SRH vs RR, Qualifier 2: గెలిస్తే ఫైనల్‌కు.. కీలక పోరుకు సిద్ధమైన హైదరాబాద్, రాజస్థాన్..

Sunrisers Hyderabad vs Rajasthan Royals, Qualifier 2: ఇండియన్ ప్రీమియర్ లీగ్ 2024 రెండో క్వాలిఫయర్ మ్యాచ్ సన్‌రైజర్స్ హైదరాబాద్ వర్సెస్ రాజస్థాన్ రాయల్స్ (SRH vs RR) మధ్య ఈరోజు చెన్నైలోని MA చిదంబరం స్టేడియంలో జరగనుంది. ఎలిమినేటర్ మ్యాచ్‌లో రాయల్ ఛాలెంజర్స్ బెంగళూరును ఓడించి రాజస్థాన్ తన రెండో క్వాలిఫైయర్‌ను బుక్ చేసుకుంది. రెండో క్వాలిఫయర్‌లో విజేతగా నిలిచిన జట్టు మే 26న చెన్నైలో కోల్‌కతా నైట్ రైడర్స్‌తో ఫైనల్ ఆడుతుంది. తొలి క్వాలిఫయర్ మ్యాచ్‌లో హైదరాబాద్‌పై కేకేఆర్ 8 వికెట్ల తేడాతో విజయం సాధించి ఫైనల్‌లోకి ప్రవేశించింది.

లీగ్ దశలో బ్యాటింగ్‌తో సంచలనం సృష్టించిన సన్ రైజర్స్ హైదరాబాద్ క్వాలిఫయర్-1లో కోల్ కతా నైట్ రైడర్స్ పై ఓటమి చవిచూడాల్సి వచ్చింది. ఆ మ్యాచ్‌లో ఆ జట్టు కీలక బ్యాట్స్‌మెన్స్ ట్రావిస్ హెడ్, అభిషేక్ శర్మలు జట్టుకు శుభారంభాన్ని అందించలేకపోయారు. ఇలాంటి పరిస్థితుల్లో ఈరోజు ఈ ఇద్దరు బ్యాట్స్‌మెన్స్‌పై ఒత్తిడి పెరగనుంది. చెన్నై పిచ్‌ బ్యాట్స్‌మెన్‌కు అంత సులువు కాదు. దీంతో హైదరాబాద్‌కు నేటి మ్యాచ్‌ సవాల్‌గా మారనుంది.

రాజస్థాన్ రాయల్స్ గురించి మాట్లాడితే, సంజు శాంసన్ నేతృత్వంలోని ఈ జట్టు ఎలిమినేటర్ మ్యాచ్‌లో రాయల్ ఛాలెంజర్స్ బెంగళూరును ఓడించడం ద్వారా ఇక్కడికి చేరుకుంది. RCB ఆరు విజయాలతో ప్లేఆఫ్స్‌కు అర్హత సాధించింది. కానీ, నాకౌట్ దశలో ఓడిపోయింది. ఈ మ్యాచ్‌లో ఆర్‌ఆర్‌ బౌలర్లు, బ్యాట్స్‌మెన్స్ తమ సత్తా చాటుతూ జట్టును విజయతీరాలకు చేర్చారు. అయితే, సంజూ శాంసన్ ఫామ్ జట్టుకు ఆందోళన కలిగిస్తోంది. యశస్వి జైస్వాల్ విజయం సాధించడం సంతోషించదగ్గ విషయం.

ఇరుజట్ల పోరు..

ఐపీఎల్ చరిత్రలో సన్‌రైజర్స్ హైదరాబాద్, రాజస్థాన్ రాయల్స్ మధ్య మొత్తం 19 మ్యాచ్‌లు జరిగాయి. ఇందులో రాజస్థాన్ 10 మ్యాచ్‌లు గెలిచి స్వల్ప ఆధిక్యంలో ఉండగా, SRH 9 మ్యాచ్‌ల్లో విజయం సాధించింది. ఐపీఎల్ 2024లో ఈ రెండు జట్లు తొలిసారి తలపడగా, హైదరాబాద్ 1 పరుగు తేడాతో గెలిచింది. గత 6 మ్యాచ్‌ల్లో ఇరు జట్లు 3-3తో విజయం సాధించాయి. అందువల్ల నేటి మ్యాచ్ కూడా ఉత్కంఠభరితంగా సాగుతుందని భావిస్తున్నారు.

చెన్నై పిచ్ రిపోర్ట్..

చెన్నైలోని ఎంఏ చిదంబరం స్టేడియంలో పిచ్ నెమ్మదిగా ఉంది. చెపాక్‌లో స్పిన్నర్లకు చాలా సహాయం అందుతుంది. బ్యాట్స్‌మెన్స్ నిరంతరం పోరాడుతూనే ఉంటారు. ఇక్కడ పెద్ద మొత్తంలో స్కోర్ చేయడం అంత సులభం కాదు. బ్యాట్స్‌మెన్‌లు మొదట్లో కొంత సేపు క్రీజులో నిలబడితే తర్వాత ఆడవచ్చు. బ్యాటర్‌ పిచ్‌ని అర్థం చేసుకుంటే పెద్ద హిట్‌లు కొట్టవచ్చు. చెన్నైలో జరిగిన ఐపీఎల్‌లో సగటు తొలి ఇన్నింగ్స్ స్కోరు 164కాగా, రెండో ఇన్నింగ్స్ సగటు 150 పరుగులు నమోదవుతుంటాయి.

మ్యాచ్‌కి వర్షం ఆటంకం?

తమిళనాడు సహా దక్షిణ భారతదేశంలో శుక్రవారం భారీ వర్షాలు కురుస్తాయని వాతావరణ శాఖ అంచనా వేసింది. అయితే చెన్నైలో జరిగే మ్యాచ్‌లో వర్షం కురిసే అవకాశం లేదని సమాచారం. క్వాలిఫయర్-2 మ్యాచ్‌లో వర్షం పడే అవకాశం తక్కువగా ఉన్నప్పటికీ, ఈ మ్యాచ్‌కు రిజర్వ్ డే రిజర్వ్ ఉన్నందున ఆందోళన చెందాల్సిన అవసరం లేదు. శుక్ర‌వారం మ్యాచ్ ఆడ‌లేకపోతే శ‌నివారం ఆడ‌తారు. రెండు రోజుల్లో మ్యాచ్ జరగకపోతే, పాయింట్ల పట్టికలో సన్‌రైజర్స్ రాజస్థాన్ కంటే ఒక స్థానం ముందున్నందున హైదరాబాద్ నేరుగా ఫైనల్‌కు అర్హత సాధిస్తుంది.

ఇరుజట్ల ప్రాబబుల్ ప్లేయింగ్ XI..

సన్ రైజర్స్ హైదరాబాద్: ట్రావిస్ హెడ్, అభిషేక్ శర్మ, రాహుల్ త్రిపాఠి, నితీష్ రెడ్డి, షాబాజ్ అహ్మద్, హెన్రిచ్ క్లాసెన్, అబ్దుల్ సమద్, పాట్ కమిన్స్ (కెప్టెన్), భువనేశ్వర్ కుమార్, విజయకాంత్, టి. నటరాజన్.

రాజస్థాన్: టామ్ కోహ్లర్-కాడ్మోర్, యస్సవి జైస్వాల్, సంజు శాంసన్ (కెప్టెన్), ర్యాన్ పరాగ్, ధ్రువ్ జురెల్, రోవ్‌మన్ పావెల్, రవిచంద్రన్ అశ్విన్, ట్రెంట్ బౌల్ట్, అవేష్ ఖాన్, సందీప్ శర్మ, యుజ్వేంద్ర చాహల్.

మరిన్ని క్రీడా వార్తల కోసం ఇక్కడ క్లిక్ చేయండి..