IPL 2024: వికెట్ లేకుండానే 2 మ్యాచ్‌ల్లో ‘సెంచరీ’.. కేకేఆర్‌ పాలిట శనిలా మారిన ఐపీఎల్ అత్యంత ఖరీదైన బౌలర్..

Mitchell Starc: ఇటువంటి పరిస్థితిలో, అతను ఇప్పటివరకు సన్‌రైజర్స్ హైదరాబాద్, రాయల్ ఛాలెంజర్స్ బెంగళూరుతో ఆడిన రెండు మ్యాచ్‌లలో మొత్తం 8 ఓవర్లు బౌలింగ్ చేసి 100 పరుగులు ఇచ్చాడు. ఇప్పటివరకు అతను ఒక్క విజయం కూడా పొందలేకపోవడం గమనార్హం. కోల్‌కతా నైట్ రైడర్స్ ఈ ఆస్ట్రేలియన్ ఫాస్ట్ బౌలర్‌పై గొప్ప విశ్వాసాన్ని కనబరిచింది. IPL 2024 మినీ వేలంలో అతన్ని భారీ ధరకు కొనుగోలు చేసింది. రూ.24.75 కోట్లు వెచ్చించి, వేలం చరిత్రలో అత్యంత ఖరీదైన ఆటగాడిగా స్టార్క్‌ను KKR తన శిబిరంలో చేర్చుకుంది.

Updated on: Mar 30, 2024 | 4:04 PM

Mitchell Starc: కోల్‌కతా నైట్ రైడర్స్ (KKR) శుక్రవారం ఇండియన్ ప్రీమియర్ లీగ్ (IPL 2024)లో రాయల్ ఛాలెంజర్స్ బెంగళూరు (RCB)తో తమ సొంత మైదానం ఎం.చిన్నస్వామి స్టేడియంలో (RCB vs KKR) ఆడింది. ఈ మ్యాచ్‌లో తొలుత బ్యాటింగ్ చేసిన ఆర్సీబీ 182 పరుగులు చేసింది. ఈ మ్యాచ్‌లోనూ మిచెల్ స్టార్క్ (Mitchell Starc) కేకేఆర్‌కు పెద్ద సమస్యగా మిగిలాడు. స్టార్క్ కూడా RCBపై చాలా ఖరీదైన వాడిగా నిరూపించాడు. ఒక్క వికెట్ కూడా తీయలేకపోయాడు.

రాయల్ ఛాలెంజర్స్ బెంగళూరుపై మిచెల్ స్టార్క్ 4 ఓవర్లలో 47 పరుగులు ఇచ్చాడు. ఈ స్పెల్‌తో, అతను రెండు మ్యాచ్‌ల పరుగులను కలిపి సెంచరీ చేశాడు. సన్‌రైజర్స్ హైదరాబాద్‌తో జరిగిన తొలి మ్యాచ్‌లో కూడా అతను KKR కోసం చాలా పరుగులు ఇచ్చాడు. హైదరాబాద్ జట్టుపై మిచెల్ స్టార్క్ 4 ఓవర్లలో 53 పరుగులు ఇచ్చాడు.

ఇటువంటి పరిస్థితిలో, అతను ఇప్పటివరకు సన్‌రైజర్స్ హైదరాబాద్, రాయల్ ఛాలెంజర్స్ బెంగళూరుతో ఆడిన రెండు మ్యాచ్‌లలో మొత్తం 8 ఓవర్లు బౌలింగ్ చేసి 100 పరుగులు ఇచ్చాడు. ఇప్పటివరకు అతను ఒక్క విజయం కూడా పొందలేకపోవడం గమనార్హం.

ఇవి కూడా చదవండి

కోల్‌కతా నైట్ రైడర్స్ ఈ ఆస్ట్రేలియన్ ఫాస్ట్ బౌలర్‌పై గొప్ప విశ్వాసాన్ని కనబరిచింది. IPL 2024 మినీ వేలంలో అతన్ని భారీ ధరకు కొనుగోలు చేసింది. రూ.24.75 కోట్లు వెచ్చించి, వేలం చరిత్రలో అత్యంత ఖరీదైన ఆటగాడిగా స్టార్క్‌ను KKR తన శిబిరంలో చేర్చుకుంది.

అయితే, KKR శిబిరం సంతోషించే ఎలాంటి మ్యాజిక్‌ కూడా స్టార్క్ ఇప్పటి వరకు చేయలేకపోయాడు. అనుభవజ్ఞుడైన ఫాస్ట్ బౌలర్ తన బౌలింగ్‌ను మెరుగుపరుచుకోవాలని, వీలైనంత త్వరగా గొప్ప ఫామ్‌కి తిరిగి రావాలని కోరుకుంటున్నాడు. మళ్లీ ఫామ్‌లోకి రాకపోతే కేకేఆర్ కష్టాలు మరింతగా పెరుగుతాయి. ఇలాంటి పరిస్థితుల్లో ఈ బౌలర్ రాబోయే మ్యాచ్‌ల్లో ఎలా రాణిస్తాడన్నది ఆసక్తికరంగా మారింది.

ఇరు జట్లు:

కోల్‌కతా నైట్ రైడర్స్ (ప్లేయింగ్ XI): ఫిలిప్ సాల్ట్(కీపర్), వెంకటేష్ అయ్యర్, శ్రేయాస్ అయ్యర్(కెప్టెన్), రమణదీప్ సింగ్, రింకు సింగ్, ఆండ్రీ రస్సెల్, సునీల్ నరైన్, మిచెల్ స్టార్క్, అనుకుల్ రాయ్, హర్షిత్ రాణా, వరుణ్ చకరవర్తి

రాయల్ ఛాలెంజర్స్ బెంగళూరు (ప్లేయింగ్ XI): విరాట్ కోహ్లి, ఫాఫ్ డు ప్లెసిస్(కెప్టెన్), కామెరాన్ గ్రీన్, రజత్ పటీదార్, గ్లెన్ మాక్స్‌వెల్, అనుజ్ రావత్(కీపర్), దినేష్ కార్తీక్, అల్జారీ జోసెఫ్, మయాంక్ దాగర్, మహ్మద్ సిరాజ్, యశ్ దయాల్.