Video: ఇదేందిరా ఆజామూ.. వన్డే అట్టర్ ఫ్లాప్ షో.. కట్చేస్తే.. కోహ్లీ అత్యంత ‘చెత్త’ రికార్డును సమం చేసిన బాబర్..!
Babar Azam Equals Virat Kohli's Unwanted Record: పాకిస్తాన్, శ్రీలంక మధ్య మూడు మ్యాచ్ల వన్డే సిరీస్ ప్రారంభమైంది. సిరీస్లోని మొదటి మ్యాచ్లో బాబర్ అజామ్ పేలవమైన ఫామ్ కొనసాగుతోంది. అతను మరోసారి భారీ ఇన్నింగ్స్ ఆడలేకపోయాడు. పరుగులు సాధించడంలో తీవ్రంగా ఇబ్బంది పడ్డాడు.
Updated on: Nov 11, 2025 | 9:28 PM
Babar Azam Equals Virat Kohli’s Unwanted Record: పాకిస్థాన్ జట్టు కెప్టెన్, స్టార్ బ్యాటర్ బాబర్ ఆజం ప్రస్తుతం వన్డే ఇంటర్నేషనల్స్ (ODI) ఫార్మాట్లో బ్యాటింగ్ పరంగా తీవ్ర ఇబ్బందులు పడుతున్నాడు. ఇటీవల జరిగిన వన్డే సిరీస్లో అతని నిరాశపరిచే ప్రదర్శన కారణంగా, బాబర్ ఒక ‘అనవసరమైన రికార్డు’ను భారత మాజీ కెప్టెన్ విరాట్ కోహ్లీతో కలిసి సమం చేశాడు.
బాబర్ ఆజం ఫ్లాప్ షో.. ఆ రికార్డు ఏంటంటే..?
ప్రపంచంలోనే అత్యుత్తమ బ్యాటర్లలో ఒకడిగా పరిగణించబడే బాబర్ ఆజం, గత కొద్ది కాలంగా వన్డేల్లో నిలకడ లేమితో బాధపడుతున్నాడు. ఇటీవల దక్షిణాఫ్రికాతో జరిగిన టీ20, వన్డే సిరీస్లలో అతను పూర్తిగా విఫలమయ్యాడు. ఇప్పుడు, శ్రీలంకతో జరిగిన వన్డే సిరీస్లో అతనికి దారుణమైన ఆరంభం లభించింది. రావల్పిండి క్రికెట్ స్టేడియంలో జరిగిన మూడు మ్యాచ్ల వన్డే సిరీస్లోని మొదటి మ్యాచ్లో రెండు జట్లు తలపడ్డాయి. వన్డేలో టెస్ట్ లాంటి ఇన్నింగ్స్ ఆడి, ఈ మ్యాచ్లో బాబర్ పూర్తిగా విఫలమయ్యాడు.
బాబర్ బ్యాట్ పని చేయలే..
బాబర్ ఆజం చాలా కాలంగా అంతర్జాతీయ క్రికెట్లో సెంచరీ చేయలేదు. ఆ నిరీక్షణ కొనసాగుతోంది. శ్రీలంకతో జరిగిన ఈ మ్యాచ్లో కూడా బాబర్ ఆజం బ్యాట్ నిశ్శబ్దంగా ఉంది. ప్రతి పరుగు కోసం అతను చాలా కష్టపడ్డాడు. అతను 51 బంతులు ఎదుర్కొన్నాడు. కానీ, 29 పరుగులు మాత్రమే చేయగలిగాడు. బాబర్ ఇన్నింగ్స్లో కేవలం మూడు ఫోర్లు మాత్రమే ఉన్నాయి. తన మొదటి పరుగును సాధించడానికి అతనికి 13 బంతులు పట్టింది. అంటే అతను ప్రారంభం నుంచే ఒత్తిడిలో ఉన్నాడు.
అనవసరమైన రికార్డు వివరాలు..
Hasaranga to Babar Azam 🗣️: This is not PSL kid #PAKvSL pic.twitter.com/zXXREBzra7
— Rainbow Salt (@Rainbowsalt91) November 11, 2025
బాబర్ చివరిసారిగా సెంచరీ చేసినప్పటి నుంచి ఇప్పటికి 83 ఇన్నింగ్స్లు ఆడాడు. ఈ పాకిస్తాన్ స్టార్ బ్యాట్స్మన్ చివరిగా 2023 ఆసియా కప్లో నేపాల్తో జరిగిన మ్యాచ్లో మూడు అంకెల స్కోరు చేశాడు.
అంతర్జాతీయ క్రికెట్లో సెంచరీ లేకుండా అత్యధిక ఇన్నింగ్స్లు ఆడిన విరాట్ కోహ్లీ రికార్డును అతను సమం చేశాడు. ఆసియా బ్యాటర్ల విషయానికి వస్తే, జయసూర్య 88 ఇన్నింగ్స్లతో అగ్రస్థానంలో ఉన్నాడు.
15 మ్యాచ్ల్లో కేవలం 3 అర్ధ సెంచరీలే..
2025లో ఇప్పటివరకు బాబర్ అజామ్ 15 వన్డేలు ఆడాడు. ఈ కాలంలో, అతను 27.20 సగటుతో 408 పరుగులు మాత్రమే చేశాడు. ఆశ్చర్యకరంగా, ఈ మ్యాచ్లలో బాబర్ మూడు సార్లు మాత్రమే 50 పరుగులు సాధించాడు. బాబర్ ప్రస్తుతం పేలవమైన ఫామ్తో ఇబ్బంది పడుతున్నాడని, ఒత్తిడిలో ఉన్నాడని ఇది స్పష్టంగా సూచిస్తుంది.
మరిన్ని క్రీడా వార్తల కోసం ఇక్కడ క్లిక్ చేయండి..
