RR vs GT: గుజరాత్ బౌలర్ల ధాటికి.. సీజన్‌లోనే అత్యల్ప స్కోర్‌.. రాజస్తాన్ పేరిట చెత్త రికార్డ్..
RR vs GT, IPL 2023: ఇండియన్ ప్రీమియర్ లీగ్-16లో భాగంగా జరుగుతున్న 48వ మ్యాచ్‌లో గుజరాత్ టైటాన్స్‌కు రాజస్థాన్ రాయల్స్ 119 పరుగుల విజయలక్ష్యాన్ని అందించింది. తొలుత టాస్ గెలిచి బ్యాటింగ్ ఎంచుకున్న రాజస్థాన్ రాయల్స్ 17.5 ఓవర్లలో 118 పరుగులకు ఆలౌటైంది.
RR vs GT, IPL 2023: ఇండియన్ ప్రీమియర్ లీగ్-16లో భాగంగా జరుగుతున్న 48వ మ్యాచ్‌లో గుజరాత్ టైటాన్స్‌కు రాజస్థాన్ రాయల్స్ 119 పరుగుల విజయలక్ష్యాన్ని అందించింది. తొలుత టాస్ గెలిచి బ్యాటింగ్ ఎంచుకున్న రాజస్థాన్ రాయల్స్ 17.5 ఓవర్లలో 118 పరుగులకు ఆలౌటైంది. ప్రస్తుత సీజన్‌లో తొలి ఇన్నింగ్స్‌లో ఇదే అతి తక్కువ స్కోరుగా నిలిచింది. అంతకుముందు, 10వ మ్యాచ్‌లో, సన్‌రైజర్స్ హైదరాబాద్ 7 ఏప్రిల్ 2023న లక్నోలో 121 పరుగులు చేసింది. ఇక రెండో ఇన్నింగ్స్‌లో బెంగళూరుపై లక్నో 108 పరుగులకు ఆలౌట్ అయింది. రాజస్థాన్ తరపున కెప్టెన్ సంజు శాంసన్ అత్యధికంగా 30 పరుగులు చేశాడు.
బట్లర్ బ్యాట్ పని చేయలే..
టాస్ గెలిచి తొలుత బ్యాటింగ్ చేసిన రాజస్థాన్ ఆరంభంలో పేలవంగా నిలిచింది. రెండో ఓవర్లో జోస్ బట్లర్ క్యాచ్ ఔట్ అయ్యాడు. 6 బంతుల్లో 8 పరుగులు చేశాడు. ఆ తర్వాత జైస్వాల్‌తో కలిసి కెప్టెన్ సంజూ శాంసన్ ఇన్నింగ్స్‌ను ఆదుకునే ప్రయత్నం చేశాడు. వీరిద్దరూ రెండో వికెట్‌కు 36 పరుగులు జోడించారు. పవర్‌ప్లే చివరి ఓవర్లో యశస్వి రనౌట్ అయ్యాడు. 11 బంతుల్లో 14 పరుగులు చేశాడు. ఆ తర్వాత వికెట్ల వర్షం కురిసింది.
సంజు 30 పరుగులకే పెవిలియన్..
ఆ తర్వాతి ఓవర్ లోనే కెప్టెన్ సంజు కూడా హార్దిక్ పాండ్యాకు క్యాచ్ ఇచ్చాడు. శాంసన్ 20 బంతుల్లో 30 పరుగులు చేసి ఇన్నింగ్స్ ఆడాడు. 8వ ఓవర్ చివరి బంతికి ఆర్ అశ్విన్ బౌలింగ్ లో రషీద్ ఖాన్ అవుటయ్యాడు. అశ్విన్ 6 బంతుల్లో 2 పరుగులు చేశాడు. ఇంపాక్ట్ ప్లేయర్ రియాన్ పరాగ్ 10వ ఓవర్ రెండో బంతికి ఎల్బీడబ్ల్యూగా అవుటయ్యాడు. 6 బంతుల్లో 4 పరుగులు మాత్రమే చేశాడు. స్కోరు 77 వద్ద రాజస్థాన్ ఆరో వికెట్ పడింది. నూర్ అహ్మద్ బౌలింగ్‌లో దేవదత్ పడిక్కల్ అవుటయ్యాడు. 12 బంతుల్లో 12 పరుగులు చేశాడు.
రషీద్‌కు 3 వికెట్లు..
ధృవ్ జురెల్ 87 పరుగుల వద్ద పెవిలియన్‌కు చేరుకున్నాడు. నూర్ అహ్మద్ అతన్ని ఎల్బీడబ్ల్యూ చేశాడు. 15వ ఓవర్ తొలి బంతికి రాజస్థాన్ 8వ వికెట్ పడింది. హెట్మెయర్ 13 బంతుల్లో 7 పరుగులు చేశాడు. 17వ ఓవర్లో రాజస్థాన్ 9వ వికెట్ పడింది. మహ్మద్ షమీ బౌలింగ్‌లో ట్రెంట్ బౌల్ట్ పెవిలియన్ చేరాడు. 11 బంతుల్లో 15 పరుగులు చేశాడు. 18వ ఓవర్లో ఆడమ్ జంపా రనౌట్ అయ్యాడు. 9 బంతుల్లో 7 పరుగులు చేశాడు. గుజరాత్ బౌలర్లలో రషీద్ ఖాన్ 3 వికెట్లు తీశాడు. వీరితో పాటు నూర్ అహ్మద్ 2, షమీ, హార్దిక్, లిటిల్ తలో వికెట్ పడగొట్టారు.
రెండు జట్ల ప్లేయింగ్ 11..
రాజస్థాన్ రాయల్స్ (ప్లేయింగ్ XI): యశస్వి జైస్వాల్, జోస్ బట్లర్, సంజు శాంసన్ (కీపర్/కెప్టెన్), దేవదత్ పడిక్కల్, షిమ్రాన్ హెట్మెయర్, ధ్రువ్ జురెల్, రవిచంద్రన్ అశ్విన్, ట్రెంట్ బౌల్ట్, ఆడమ్ జంపా, సందీప్ శర్మ, యుజ్వేంద్ర చాహల్.
గుజరాత్ టైటాన్స్ (ప్లేయింగ్ XI): వృద్ధిమాన్ సాహా(కీపర్), హార్దిక్ పాండ్యా(కెప్టెన్), విజయ్ శంకర్, డేవిడ్ మిల్లర్, అభినవ్ మనోహర్, రాహుల్ తెవాటియా, రషీద్ ఖాన్, మోహిత్ శర్మ, నూర్ అహ్మద్, మహమ్మద్ షమీ, జాషువా లిటిల్.
మరిన్ని క్రీడా వార్తల కోసం ఇక్కడ క్లిక్ చేయండి..
