IND vs NZ 1st ODI Playing XI: టాస్ గెలిచిన టీమిండియా.. ప్లేయింగ్ XIలో ఆ ఇద్దరికి చోటు..

మూడు వన్డేల సిరీస్‌లో భాగంగా భారత్-న్యూజిలాండ్ మధ్య నేడు హైదరాబాద్‌లోని రాజీవ్ గాంధీ ఇంటర్నేషనల్ స్టేడియంలో తొలి మ్యాచ్ జరుగుతోంది. ఇందులో భాగంగా టాస్ గెలిచిన టీమిండియా తొలుత బ్యాటింగ్ ఎంచుకుంది. దీంతో న్యూజిలాండ్ టీం తొలుత బౌలింగ్ చేయనుంది. న్యూజిలాండ్ జట్టు ఐదేళ్ల తర్వాత భారత గడ్డపై వన్డే ఆడనుంది. చివరి మ్యాచ్ 2017 అక్టోబర్‌లో జరిగింది. ఆ తర్వాత 3 వన్డేల సిరీస్‌ను భారత్ 2-1తో కైవసం చేసుకుంది. న్యూజిలాండ్ భారత్‌లో ఆడిన 6 వన్డే సిరీస్‌లలో ఒక్కటి కూడా గెలవలేదు.

ఈ మ్యాచ్‌లో గెలవడం ద్వారా భారత జట్టు గత 4 ఏళ్లుగా వన్డేల్లో కివీస్‌పై కొనసాగుతున్న ఓటమి నుంచి బయటపడాలని భావిస్తోంది. అదే సమయంలో, న్యూజిలాండ్ ఈ ఫార్మాట్‌లో భారత్‌పై గెలుపు ప్రచారాన్ని కొనసాగించడానికి ప్రయత్నిస్తుంది. వెల్లింగ్టన్‌లో 2019 ఫిబ్రవరి 3న న్యూజిలాండ్‌తో జరిగిన చివరి వన్డేలో భారత్ విజయం సాధించింది.

ఇరుజట్లు..

టీమిండియా ప్లేయింగ్ XI: రోహిత్ శర్మ (కెప్టెన్), శుభ్‌మన్ గిల్, విరాట్ కోహ్లీ, ఇషాన్ కిషన్ (కీపర్), సూర్యకుమార్ యాదవ్, హార్దిక్ పాండ్యా, వాషింగ్టన్ సుందర్, శార్దూల్ ఠాకూర్, కుల్దీప్ యాదవ్, మహ్మద్ సిరాజ్, మహ్మద్ షమీ

న్యూజిలాండ్ ప్లేయింగ్ XI: ఫిన్ అలెన్, డెవాన్ కాన్వే, హెన్రీ నికోల్స్, డారిల్ మిచెల్, టామ్ లాథమ్ (కీపర్/కెప్టెన్), గ్లెన్ ఫిలిప్స్, మైఖేల్ బ్రేస్‌వెల్, హెన్రీ షిప్లీ, మిచెల్ సాంట్నర్, లాకీ ఫెర్గూసన్, బ్లెయిర్ టిక్నర్