IND vs ENG : 5 టీ20లు, 3 వన్డేలు.. భారత్-ఇంగ్లాండ్ 2026 టూర్ షెడ్యూల్ ఖరారు.. పూర్తి వివరాలివే
ఇటీవలే ఇంగ్లండ్తో ఉత్కంఠభరితమైన టెస్ట్ సిరీస్ను ముగించుకున్న టీమిండియా, మరోసారి ఇంగ్లండ్ గడ్డపై అడుగుపెట్టనుంది. అయితే, ఈసారి వైట్బాల్ క్రికెట్ కోసం. ఇంగ్లండ్ అండ్ వేల్స్ క్రికెట్ బోర్డ్ (ECB) 2026లో జరగబోయే భారత పర్యటనకు సంబంధించిన తేదీలను అధికారికంగా ప్రకటించింది.
Updated on: Aug 11, 2025 | 3:15 PM
IND vs ENG : భారత క్రికెట్ జట్టు ఇటీవల ఇంగ్లాండ్ పర్యటన టెస్ట్ సిరీస్తో ముగిసినప్పటికీ, టీమిండియా త్వరలో మళ్లీ ఇంగ్లాండ్ గడ్డపైకి వెళ్లనుంది. ఈసారి వైట్-బాల్ క్రికెట్ (లిమిటెడ్ ఓవర్ల క్రికెట్) కోసం. ఇటీవల జరిగిన ఐదు మ్యాచ్ల టెస్ట్ సిరీస్ 2-2తో సమంగా ముగిసింది. ఈ సిరీస్ తర్వాత భారత ఆటగాళ్లు ఇంటికి తిరిగి వచ్చి రాఖీ పండుగను జరుపుకున్నారు. ఇంగ్లండ్ అండ్ వేల్స్ క్రికెట్ బోర్డ్ 2026లో జరగబోయే భారత పర్యటనకు సంబంధించిన తేదీలను అధికారికంగా ప్రకటించింది. ఈ పర్యటనలో ఇంగ్లండ్, భారత్ మధ్య ఐదు టీ20 మ్యాచ్లు, మూడు వన్డే మ్యాచ్లు జరగనున్నాయి. ఇప్పుడు ఇంగ్లాండ్, వేల్స్ క్రికెట్ బోర్డు భారత్ రాబోయే పర్యటన తేదీలను ఖరారు చేసింది.
టీ20 సిరీస్: ఈ లిమిటెడ్ ఓవర్ల పోరు జూలై 1న చెస్టర్-లే-స్ట్రీట్లో తొలి టీ20తో ప్రారంభమవుతుంది. ఆ తర్వాత మ్యాచ్లు మాంచెస్టర్ (జూలై 4), నాటింగ్హామ్ (జూలై 7), బ్రిస్టల్ (జూలై 9), సౌతాంప్టన్ (జూలై 11)లలో జరుగుతాయి.
వన్డే సిరీస్: టీ20 సిరీస్ ముగిసిన తర్వాత, రెండు జట్లు వన్డే మ్యాచ్లకు సిద్ధమవుతాయి. తొలి వన్డే బర్మింగ్హామ్లో జూలై 14న, రెండోది కార్డిఫ్లో జూలై 16న, మరియు చివరిది చారిత్రాత్మక లార్డ్స్ మైదానంలో జూలై 19న జరుగుతుంది.
ప్రపంచ క్రికెట్లో అత్యంత పోటీతత్వ జట్ల మధ్య ఈ పర్యటన మరో హై-వోల్టేజ్ క్లాష్ను అభిమానులకు అందిస్తుంది. టీ20 సిరీస్లో భాగంగా మొదటి మ్యాచ్ జూలై 1న చెస్టర్-లే-స్ట్రీట్లో (రాత్రి 11:00 గంటలకు) జరుగుతుంది. ఆ తర్వాత జూలై 4న మాంచెస్టర్లో (సాయంత్రం 7:00), జూలై 7న నాటింగ్హామ్లో (రాత్రి 11:00), జూలై 9న బ్రిస్టల్లో (రాత్రి 11:00), చివరి మ్యాచ్ జూలై 11న సౌతాంప్టన్లో (రాత్రి 11:00) జరుగుతాయి.
టీ20 సిరీస్ తర్వాత మూడు వన్డే మ్యాచ్లు జరుగుతాయి. మొదటి వన్డే జూలై 14న బర్మింగ్హామ్లో (సాయంత్రం 5:30) జరుగుతుంది. రెండో వన్డే జూలై 16న కార్డిఫ్లో (సాయంత్రం 5:30), చివరిదైన మూడో వన్డే జూలై 19న చారిత్రాత్మక లార్డ్స్లో (మధ్యాహ్నం 3:30) జరుగుతుంది. ఈ పర్యటనలో రెండు బలమైన జట్ల మధ్య మరోసారి ఉత్కంఠభరితమైన పోరాటం జరుగుతుందని క్రికెట్ అభిమానులు ఆసక్తిగా ఎదురుచూస్తున్నారు.
ఇటీవల ముగిసిన ఐదు మ్యాచ్ల టెస్ట్ సిరీస్లో రెండు జట్లు అద్భుతమైన ప్రదర్శన కనబరిచాయి. భారత్ తమ బ్యాటింగ్, స్పిన్ అటాక్తో రాణించగా, ఇంగ్లండ్ తమ బజ్బాల్ పద్ధతి, పేస్ బౌలింగ్తో ఆకట్టుకుంది. సిరీస్ 2-2తో డ్రాగా ముగియడంతో, ఏ జట్టు మెరుగ్గా ఆడిందనే దానిపై అభిమానుల మధ్య చర్చ కొనసాగుతోంది.
మరిన్ని క్రికెట్ వార్తల కోసం ఇక్కడ క్లిక్ చేయండి..
