IPL 2022 Points Table: ప్లే ఆఫ్‌ రేస్‌లో పంజాబ్‌.. బెంగుళూర్‌కి గట్టి ఎదురుదెబ్బ..!

IPL 2022 Points Table: IPL 2022 లీగ్ దశ మ్యాచ్‌లు ముగియబోతున్నాయి. ప్లేఆఫ్‌కి ఏ జట్లు వెళుతున్నాయో తెలియడం లేదు. గుజరాత్ టైటాన్స్ మినహా

IPL 2022 Points Table: ప్లే ఆఫ్‌ రేస్‌లో పంజాబ్‌.. బెంగుళూర్‌కి గట్టి ఎదురుదెబ్బ..!
Ipl Points Table
Follow us

|

Updated on: May 14, 2022 | 6:15 AM

IPL 2022 Points Table: IPL 2022 లీగ్ దశ మ్యాచ్‌లు ముగియబోతున్నాయి. ప్లేఆఫ్‌కి ఏ జట్లు వెళుతున్నాయో తెలియడం లేదు. గుజరాత్ టైటాన్స్ మినహా మరే జట్టు కూడా తన స్థానాన్ని పదిలం చేసుకోలేకపోయింది. రాయల్ ఛాలెంజర్స్ బెంగళూరుకు చేరువయ్యే అవకాశం లభించినా సరైన సమయంలో విఫలమవుతుంది. మయాంక్ అగర్వాల్ నేతృత్వంలోని పంజాబ్ మునుపటి మ్యాచ్ ఓటమి నుంచి అద్భుతమైన పునరాగమనం చేసింది. బెంగుళూరును 54 పరుగుల భారీ తేడాతో ఓడించి ప్లే ఆఫ్‌ రేసులో నిలిచింది. ఈ రెండు జట్ల మధ్య శుక్రవారం బ్రబౌర్న్ స్టేడియంలో మ్యాచ్ జరిగింది. ఇది పంజాబ్‌కు 12వ లీగ్ మ్యాచ్ కాగా, బెంగళూరుకు 13వది. ఇరు జట్ల మధ్య 4 పాయింట్ల తేడా ఉంది. మొదట బ్యాటింగ్ చేసిన పంజాబ్‌ జానీ బెయిర్‌స్టో, లియామ్ లివింగ్‌స్టన్ ధాటికి 209 పరుగుల స్కోరును చేసింది. భారీ లక్ష్యంతో బరిలోకి దిగిన బెంగళూరు 155 పరుగులకే కుప్పకూలింది. దీంతో పంజాబ్‌ 54 పరుగుల భారీ తేడాతో విజయం సాధించింది.

ఈ సీజన్‌లో బెంగళూరుకు ఇది మూడో ఘోర పరాజయం. 2 పాయింట్లు కోల్పోవడమే కాకుండా నెట్ రన్ రేట్ (NRR)కి మరింత దిగజారింది. ప్రస్తుతం 14 పాయింట్లతో నాలుగో స్థానంలో ఉంది. కానీ ఇప్పుడు వారి చేతిలో గుజరాత్‌తో జరిగే 1 మ్యాచ్ మాత్రమే మిగిలి ఉంది. పంజాబ్ ఈ విజయంతో ఎనిమిదో స్థానం నుంచి ఎగబాకి ఆరో స్థానానికి చేరుకుంది. 12 పాయింట్లతో కొనసాగుతోంది. నెట్‌ రన్‌రేట్‌ కూడా మెరుగైంది. ఈ ఫలితం పంజాబ్‌కు ప్రాణం పోసింది. జట్టుకు ఇంకా 2 మ్యాచ్‌లు మిగిలి ఉన్నాయి. అయితే ఈ రెండు మ్యాచ్‌లు ఢిల్లీ క్యాపిటల్స్, సన్‌రైజర్స్ హైదరాబాద్‌తో ఆడాల్సి ఉంది. ఈ రెండు జట్లు కూడా ప్లే ఆఫ్‌ రేసులో ఉన్నాయి. ఢిల్లీ 12 పాయింట్లతో పంజాబ్ కంటే ఒక స్థానం మెరుగ్గా ఉంది. హైదరాబాద్ 10 పాయింట్లతో మరో 3 మ్యాచ్‌లు ఆడాల్సి ఉంది.

మరిన్ని ఐపీఎల్‌ వార్తల కోసం ఇక్కడ క్లిక్ చేయండి

RCB vs PBKS: చిత్తుగా ఓడిన బెంగుళూరు.. 54 పరుగుల తేడాతో ఘన విజయం సాధించిన పంజాబ్‌

Delhi Fire Accident: ఢిల్లీలో ఘోర అగ్ని ప్రమాదం.. 26 మంది మృతి.. పలువురికి గాయాలు..

Vikram Controversy: కమల్‌ హాసన్‌ విక్రమ్ సినిమా సాంగ్‌పై రచ్చ.. కొన్ని పదాలకి భిన్నమైన అర్థాలు..!