IND vs AUS 3rd Test: ఇండోర్ టెస్టు నుంచి కేఎల్ రాహుల్ ఔట్.. రోహిత్తో ఓపెనింగ్ చేసేది ఎవరంటే?
India Probable Playing 11: భారత జట్టు-ఆస్ట్రేలియా మధ్య 4 మ్యాచ్ల టెస్టు సిరీస్లో మూడో మ్యాచ్ మార్చి 1 నుంచి ఇండోర్లో జరగనుంది. సిరీస్లో టీమిండియా 2-0 ఆధిక్యంలో కొనసాగుతోంది. మూడో టెస్టు మ్యాచ్లో భారత ప్లేయింగ్ ఎలెవన్లో పెద్ద మార్పు రానుంది.
Updated on: Feb 25, 2023 | 9:14 PM
మార్చి 1 నుంచి టీమిండియా, ఆస్ట్రేలియా మధ్య ఇండోర్ టెస్టు జరగనుంది. ఇరు జట్ల మధ్య 4 మ్యాచ్ల టెస్టు సిరీస్లో ఇది మూడో మ్యాచ్. సిరీస్లో తొలి రెండు మ్యాచ్ల్లో అద్భుత విజయాన్ని నమోదు చేసిన భారత జట్టు 2-0 ఆధిక్యంలో నిలిచింది. అయితే ఓపెనర్ కేఎల్ రాహుల్ పేలవ ఫామ్ రెండు టెస్టుల్లోనూ భారత జట్టుకు ఆందోళన కలిగిస్తోంది.
తొలి రెండు టెస్టుల్లో కేఎల్ రాహుల్ మూడు ఇన్నింగ్స్ల్లో 35 పరుగులు మాత్రమే చేశాడు. గత రెండు మ్యాచ్ల్లో కేఎల్ రాహుల్కు వైస్ కెప్టెన్సీ కూడా దక్కింది. అయితే రానున్న రెండు మ్యాచ్లకు బీసీసీఐ రాహుల్ నుంచి వైస్ కెప్టెన్సీని కూడా తప్పించింది. ఇటువంటి పరిస్థితిలో అతను ఇప్పుడు ప్లేయింగ్ XI నుంచి తొలగించే ప్రమాదం ఉంది.
రాహుల్ స్థానంలో ఎవరు..
రెండో టెస్టు తర్వాత కెప్టెన్ రోహిత్ శర్మ, కోచ్ రాహుల్ ద్రవిడ్ కేఎల్ రాహుల్కు చాలా మద్దతు పలికారు. ఇలాంటి పరిస్థితుల్లో మూడో మ్యాచ్లోనూ కేఎల్ రాహుల్కు అవకాశం కల్పించే అవకాశం ఉంది. టీమ్ మేనేజ్మెంట్ రాహుల్ను బయటకు పంపిస్తే, అతని స్థానంలో శుభ్మన్ గిల్ ఓపెనింగ్కు బలమైన పోటీదారుడిగా కనిపిస్తున్నాడు.
గిల్ వాదన చాలా బలంగా ఉంది. కానీ సూర్యకుమార్ యాదవ్ను కూడా విస్మరించలేం. రాహుల్ స్థానంలో సూర్యకు కూడా అవకాశం దక్కవచ్చు. అయితే అలాంటప్పుడు ఓపెనింగ్ని ఛెతేశ్వర్ పుజారా లేదా విరాట్ కోహ్లీతో చేసే అవకాశం ఉంది.
ఈ ఏడాది వన్డేల్లో గిల్ డబుల్ సెంచరీ..
శుభ్మన్ గిల్ తన చివరి ఐదు అంతర్జాతీయ మ్యాచ్ల్లో 2 సెంచరీలు సాధించాడు. వన్డే-టీ20లో ఈ సెంచరీలు సాధించింది. గిల్ ఈ ఏడాది వన్డేల్లో న్యూజిలాండ్పై 208 పరుగులతో డబుల్ సెంచరీ ఇన్నింగ్స్ ఆడాడు. ఇటువంటి పరిస్థితిలో ప్లేయింగ్ XIలో చేరడానికి గిల్ బలమైన పోటీదారుడిగా మారాడు.
ఇండోర్ టెస్టు కోసం భారత ప్రాబబుల్ ప్లేయింగ్ 11..
రోహిత్ శర్మ (కెప్టెన్), కేఎల్ రాహుల్/శుభ్మన్ గిల్, ఛెతేశ్వర్ పుజారా, విరాట్ కోహ్లీ, శ్రేయాస్ అయ్యర్, కేఎస్ భరత్ (వికెట్ కీపర్), రవీంద్ర జడేజా, ఆర్ అశ్విన్, అక్షర్ పటేల్, మహ్మద్ షమీ, మహ్మద్ సిరాజ్.
చివరి రెండు టెస్టుల కోసం టీమిండియా:
రోహిత్ శర్మ (కెప్టెన్), కెఎల్ రాహుల్, శుభ్మన్ గిల్, ఛెతేశ్వర్ పుజారా, విరాట్ కోహ్లీ, కెఎస్ భరత్ (వికెట్ కీపర్), ఇషాన్ కిషన్ (వికెట్ కీపర్), ఆర్ అశ్విన్, అక్షర్ పటేల్, కుల్దీప్ యాదవ్, రవీంద్ర జడేజా, మహ్మద్ షమీ, మహ్మద్ సిరాజ్, శ్రేయాస్ అయ్యర్ , సూర్యకుమార్ యాదవ్, ఉమేష్ యాదవ్, జయదేవ్ ఉనద్కత్.
