Video: బూతు పురాణంతో రెచ్చిపోయిన పాక్ ఆటగాళ్లు.. అసలు విషయం చెప్పిన ఆసియా కప్ హీరో

Tilak Varma: యంగ్‌ గన్ తిలక్ వర్మ.. ఈ పేరు ఇప్పుడు భారత క్రికెట్ అభిమానుల గుండెల్లో మారుమోగుతోంది. చిరకాల ప్రత్యర్థి పాకిస్తాన్‌తో జరిగిన ఆసియా కప్ ఫైనల్‌లో, అత్యంత క్లిష్ట పరిస్థితుల్లో అద్భుతమైన ఇన్నింగ్స్‌ ఆడి భారత్‌ను గెలిపించిన ఈ హైదరాబాదీ ప్లేయర్, మ్యాచ్ అనంతరం చేసిన వ్యాఖ్యలు క్రికెట్ వర్గాల్లో చర్చనీయాంశమయ్యాయి. ఒత్తిడిలో తన ప్రశాంతతను, గెలుపు తర్వాత ప్రత్యర్థులకు తనదైన శైలిలో ఇచ్చిన “పర్‌ఫెక్ట్ రిప్లై” గురించి తిలక్ వర్మ ఏం చెప్పాడో ఓసారి చూద్దాం..

“కష్టపడ్డాను.. కానీ నేను ప్రశాంతంగా ఉన్నాను”

భారత జట్టు ఛేజింగ్ మొదలుపెట్టి కేవలం 20 పరుగులకే 3 వికెట్లు కోల్పోయి పీకల్లోతు కష్టాల్లో ఉన్నప్పుడు, తిలక్ వర్మ క్రీజులోకి అడుగుపెట్టాడు. ఆ సమయాన్ని గుర్తు చేసుకుంటూ తిలక్ వర్మ మాట్లాడుతూ, “మేం మూడు వికెట్లు కోల్పోయిన తర్వాత, పాకిస్తాన్ ఆటగాళ్లు మాపైకి దూసుకురావడానికి గట్టిగా ప్రయత్నించారు. వారు చాలా కష్టపడి ప్రయత్నించారు. వారు దూకుడుగా మాపై ఒత్తిడి పెంచాలని చూశారు” అని తెలిపాడు.

ఇవి కూడా చదవండి

ఓవర్ యాక్షన్ ఆటగాళ్లపై నిషేధం.. పాక్ జట్టుకు బీసీసీఐ బిగ్ షాక్?

సూర్యకుమార్ పై పీసీబీ కంప్లైట్.. ఆసియా కప్ ఫైనల్ నుంచి ఔట్..?

పాక్ విజయంతో రసవత్తరంగా ఫైనల్ రేస్.. తుదిపోరుకు లంక సిద్ధం..?

రోహిత్‌తోపాటు మరో ఇద్దరికి దిమ్మతిరిగే షాకిచ్చిన గంభీర్

అయితే, ఈ ఒత్తిడికి తాను లొంగిపోలేదని, అదే తన విజయంలో ముఖ్యభాగమని తిలక్ స్పష్టం చేశారు. “కానీ, నాకు అప్పుడు ప్రశాంతంగా ఉండటం, మ్యాచ్ గెలవడానికి బాగా ఆడటం చాలా ముఖ్యం. నేను దానిపైనే దృష్టి పెట్టాను,” అని వివరించాడు ఈ హైదరాబాదీ ప్లేయర్.

గెలుపుతోనే అసలైన జవాబు..

VIDEO | Hyderabad: “They (Pakistani players) tried hard and were coming at us once we were three down, but for me it was important to remain calm and play well to win the match. After winning, I replied to them perfectly, and everyone had seen it, ” says Indian batter Tilak… pic.twitter.com/h6FufpVrox

— Press Trust of India (@PTI_News) September 30, 2025

మ్యాచ్ గెలిచిన తర్వాత తనదైన శైలిలో వారికి సమాధానం చెప్పానని తిలక్ వర్మ చెప్పుకొచ్చాడు. “గెలిచిన తర్వాత, నేను వారికి పర్‌ఫెక్ట్‌గా సమాధానం ఇచ్చాను, అది అందరూ చూశారు,” అంటూ ఆయన చిరునవ్వుతో వ్యాఖ్యానించారు.

ఆసియా కప్ ఫైనల్‌లో, తిలక్ వర్మ 69 పరుగులతో (నాటౌట్) అద్భుతమైన ఇన్నింగ్స్ ఆడి, సంజు శాంసన్, శివమ్ దూబేలతో కలిసి కీలక భాగస్వామ్యాలు నెలకొల్పారు. ముఖ్యంగా, తన అర్ధ సెంచరీ పూర్తయిన తర్వాత, భారత్ విజయానికి చేరువైన సమయంలో తిలక్ చూపించిన దూకుడు, ఫైనల్ పోరులో హైలైట్‌గా నిలిచింది. అతని బ్యాటింగ్ పరాక్రమం, ఒత్తిడిని సమర్థంగా ఎదుర్కొనే అతని సామర్థ్యాన్ని మరోసారి ప్రపంచానికి చాటి చెప్పింది.

పాకిస్తాన్ ఆటగాళ్ల నుంచి వచ్చిన స్లెడ్జింగ్ లేదా దూకుడు ప్రతిస్పందనలకు మైదానంలో ఆట ద్వారానే తిలక్ వర్మ జవాబిచ్చిన తీరు, క్రీడాస్ఫూర్తితో కూడిన తన సంయమనాన్ని, పట్టుదలను సూచిస్తుంది. కేవలం 22 ఏళ్ల వయసులోనే, కీలకమైన అంతర్జాతీయ ఫైనల్‌లో ఇంతటి పరిణతితో కూడిన ప్రదర్శన ఇవ్వడం, భవిష్యత్తులో భారత క్రికెట్‌కు తిలక్ వర్మ ఒక నిస్సందేహమైన ఆస్తిగా నిలుస్తాడని నిరూపించింది.