ఖండాలు దాటినా ‘పుష్ప’ క్రేజ్: తగ్గేదేలే అంటున్న సౌత్ ఆఫ్రికన్ స్టార్ క్రికెటర్..

ఐకాన్ స్టార్ అల్లు అర్జున్ ప్రధాన పాత్రలో తెరకెక్కిన ప్రతిష్టాత్మక చిత్రం ‘పుష్ప-2’పై సినీ ప్రపంచమంతా ఆతృతగా ఎదురు చూస్తోంది. సుకుమార్ దర్శకత్వంలో అల్లు అర్జున్ మరోసారి తన మ్యాజిక్‌ను బాక్సాఫీస్ వద్ద చూపించడానికి సిద్ధమయ్యాడు. చిత్రం యూనిట్ ఈ సినిమాపై ఉన్న అంచనాలను మరింత పెంచుతూ, రికార్డులు తిరగరాయడం ఖాయమని ధీమాగా చెబుతోంది. ‘పుష్ప-2’ ట్రైలర్ విడుదలయ్యాక, నేషనల్ స్థాయిలో ఈ సినిమాపై ఆసక్తి మరింతగా పెరిగింది.

ఇంతలో, అంతర్జాతీయ స్థాయిలో కూడా ‘పుష్ప-2’ ఫీవర్ కొనసాగుతోంది. ఇటీవల సౌతాఫ్రికా క్రికెట్ స్టార్ ఏబీ డివిలియర్స్ కూడా ‘పుష్ప-2’ గురించి ఆసక్తికర ప్రకటన చేశాడు. తన ఆన్‌లైన్ గేమింగ్ పోర్టల్ Wolf7payలో వంద రూపాయలు లేదా అంతకు మించి డిపాజిట్ చేసిన మొదటి 10,000 మందికి ‘పుష్ప-2’ సినిమా టికెట్లు బహుమతిగా ఇస్తానని తెలిపాడు. ఈ ప్రకటనకు సంబంధించిన వీడియో నెట్టింట్లో వైరల్‌గా మారడంతో సినిమాపై ఆసక్తి మరింతగా పెరిగింది.

‘పుష్ప’ మొదటి భాగం అల్లు అర్జున్ కెరీర్‌లో మాత్రమే కాకుండా, తెలుగు సినీ పరిశ్రమలో కూడా చరిత్ర సృష్టించింది. ఈ సినిమా ద్వారా బన్నీ తన నటన, మ్యానరిజంతో పాన్-ఇండియా ప్రేక్షకుల హృదయాలను గెలుచుకున్నాడు. ప్రత్యేకంగా నార్త్ ఆడియెన్స్ అల్లు అర్జున్ పర్ఫార్మెన్స్‌కు ఫిదా అయిపోయి, ‘పుష్ప’ను తమకు సొంత సినిమాగా భావించారు. ఈ సినిమాతో నార్త్ ఇండియాలో కూడా తెలుగు సినిమా హవా స్పష్టమైంది. ‘పుష్ప’ అక్కడ వంద కోట్లకు పైగా కలెక్షన్లు సాధించడంతో, ‘పుష్ప-2’పై భారీ అంచనాలు ఏర్పడ్డాయి.

డిసెంబర్ 5న ప్రపంచవ్యాప్తంగా ‘పుష్ప-2’ విడుదల కానుండటంతో, ప్రేక్షకులు ఇప్పటి నుంచే క్యూలైన్‌లో నిలబడుతున్నారు. అల్లు అర్జున్ తన ప్రతిభ, సుకుమార్ దర్శకత్వంలో మరోసారి అద్భుతంగా ప్రేక్షకులను మాయచేయడం ఖాయం. ‘పుష్ప-2’ సినిమా ఈ ఏడాది మోస్ట్ అవైటెడ్ బ్లాక్ బస్టర్‌గా నిలవనుందో చూడాలి మరి.

Hey everyone! I have some exciting news for all the movie buffs out there. 🎥💥

The first 10,000 depositors who deposit INR 100 or more on @Wolf7Pay will get tickets to the year’s biggest blockbuster – Pushpa 2! 🔥

Don’t wait – campaign ends this Saturday. Play responsibly and… pic.twitter.com/QRqEOAUGbt

— AB de Villiers (@ABdeVilliers17) December 2, 2024