సంజు శాంసన్ ఒక్క సింగిల్‌ తీసుంటే మ్యాచ్ గెలిచేది..! క్రిస్ మోరిస్‌పై నమ్మకం లేదా అంటూ మాజీల విమర్శలు..

Former Cricketers Comments : ఇండియన్ ప్రీమియర్ లీగ్‌లో రాజస్థాన్ రాయల్స్ వర్సెస్ పంజాబ్ కింగ్స్ మధ్య జరిగిన మ్యాచ్‌లో సంజు శాంసన్‌

  • uppula Raju
  • Publish Date - 3:44 pm, Wed, 14 April 21
సంజు శాంసన్ ఒక్క సింగిల్‌ తీసుంటే మ్యాచ్ గెలిచేది..! క్రిస్ మోరిస్‌పై నమ్మకం లేదా అంటూ మాజీల విమర్శలు..
Sanju Samson

Former Cricketers Comments : ఇండియన్ ప్రీమియర్ లీగ్‌లో రాజస్థాన్ రాయల్స్ వర్సెస్ పంజాబ్ కింగ్స్ మధ్య జరిగిన మ్యాచ్‌లో సంజు శాంసన్‌ సెంచరీ సాధించిన విషయం తెలిసిందే. 63 బంతుల్లో 119 పరుగులు చేసి నాలుగు పరుగుల స్వల్ప ఓటమి నుంచి తన జట్టును రక్షించలేకపోయాడు. ఈ అద్భుతమైన ఇన్నింగ్స్ ఇప్పుడు కొత్త వివాదాలకు కేంద్ర బిందువుగా మారింది. సునీల్ గవాస్కర్, బ్రియాన్ లారా దిగ్గజాలు ఇప్పుడు శాంసన్‌ సెంచరీపై వ్యాఖ్యానిస్తున్నారు. ప్రస్తుతం సోషల్‌ మీడియాలో దీనిపై కొత్త చర్చ నడుస్తోంది.

రాజస్థాన్ చివరి ఓవర్లో గెలవడానికి 13 పరుగులు అవసరం. ప్రారంభ నాలుగు బంతుల్లో 8 పరుగులు సంజు శాంసన్‌ సాధించాడు. ఐదో బంతిని శాంసన్‌ లాంగ్ ఆఫ్ వైపు ఆడి ఒక పరుగు కోసం పరిగెత్తాడు. నాన్-స్ట్రైకర్ ఎండ్‌లో ఐపిఎల్ చరిత్రలో అత్యంత ఖరీదైన ఆటగాడు క్రిస్ మోరిస్‌ను ఈ వేలంలో రాజస్థాన్ రూ .16.25 కోట్లకు కొనుగోలు చేసింది. కానీ రెండు అడుగులు ముందుకు వెళ్ళిన తరువాత సంజు సింగిల్ తీసుకోవడానికి నిరాకరించాడు. తరువాత మోరిస్ తన క్రీజుకు తిరిగి రావలసి వచ్చింది. ఇప్పుడు గెలవడానికి 5 పరుగులు అవసరమయ్యాయి. కానీ శాంసన్‌ చివరి బంతికి అవుటయ్యాడు దీంతో జట్టు నాలుగు పరుగుల తేడాతో ఓడిపోయింది.

సంజు శాంసన్ సింగిల్ తీసుకుంటే మోరిస్ ఫోర్ కొట్టడం ద్వారా జట్టు గెలిచే అవకాశం ఉందని చాలా ప్రశ్నలు తలెత్తాయి. సిక్సర్ కొట్టడం కంటే ఇది చాలా సులభం. మోరిస్ ఆల్ రౌండ్ సామర్థ్యాన్ని విశ్వసించనప్పుడు రాజస్థాన్ రాయల్స్ ఈ ఆటగాడిని రికార్డు స్థాయిలో 16.25 కోట్ల రూపాయలకు ఎందుకు కొనుగోలు చేసింది అనే ప్రశ్నలు కూడా తలెత్తాయి. ఇప్పుడు సునీల్ గవాస్కర్ కూడా ఈ చర్చలో తన అభిప్రాయాన్ని తెలియజేశారు. అతను వ్యాఖ్యానంలో మోరిస్ ఫోర్లు కొట్టగలడు కానీ అతను ఇప్పటి వరకు సింగిల్స్ మాత్రమే తీశాడు అదే సమయంలో వ్యాఖ్యాత న్యూజిలాండ్ మాజీ క్రికెటర్ సైమన్ డాల్ సంజు నిర్ణయంతో ఆశ్చర్యపోయానన్నారు. మోరిస్ ఫోర్ కొట్టి జట్టుకు విజయం అందించేవాడన్నారు.

వెస్టిండీస్ మాజీ కెప్టెన్ బ్రియాన్ లారా మాట్లాడుతూ.. సంజు శాంసన్‌ సరైన నిర్ణయం తీసుకున్నాడన్నారు. భారత మాజీ క్రికెటర్ సంజయ్ మంజ్రేకర్ మాట్లాడుతూ.. సంజు నిర్ణయాన్ని సమర్థించాడు. న్యూజిలాండ్ క్రికెటర్ జిమ్మీ నీషామ్, కుమార్ సంగక్కర కూడా శాంసన్‌ వైపు నిలిచారు.

CORONA EFFECT: దేశంలో పలువురు ముఖ్యమంత్రులకు కరోనా.. ఎవరెవరికి ఎప్పుడంటే?

2018 ఐపీఎల్‌ వేలంలో నన్ను అవమానించారు..! కానీ కోహ్లీ ఆదరించాడని చెబుతున్న ఆర్‌సీబీ బౌలర్..