IND vs NZ: ధోని రికార్డ్‌ను బ్రేక్ చేసిన హిట్‌మ్యాన్.. తొలి భారత ప్లేయర్‌గా సరికొత్త చరిత్ర..

IND Vs NZ: భారత్ వర్సెస్ న్యూజిలాండ్ మధ్య జనవరి 18 నుంచి మూడు వన్డేల సిరీస్ మొదలైంది. ఇరు జట్ల మధ్య తొలి మ్యాచ్ హైదరాబాద్ రాజీవ్ గాంధీ అంతర్జాతీయ క్రికెట్ స్టేడియంలో జరుగుతోంది. ఈ సిరీస్‌లో భారత మాజీ కెప్టెన్ మహేంద్ర సింగ్ ధోనీ రికార్డులపై కన్నేసిన టీమిండియా సారథి రోహిత్ శర్మ.. బరలోకి దిగిన కొద్దిసేపట్లోనే ధోనిని వెనక్కునెట్టేశాడు. భారత్‌లో ఆడుతున్నప్పుడు వన్డేల్లో అత్యధిక సిక్సర్లు కొట్టిన బ్యాట్స్‌మెన్‌గా అవతరించాడు.

ధోనీ రికార్డుపై కన్నేసిన రోహిత్..

భారత జట్టు కెప్టెన్, స్టార్ బ్యాట్స్‌మెన్ రోహిత్ శర్మ న్యూజిలాండ్‌తో జరిగే వన్డే సిరీస్‌లో భారీ రికార్డు సృష్టించాడు. ఈ సిరీస్‌లో భారత్‌లో ఆడుతున్నప్పుడు అత్యధిక సిక్సర్లు కొట్టిన రికార్డును రోహిత్ సొంతం చేసుకున్నాడు. భారత మాజీ కెప్టెన్ మహేంద్ర సింగ్ ధోనీ రికార్డును బద్దలు కొట్టిన రోహిత్ ఈ రికార్డును సాధించాడు. హైదరాబాద్ వన్డేకు ముందు ఈ ఫార్మాట్‌లో భారత గడ్డపై రోహిత్, మహేంద్ర సింగ్ ధోనీలు 123 సిక్సర్లు కొట్టారు. అంతర్జాతీయ క్రికెట్‌కు ధోని రిటైర్మెంట్ ప్రకటించిన సంగతి తెలిసిందే. ఇక నేడు హైదరాబాద్‌లో హిట్ మ్యాన్ 5 వ ఓవర్లో భారీ సిక్స్ బాది.. భారతదేశం తరపున కొత్త సిక్సర్ కింగ్‌గా మారాడు.

74 ఇన్నింగ్స్‌ల్లోనే 124 సిక్సులు..

35 ఏళ్ల రోహిత్ శర్మ భారత్‌లో ఆడిన కేవలం 74 ఇన్నింగ్స్‌ల్లోనే ఈ రికార్డును సొంతం చేసుకున్నాడు. న్యూజిలాండ్‌తో జరిగిన మ్యాచ్‌లో భారత కెప్టెన్ రోహిత్ శర్మ బుధవారం భారతదేశంలో వన్డేల్లో అత్యధిక సిక్సర్లు బాదిన మాజీ కెప్టెన్ ఎంఎస్ ధోని ఆల్ టైమ్ రికార్డును అధిగమించాడు. 238 మ్యాచ్‌లు ఆడిన రోహిత్ 125 సిక్సర్లు కొట్టాడు. ధోని కంటే రెండు ఎక్కువగా బాదేశాడు. సచిన్ టెండూల్కర్ తన బ్యాట్ నుంచి 71 సిక్సులతో మూడో స్థానంలో ఉండగా, యువరాజ్ సింగ్ ఈ జాబితాలో నాలుగో స్థానంలో ఉన్నాడు. ప్రస్తుతం రోహిత్ 29 సెంచరీలతో వన్డేల్లో 10,000కు పైగా పరుగులు చేశాడు.