IPL 2023: ధనాధన్ లీగ్‌లో బట్లర్ బాదుడు..! ఒకే రోజు మూడు రికార్డులు.. గల్లంతైన వార్నర్, డూప్లెసిస్ స్థానాలు..
చెన్నై సూపర్ కింగ్స్‌తో జరిగిన మ్యాచ్‌లో రాజస్థాన్ తరఫున ఓపెనర్‌గా వచ్చిన జోస్ బట్లర్ ఓ అరుదైన ఘనతను చేరుకున్నాడు. అదేమిటంటే ఈ మ్యాచ్‌లో 52 పరుగుల చేసిన బట్లర్.. 17 పరుగుల వద్ద ఐపీఎల్ క్రికెట్‌లో 3000 పరుగులు పూర్తి..
Updated on: Apr 13, 2023 | 6:05 AM
IPL 2023: బుధవారం జరిగిన మ్యాచ్‌లో చెన్నై సూపర్ కింగ్స్‌పై రాజస్థాన్ రాయల్స్ 3 పరుగుల తేడాతో థ్రిల్లింగ్ విక్టిరీ అందుకుంది. ఈ మ్యాచ్‌లో రాజస్థాన్ టీమ్ 8 వికెట్ల నష్టానికి 175 పరుగులు చేసింది. అనంతరం క్రీజులోకి వచ్చిన ధోని సేన లక్ష్యం సాధించేందుకు బంతులు సరిపోకపోవడంతో మూడు వికెట్ల తేడాతో రాజస్థాన్ గెలిచింది. అయితే ఈ మ్యాచ్‌లో రాజస్థాన్ తరఫున ఓపెనర్‌గా వచ్చిన జోస్ బట్లర్ ఓ అరుదైన ఘనతను చేరుకున్నాడు. అదేమిటంటే ఈ మ్యాచ్‌లో 52 పరుగుల చేసిన బట్లర్.. 17 పరుగుల వద్ద ఐపీఎల్ క్రికెట్‌లో 3000 పరుగులు పూర్తి చేసుకున్నాడు. ఇక ఐపీఎల్‌లో 3000 పరుగులు చేసిన 21వ బ్యాటర్‌గానూ.. అలాగే తొలి ఇంగ్లాండ్ ఆటగాడిగా అవతరించాడు బట్లర్. అంతేకాక 3 వేల ఐపీఎల్ పరుగులు చేసిన 7వ విదేశి ఆటగాడిగా కూడా రికార్డుల్లో నిలిచాడు.
మరోవైపు ఐపీఎల్‌లో అత్యంత వేగంగా 3000 పరుగుల మార్క్ అందుకున్న మూడో ఆటగాడిగా కూడా బట్లర్ నిలిచాడు. ఈ ఘనత సాధించేందుకు బట్లర్ 85 ఐపీఎల్ ఇన్నింగ్స్ తీసుకున్నాడు. తద్వారా ఢిల్లీ క్యాపిటల్స్ కెప్టెన్ డేవిడ్ వార్నర్(94 ఇన్నింగ్స్), ఆర్‌సీబీ కెప్టెన్ ఫాఫ్ డుప్లెసిస్‌(94 ఇన్నింగ్స్)ను అధిగమించాడు. మరోవైపు ఐపీఎల్‌లో అత్యంత వేగంగా 3000 పరుగుల మార్క్ అందుకున్న ఆటగాడిగా క్రిస్ గేల్(75 ఇన్నింగ్స్) కొనసాగుతున్నాడు. గేల్ తర్వాత కేఎల్ రాహుల్ 80 ఐపీఎల్ ఇన్నింగ్స్‌లలో 3 వేల పరుగుల చేసి రెండో స్థానంలో ఉన్నాడు. ఇంతక ముందు వార్నర్, డూప్లెసీస్ 94 ఐపీఎల్ ఇన్నింగ్స్‌తో మూడో స్థానాన్ని షేర్ చేసుకుంటుండగా.. ఇప్పుడు బట్లర్ 85 ఇన్నింగ్స్‌లలో 3 వేల పరుగులు చేసి ఆ స్థానాన్ని సొంతం చేసుకున్నాడు. ఇక జాస్ బట్లర్ మొత్తంగా 3,035 ఐపీఎల్ పరుగులు చేశాడు. ఇందులో ఐదు సెంచరీలు, 18 హాఫ్ సెంచరీలు ఉండడం విశేషం.
Milestone ?
3⃣0⃣0⃣0⃣ IPL runs & going strong ? ?
Well done, @josbuttler! ? ?
Follow the match ▶️ https://t.co/IgV0ZtiJJA#TATAIPL | #CSKvRR pic.twitter.com/W8h17R9Ezv
— IndianPremierLeague (@IPL) April 12, 2023
కాగా, ఈ ఇంగ్లాండ్ ఆటగాడు 2016 సీజన్ ద్వారా ఐపీఎల్ క్రికెట్‌లోకి ఆరంగేట్రం చేశాడు. ఈ క్రమంలో తొలి రెండు సీజన్ల(2016, 2027)కు ముంబై తరఫున.. 2018 నుంచి రాజస్థాన్ రాయల్స్ తరఫున ఆడుతున్నాడు. ప్రతి సీజన్‌లోనూ తనదైన శైలిలో మెరుపులు మెరిపిస్తున్న బట్లర్ గత సీజన్‌లో ఏకంగా 863 పరుగులు చేశాడు. అలాగే ఈ సీజన్‌లో తను ఆడిన 4 మ్యాచ్‌లలోనే 3 హాఫ్ సెంచరీలు చేశాడు. దీంతో ఐపీఎల్ 2023లో 204 పరుగులు చేసి.. ఆరెంజ్ క్యాప్ కోసం శిఖర్ ధావన్ (225), డేవిడ్ వార్నర్(209)తో పోటీ పడుతున్నాడు.
మరిన్ని ఐపీఎల్ వార్తల కోసం ఇక్కడ క్లిక్ చేయండి..
