Vinod Kambli:అయ్యో.. సచిన్ స్నేహితుడికి ఏమైంది? నడవలేని స్థితిలో వినోద్ కాంబ్లీ.. కన్నీళ్లు తెప్పిస్తోన్న వీడియో

టీమిండియా మాజీ క్రికెటర్, సచిన్ టెండూల్కర్ అత్యంత సన్నిహితుడు వినోద్ కాంబ్లీ గత కొన్నేళ్లుగ తీవ్ర అనారోగ్య సమస్యలతో బాధపడుతున్నాడు. చాలా సార్లు తన ఆరోగ్యం బాలేదని, ఆర్థిక సమస్యలతోరోజు రోజుకు తన పరిస్థితి దిగజారిపోతుందని, సాయం చేయాలని పలు సందర్భాల్లో వేడుకున్నాడీ మాజీ క్రికెటర్. తన కుటుంబాన్ని పోషించడానికి ఏదైనా ఉద్యోగం ఇప్పించాలంటూ సోషల్ మీడియా ద్వారా క్రికెట్ పెద్దలను అభ్యర్థించాడు. అయితే ఇప్పుడు వినోద్ కాంబ్లీ ఆరోగ్య పరిస్థితి మరింత దిగజారినట్లు తెలుస్తోంది. అతను నడవడానికే తీవ్రంగా కష్టపడుతున్నాడు. ఇతరులు చేయి అందిస్తే కానీ అడుగులు వేయలేకపోతున్నాడు. దీనికి సంబంధించిన వీడియో ఇప్పుడు సామాజిక మాధ్యమాల్లో వైరల్ గా మారింది. ఓ ఇన్ స్టాగ్రామ్ హ్యాండిలర్ వినోద్ కాంబ్లీకి చెంది వీడియోను షేర్ చేస్తూ.. ఈ విధంగా రాసుకొచ్చాడు. “వినోద్ కాంబ్లీ గుండె సంబంధిత వ్యాధితో పాటుగా డిప్రెషన్ తో బాధపడుతున్నాడు. త్వరలోనే అతను కోలుకోవాలని, అవసరమైన సాయం అతడికి అందించాలని కోరుకుంటున్నాను” అంటూ కోరాడు. దీనిని చూసిన క్రికెట్ అభిమానులు, నెటిజన్లు ఎమోషనల్ అవుతున్నారు. కాంబ్లీ త్వరగా త్వరగా కోలుకోవాలని దేవుడిని ప్రార్థిస్తున్నారు.

సచిన్ టీమ్ మేట్‌, క్లోజ్ ఫ్రెండ్ అయిన వినోద్ కాంబ్లీ భారత జట్టు తరఫున చాలా మ్యాచ్ లు ఆడాడు. సొగసైన ఆటతీరుతో క్రికెట్ అభిమానులను అలరించాడు. కాంబ్లీ ఆటతీరును చూసి మరో సచిన్ అవుతాడనుకున్నారు. కానీ స్వయంకృతాపరాధంతో తన కెరీర్ ను తానే నాశనం చేసుకున్నాడీ లెఫ్ట్ హ్యాండ్ బ్యాటర్. టీమిండియా తరఫున 2000లో చివరి మ్యాచ్ ఆడిన కాంబ్లీ.. ఆతర్వాత ఆటకు శాశ్వతంగా దూరమయ్యాడు. అదే సమయంలో తీవ్ర అనారోగ్యానికి గురయ్యాడు. దీనికి తోడు తాను చేసిన కొన్ని తప్పులకు ఆర్థికంగానూ చితికిపోయాడు. ప్రస్తుతం కాంబ్లీ దీనస్థితిలో ఉన్నాడని ఈ వీడియోను చూస్తే ఇట్టే అర్థమవుతోంది. మరి దీనిపై సచిన్ తో పాటు క్రికెట్ పెద్దలు ఎలా స్పందిస్తారో చూడాలి.

ఇవి కూడా చదవండి

భార్యతో కలిసి మెటర్నరీ ఫొటో షూట్‌లో పాల్గొన్న జబర్దస్త్ కమెడియన్

బిగ్ బాస్ పేరిట జరిగే బాగోతాలు ఇవే.. ఆదిరెడ్డి సంచలన వ్యాఖ్యలు

గ్రౌండ్‌లోనే సుందర్ ను కొట్టేందుకు పరుగులు తీసిన రోహిత్.. వీడియో

ఈ బుడ్డోడిని గుర్తుపట్టారా?ప్రాణ గండం నుంచి బయటపడిన టాలీవుడ్ హీరో

ఇతరుల సాయంతో అడుగులు వేస్తోన్న వినోద్ కాంబ్లీ.. వీడియో

Vinod Kambli, childhood friend of Sachin Tendulkar, seen struggling to walk due to health issues. Video goes viral.#VinodKambli #SachinTendulkar #Kambli #BCCI pic.twitter.com/OMxcBdiniM

— Pune Pulse (@pulse_pune) August 5, 2024

మరిన్ని క్రీడా వార్తల కోసం ఇక్కడ క్లిక్ చేయండి..