Sachin Tendulkar: గాడ్ ఫ్యాన్స్ కి గుడ్ న్యూస్! MCG కి తిరిగి రానున్న లెజెండ్

భారత క్రికెట్ దిగ్గజం సచిన్ టెండూల్కర్ మరో గొప్ప గౌరవాన్ని అందుకున్నారు. క్రికెట్ ప్రపంచంలో అత్యుత్తమ ప్రతిభ చూపించినందుకు గుర్తింపుగా మెల్‌బోర్న్ క్రికెట్ క్లబ్ (MCC) గౌరవ సభ్యత్వాన్ని సచిన్ కు అందించారు. 1838లో స్థాపించబడిన ఈ క్లబ్, క్రికెట్ చరిత్రలో ఒక ప్రతిష్టాత్మక స్థానం కలిగి ఉంది. MCC బాక్సింగ్ డే టెస్ట్ నిర్వహణతో పాటు మెల్‌బోర్న్ క్రికెట్ గ్రౌండ్ అభివృద్ధికి బాధ్యత వహిస్తుంది.

సచిన్‌కు ఇది మాత్రమే కాదు, గతంలో ఆయన 2012లో ఆర్డర్ ఆఫ్ ఆస్ట్రేలియా గౌరవం అందుకున్నారు. అదే ఏడాది సిడ్నీ క్రికెట్ క్లబ్ గౌరవ లైఫ్ టైం సభ్యత్వం కూడా పొందారు. మెరిల్‌బోన్ క్రికెట్ క్లబ్, యార్క్‌షైర్ కౌంటీ క్రికెట్ క్లబ్‌ల నుంచి గౌరవాలు సచిన్‌ను అభినందించాయి. మెల్‌బోర్న్‌లో సచిన్ రికార్డులు మరింత ప్రత్యేకం. 5 టెస్టులు, 7 వన్డేల్లో భారత జట్టుకు ప్రాతినిధ్యం వహించి 449 టెస్ట్ పరుగులు, 190 వన్డే పరుగులు సాధించారు.  ఈ గౌరవం సచిన్ క్రికెట్ ప్రయాణానికి మళ్లీ చరిత్ర సృష్టించే గుర్తింపుగా నిలిచింది.