నటిని అరెస్ట్ చేసిన పోలీసులు..
Prithvi Shaw: క్రికెటర్ పృథ్వీషాపై దాడికి పాల్పడ్డ నటి, ఆమె గ్యాంగ్‌ను అరెస్ట్ చేశారు ముంబై పోలీసులు. కేసు నమోదు చేసి దర్యాప్తు చేస్తున్నారు.
Updated on: Feb 18, 2023 | 3:29 AM
టీమిండియా క్రికెటర్ పృథ్వీ షాపై దాడి కేసులో నటి, సోషల్ మీడియా ఇన్‌ఫ్లుయెన్సర్‌ సప్న గిల్‌ని ముంబై పోలీసులు అరెస్ట్ చేశారు. సెల్ఫీ అడిగితే ఇవ్వడం లేదన్న కారణంతో పృథ్వీ షాపై సప్న గిల్ గ్యాంగ్ దాడికి పాల్పడ్డారు. దీంతో సప్న గిల్‌తో పాటు వాళ్ల గ్యాంగ్ ను అదుపులోకి తీసుకున్నారు పోలీసులు. ముంబైలోని ఓ స్టార్‌ హోటల్‌లో లంచ్‌కి వెళ్లిన పృథ్వీ షా, అతని స్నేహితుడు సురేంద్ర యాదవ్‌ను సప్న గిల్ గ్యాంగ్ గమనించింది. సెల్ఫీ అడుగుతూ ఇబ్బందికి గురి చేసింది. దీంతో హోటల్‌ సిబ్బంది పృథ్వీ షాతో పాటు సప్న గ్యాంగ్‌ను బయటకు పంపించేశారు.
దీన్ని అవమానంగా భావించిన సప్న .. షా ప్రయాణిస్తున్న కారును వెంబడించి.. అతనిపై దాడికి పాల్పడ్డారు. ఈ ఘటనపై షా అతని ఫ్రెండ్స్ పోలీసులకు ఫిర్యాదు చేశారు. కేసు నమోదు చేసుకున్న ముంబై పోలీసులు.. సప్న గిల్‌ని అరెస్ట్ చేసి రిమాండ్‌కు తరలించారు. సప్న గిల్ ఒక సోషల్ మీడియా ఇన్‌ఫ్లుయెన్సర్‌గా కొనసాగుతుంది. సోషల్ మీడియా ప్లాట్‌ఫారమ్‌ల్లో తన డ్యాన్స్ వీడియోలను షేర్ చేస్తూ ఉంటుంది. ఇన్‌స్టాలో ఆమె 2.20 లక్షల ఫాలోవర్స్‌ ఉన్నారు. అలాగే పలు ‘కాశీ అమర్‌నాథ్’, ‘మేరా వానత్’ వంటి భోజ్‌పురి సినిమాల్లో కూడా నటించింది సప్న గిల్.
మరిన్ని క్రీడా వార్తల గురించి ఇక్కడ క్లిక్ చేయండి..
