T20 World Cup: టీ20 ప్రపంచకప్ తెచ్చే టీమిండియా ప్లేయింగ్ 11 ఇదే.. ప్రత్యర్థులకు ఇక బడిత పూజే..
Team India: భారత గడ్డపై జరుగుతున్న ఈ టోర్నీలో డిఫెండింగ్ ఛాంపియన్గా బరిలోకి దిగుతున్న టీమ్ ఇండియా, తన టైటిల్ను నిలబెట్టుకోవాలని పట్టుదలతో ఉంది. యువ రక్తం, అనుభవజ్ఞుల కలయికతో ఉన్న ఈ 'ప్లేయింగ్ XI' చూస్తుంటే భారత్ మరోసారి విశ్వవిజేతగా నిలిచే అవకాశాలు మెండుగా ఉన్నాయి.
Updated on: Dec 22, 2025 | 7:18 PM
T20 World Cup: 2026లో భారత్ వర్సెస్ శ్రీలంక సంయుక్తంగా ఆతిథ్యం ఇవ్వనున్న ఐసీసీ టీ20 వరల్డ్ కప్ కోసం భారత జట్టును (స్క్వాడ్) బీసీసీఐ ఇప్పటికే ప్రకటించింది. ఈ టోర్నీలో టీమ్ ఇండియా ప్రదర్శనపై భారీ అంచనాలు నెలకొన్నాయి. ఈ మెగా టోర్నీలో సూర్యకుమార్ యాదవ్ సారథ్యంలోని భారత తుది జట్టు (Predicted Playing XI) ఎలా ఉండబోతుందో ఇప్పుడు చూద్దాం..
టీ20 వరల్డ్ కప్ 2026: టీమ్ ఇండియా అంచనా తుది జట్టు (Predicted Playing XI):
1. ఓపెనర్లు: అభిషేక్ శర్మ & ఇషాన్ కిషన్ ఈ టోర్నీలో టీమ్ ఇండియా తరపున అభిషేక్ శర్మ, ఇషాన్ కిషన్ ఓపెనింగ్ చేసే అవకాశం ఉంది. ఇటీవలే సయ్యద్ ముస్తాక్ అలీ ట్రోఫీలో జార్ఖండ్ జట్టును విజేతగా నిలిపి, ఫైనల్లో సెంచరీతో చెలరేగిన ఇషాన్ కిషన్ రెండేళ్ల విరామం తర్వాత జట్టులోకి అద్భుత పునరాగమనం చేశాడు. వీరిద్దరూ తొలి ఓవర్ నుంచే భారీ షాట్లతో ప్రత్యర్థి బౌలర్లపై విరుచుకుపడే సామర్థ్యం ఉన్నవారు.
2. మిడిల్ ఆర్డర్: సూర్యకుమార్ యాదవ్, తిలక్ వర్మ: సూర్యకుమార్ యాదవ్ (కెప్టెన్): ప్రపంచ నంబర్ 1 టీ20 బ్యాటర్ సూర్యకుమార్ యాదవ్ మూడో స్థానంలో బ్యాటింగ్కు రానున్నడు. మైదానం నలుమూలలా షాట్లు కొట్టే (360 డిగ్రీ ప్లేయర్) సూర్య, జట్టుకు వెన్నెముకగా నిలవనున్నారు.
తిలక్ వర్మ: నాలుగో స్థానంలో యువ సంచలనం తిలక్ వర్మ బరిలోకి దిగే అవకాశం ఉంది. గత కొన్ని సిరీస్లలో తిలక్ నిలకడగా రాణిస్తూ జట్టులో తన స్థానాన్ని సుస్థిరం చేసుకున్నారు. అయితే, నంబర్ 3లో తిలక్ వర్మ చక్కగా రాణిస్తున్నాడు. దీంతో సూర్య, తిలక్ ప్లేస్ లు మారనున్నట్లు వార్తలు వినిపిస్తున్నాయి.
3. వికెట్ కీపర్ & ఫినిషర్లు: సంజూ శాంసన్, హార్దిక్ పాండ్యా, రింకూ సింగ్: జట్టులో ప్రధాన వికెట్ కీపర్గా సంజూ శాంసన్ ఐదో స్థానంలో ఆడవచ్చు.
ఆరో స్థానంలో ఆల్రౌండర్ హార్దిక్ పాండ్యా ఫినిషర్గా బాధ్యతలు చేపడతారు. తన బౌలింగ్తోనూ జట్టుకు అదనపు బలాన్ని ఇస్తారు. ఏడో స్థానంలో డెత్ ఓవర్లలో సిక్సర్ల వర్షం కురిపించే రింకూ సింగ్ జట్టుకు కీలకం కానున్నారు.
4. ఆల్రౌండర్లు, స్పిన్నర్లు: అక్షర్ పటేల్, కుల్దీప్ యాదవ్: ఈసారి శుభ్మన్ గిల్ స్థానంలో అక్షర్ పటేల్కు వైస్ కెప్టెన్ బాధ్యతలు అప్పగించారు. ఎనిమిదో స్థానంలో బ్యాటింగ్ చేయడంతో పాటు పొదుపైన స్పిన్ బౌలింగ్ వేయగలడు. స్పెషలిస్ట్ స్పిన్నర్గా కుల్దీప్ యాదవ్ ప్రత్యర్థి బ్యాటర్లను తన గూగ్లీలతో ముప్పుతిప్పలు పెట్టనున్నాడు. పిచ్ పరిస్థితులను బట్టి వరుణ్ చక్రవర్తిని కూడా పరిగణనలోకి తీసుకోవచ్చు.
5. పేస్ బౌలింగ్ విభాగం: జస్ప్రీత్ బుమ్రా, అర్ష్దీప్ సింగ్: భారత పేస్ దళానికి జస్ప్రీత్ బుమ్రా నాయకత్వం వహిస్తాci. డెత్ ఓవర్ల స్పెషలిస్ట్ అర్ష్దీప్ సింగ్ ఆయనకు తోడుగా ఉంటారు. మూడో పేసర్గా హర్షిత్ రాణా లేదా శివం దూబే (ఆల్రౌండర్ కోటాలో) ఉండవచ్చు.
కీలక మార్పులు..
శుభ్మన్ గిల్ అవుట్: ఫామ్ లేమి కారణంగా శుభ్మన్ గిల్ను ఈసారి వరల్డ్ కప్ స్క్వాడ్ నుంచి తప్పించడం ఒక పెద్ద సంచలనం.
ఇషాన్ కిషన్ కమ్బ్యాక్: దేశవాళీ క్రికెట్లో అదరగొట్టిన ఇషాన్, గిల్ స్థానాన్ని భర్తీ చేస్తూ జట్టులోకి వచ్చారు.
అక్షర్ పటేల్ ప్రమోషన్: అక్షర్ను వైస్ కెప్టెన్గా నియమించడం ఆయనపై మేనేజ్మెంట్ కున్న నమ్మకాన్ని సూచిస్తోంది.
భారత గడ్డపై జరుగుతున్న ఈ టోర్నీలో డిఫెండింగ్ ఛాంపియన్గా బరిలోకి దిగుతున్న టీమ్ ఇండియా, తన టైటిల్ను నిలబెట్టుకోవాలని పట్టుదలతో ఉంది. యువ రక్తం, అనుభవజ్ఞుల కలయికతో ఉన్న ఈ ‘ప్లేయింగ్ XI’ చూస్తుంటే భారత్ మరోసారి విశ్వవిజేతగా నిలిచే అవకాశాలు మెండుగా ఉన్నాయి.
