T20 World Cup 2024: టీ20 ప్రపంచకప్‌లో టీమిండియా సారథిగా ఆయనే: సౌరవ్ గంగూలీ

T20I World Cup 2024: సౌతాఫ్రికా టూర్‌ని విజయవంతంగా ముగించుకున్న టీమిండియా.. ఇప్పుడు ఆఫ్ఘనిస్థాన్‌తో 3 మ్యాచ్‌ల టీ20 సిరీస్ ఆడేందుకు సిద్ధమవుతోంది. ఈ సిరీస్ కోసం టీమ్ ఇండియాను ప్రకటించగా, రోహిత్ నేతృత్వంలోని బలమైన జట్టును బీసీసీఐ ఎంపిక చేసింది. ఈ సిరీస్‌లో రోహిత్ శర్మతో పాటు విరాట్ కోహ్లీ కూడా జట్టులోకి వచ్చాడు. దీనితో పాటు, ఈ ఇద్దరు ఆటగాళ్లు రాబోయే టీ20 ప్రపంచకప్‌లో కూడా ఆడటం పాక్షికంగా ఖాయమైంది. ఇదిలా ఉంటే, ఈ ప్రపంచకప్‌లో జట్టును ఎవరు నడిపించాలి అనే ప్రశ్నకు బీసీసీఐ మాజీ అధ్యక్షుడు సౌరవ్ గంగూలీ సమాధానమిచ్చాడు.

జూన్‌లో జరిగే టీ20 ప్రపంచకప్‌లో భారత్‌కు రోహిత్ శర్మ నాయకత్వం వహించాలని, విరాట్ కోహ్లీ కూడా జట్టులో ఉండాలని గంగూలీ అన్నాడు. విరాట్ గొప్ప ఆటగాడు. 14 నెలల తర్వాత టీ20 జట్టులోకి రావడం తన ఆటతీరుపై ఎలాంటి ప్రభావం చూపదని అన్నాడు.

గత దశాబ్ద కాలంగా టీమిండియా బ్యాటింగ్ ఆర్డర్‌కు రోహిత్ శర్మ, విరాట్ కోహ్లిలు మూలస్తంభాలుగా నిలిచారు. ఈ ఇద్దరు ఆటగాళ్లు ఎన్నో మ్యాచ్‌ల్లో భారత జట్టును విజయతీరాలకు చేర్చారు. T20 అంతర్జాతీయ క్రికెట్‌లో 4008 పరుగులతో, T20 అంతర్జాతీయ క్రికెట్‌లో అత్యధిక పరుగులు చేసిన ఆటగాడిగా విరాట్ నిలిచాడు.

ఈ ఫార్మాట్‌లో కోహ్లితో పాటు రోహిత్ శర్మ ప్రదర్శన కూడా అద్భుతంగా ఉంది. హిట్‌మ్యాన్ ఈ ఫార్మాట్‌లో 3853 పరుగులు చేసి అత్యధిక పరుగులు చేసిన రెండో ఆటగాడిగా నిలిచాడు. అంతర్జాతీయ టీ20ల్లో నాలుగు సెంచరీలు కూడా చేశాడు.

వీరిద్దరితో పాటు యువ బ్యాట్స్‌మెన్ యశస్వీ జైస్వాల్‌ను ప్రశంసించిన దాదా, ‘ఈ యువ ఓపెనింగ్ బ్యాట్స్‌మెన్‌కు భవిష్యత్తులో చాలా అవకాశాలు వస్తున్నాయి. 22 ఏళ్ల బ్యాట్స్‌మెన్ సెంచూరియన్, కేప్‌టౌన్ టెస్టుల్లో నాలుగు ఇన్నింగ్స్‌ల్లో కేవలం 50 పరుగులు మాత్రమే చేయగలిగాడు. కానీ, రెండో టెస్టులో బాగా ఆడాడు.

ఇది అతని కెరీర్ ప్రారంభం. ఈ యంగ్ ప్లేయర్‌కు అనేక అవకాశాలు లభిస్తాయి. మ్యాచ్‌లో ఓడిపోయినప్పుడు జట్టు గురించి చాలా మాట్లాడుకుంటారు. కానీ, భారత్ బలమైన జట్టు. అయితే, వారు ఎలా ఆడారో చూడాలి. టెస్టు, టీ20 అంతర్జాతీయ సిరీస్‌లను డ్రా చేసుకున్న తర్వాత వన్డే సిరీస్‌ను గెలుచుకున్నామని గంగూలీ ప్రశంసించాడు.

భారత జట్టు:

రోహిత్ శర్మ (కెప్టెన్), యశస్వి జైస్వాల్, శుభ్‌మన్ గిల్, విరాట్ కోహ్లీ, తిలక్ వర్మ, రింకూ సింగ్, జితేష్ శర్మ (వికెట్ కీపర్), సంజు శాంసన్ (వికెట్ కీపర్), శివమ్ దూబే, వాషింగ్టన్ సుందర్, అక్షర్ పటేల్, రవి బిష్ణోయ్, కులదీప్ యాదవ్ ., అవేష్ ఖాన్, అర్ష్‌ దీప్‌ సింగ్‌

భారత్-అఫ్గానిస్థాన్ టీ20 సిరీస్..

11 జనవరి- 1వ టీ20, మొహాలీ

14 జనవరి- రెండవ టీ20, ఇండోర్

17 జనవరి- 3వ టీ20, బెంగళూరు.

మరిన్ని క్రీడా వార్తల కోసం ఇక్కడ క్లిక్ చేయండి..