లెజండరీ క్రికెటర్ 54 సెంచరీలు, 26 వేలకుపైగా పరుగులు.. గర్వంతో రిటైర్ అయ్యాడు.. ఎవరో తెలుసా?

Cricket News: అంతర్జాతీయ క్రికెట్‌లో 26 వేలకు పైగా పరుగులు చేశాడు. టెస్ట్, వన్డే, టీ 20లు కలుపుకొని 54 సెంచరీలు సాధించాడు. 2014 ఆగస్టు 18 రిటైర్మెంట్ తీసుకున్నాడు. అతడే శ్రీలంక

Mahela Jayawardena

uppula Raju | Edited By: Ravi Kiran|
Updated on: Aug 19, 2021 | 6:51 AM

Cricket News: అంతర్జాతీయ క్రికెట్‌లో 26 వేలకు పైగా పరుగులు చేశాడు. టెస్ట్, వన్డే, టీ 20లు కలుపుకొని 54 సెంచరీలు సాధించాడు. 2014 ఆగస్టు 18 రిటైర్మెంట్ తీసుకున్నాడు. అతడే శ్రీలంక క్రికెట్ జట్టు లెజెండ్ మహేలా జయవర్ధనే. చివరి టెస్ట్ ఆగస్టు 14 నుంచి18 వరకు పాకిస్తాన్‌తో కొలంబోలో జరిగిన మ్యాచ్‌లో పాల్గొన్నాడు. శ్రీలంక మొదట బ్యాటింగ్ చేసింది. 320 పరుగులు చేసింది. ఉపుల్ తరంగ 92 పరుగులు చేయగా, కౌశల్ సిల్వా 41 పరుగులు చేశాడు. కెప్టెన్ ఏంజెలో మాథ్యూస్ 39 పరుగులు చేశాడు. జయవర్ధనే మొదటి ఇన్నింగ్స్‌లో విఫలమయ్యాడు కేవలం 4 పరుగులు మాత్రమే చేయగలిగాడు. పాకిస్తాన్ తరఫున జునైద్ ఖాన్ ఐదు, వహబ్ రియాజ్ మూడు వికెట్లు తీశారు. ప్రత్యుత్తరంగా పాకిస్తాన్ మొదటి ఇన్నింగ్స్ 332 పరుగుల స్కోరు చేసింది. వికెట్ కీపర్ బ్యాట్స్ మన్ సర్ఫరాజ్ అహ్మద్ 103 పరుగుల ఇన్నింగ్స్ ఆడగా, అహ్మద్ షెహజాద్ 58 పరుగులు చేశాడు. అసద్ షఫీక్ 42, అజహర్ అలీ 32 పరుగులు చేశారు. శ్రీలంక తరఫున రంగనా హెరాత్ తొమ్మిది వికెట్లు తీశాడు. అతను ఇన్నింగ్స్‌లో పది వికెట్ల ఫీట్ సాధించడానికి చాలా దగ్గరగా వచ్చాడు.

మహేల జయవర్ధనే చివరి టెస్ట్ ఇన్నింగ్స్ రెండో ఇన్నింగ్స్‌లో శ్రీలంక 282 పరుగులు చేసింది. ఈసారి మహేల జయవర్ధనే హాఫ్ సెంచరీ చేశాడు. అతను 54 పరుగుల ఇన్నింగ్స్ ఆడగా, కుమార్ సంగక్కర అత్యధికంగా 59 పరుగులు చేశాడు. ఇవి కాకుండా ఉపుల్ తరంగా 45 పరుగులు, ఏంజెలో మాథ్యూస్ 43 పరుగులు నాటౌట్‌గా నిలిచారు. వహబ్ రియాజ్, సయీద్ అజ్మల్ పాకిస్తాన్ తరపున మూడు వికెట్లు తీశారు. అబ్దుర్ రహమాన్ ఖాతాలో రెండు వికెట్లు నమోదయ్యాయి. పాకిస్తాన్ 271 పరుగుల లక్ష్యంతో బరిలోకి దిగింది. కానీ మొత్తం జట్టు 165 పరుగులకే కుప్పకూలింది. సర్ఫరాజ్ అహ్మద్ 55 పరుగులు చేయగా, అసద్ షఫీక్ 32 పరుగులు చేశాడు. రంగనా హెరాత్ ఈసారి ఐదు వికెట్లు తీశాడు. ధమికా ప్రసాద్ రెండు వికెట్లు తీశాడు. ఈ విధంగా, శ్రీలంక 105 పరుగుల తేడాతో విజయం సాధించింది. వీడ్కోలు మ్యాచ్‌లో జయవర్ధనేకు విజయ బహుమతిని అందించింది. మహేలా 149 టెస్టుల్లో 34 సెంచరీలు, 49.84 సగటుతో 11814 పరుగులు చేశాడు. అతను 448 వన్డేల్లో 19 సెంచరీలు, 33.37 సగటుతో 12650 పరుగులు చేశాడు. అతను 55 టి 20 మ్యాచ్‌లు కూడా ఆడాడు. మహేల జయవర్ధనే ఉత్తమ బ్యాట్స్‌మన్‌గా, అద్భుతమైన కెప్టెన్‌గా గుర్తింపు పొందారు.