Video: గబ్బాలో పంత్ స్పెషల్ రికార్డ్.. మూడో భారత ఆటగాడిగా సరికొత్త చరిత్ర
Australia vs India, 3rd Test: గబ్బా వేదికగా భారత్, ఆస్ట్రేలియా మధ్య మూడో మ్యాచ్ జరుగుతోంది. ఈ మ్యాచ్లో రెండో రోజు రిషబ్ పంత్ భారీ రికార్డ్ సాధించాడు. ఉస్మాన్ ఖవాజా క్యాచ్ పట్టడం ద్వారా అతను టెస్ట్ క్రికెట్లో ధోని ఎలైట్ లిస్ట్లో చేరాడు. అదేంటో ఇప్పుడు చూద్దాం..
Updated on: Dec 15, 2024 | 8:40 AM
Australia vs India, 3rd Test: గబ్బా వేదికగా భారత్-ఆస్ట్రేలియా మధ్య మూడో టెస్టు జరుగుతోంది. తొలిరోజు వర్షం కారణంగా 13.2 ఓవర్లకే ఆటను రద్దు చేయాల్సి వచ్చింది. కానీ, రెండో రోజు వాతావరణం సహకరించడంతో ఆట మొదలైంది. మ్యాచ్ ప్రారంభమైన కొద్ది ఓవర్లకే ఆస్ట్రేలియాకు తొలి దెబ్బ తగిలింది. జస్ప్రీత్ బుమ్రా వేసిన బంతికి ఉస్మాన్ ఖవాజా పెవిలియన్ బాట పట్టాడు. రిషబ్ పంత్ అద్భుతమైన క్యాచ్తో ఔటయ్యాడు. దీంతో రిషబ్ పంత్ టెస్టు క్రికెట్లో 150 అవుట్లను పూర్తి చేసి రికార్డు సృష్టించాడు. 41వ టెస్టు మ్యాచ్లో ఈ ఘనత సాధించడం గమనార్హం.
టాప్-3లోకి ఎంట్రీ..
రిషబ్ పంత్ చేసిన 150 అవుట్లలో 135 క్యాచ్లు, 15 స్టంపింగ్లు ఉన్నాయి. అతను ఇప్పుడు టెస్ట్ క్రికెట్లో అత్యధిక అవుట్లు చేసిన టాప్-3 భారత వికెట్ కీపర్ల జాబితాలో చేరాడు. ఇప్పుడు టెస్టుల్లో అత్యధిక ఔట్ల విషయంలో టీమిండియా మాజీ కెప్టెన్ మహేంద్ర సింగ్ ధోనీ, సయ్యద్ కిర్మాణి మాత్రమే అతని కంటే ముందున్నారు.
అగ్రస్థానంలో ధోని..
Jasprit Bumrah looks at his devastating best!
He gets Usman Khawaja early on Day Two. #AUSvIND pic.twitter.com/X7sj8lyIIv
— cricket.com.au (@cricketcomau) December 15, 2024
ధోని తన టెస్ట్ కెరీర్లో మొత్తం 294 అవుట్లను చేశాడు. ఇందులో 256 క్యాచ్లు, 38 స్టంపింగ్లు ఉన్నాయి. కాగా, కిర్మాణి 160 క్యాచ్లు, 38 స్టంపింగ్లతో 198 అవుట్లు చేశాడు. ఈ విషయంలో పంత్ ఇప్పుడు మూడో స్థానానికి చేరుకున్నాడు. భారత వికెట్ కీపర్లలో కిరణ్ మోర్ 130 ఔట్లతో నాలుగో స్థానంలో, నయన్ మోంగియా 107 ఔట్లతో ఐదో స్థానంలో ఉన్నారు.
పంత్ బ్యాట్ పని చేయలే..
బోర్డర్-గవాస్కర్ ట్రోఫీలో రెండు మ్యాచ్లు ముగిశాయి. భారత్, ఆస్ట్రేలియాలు ఒక్కో మ్యాచ్లో గెలిచి సిరీస్ సమంగా ఉన్నాయి. కాగా, గబ్బా వేదికగా జరుగుతున్న మూడో మ్యాచ్లో రెండో రోజు ఆటపై భారత జట్టు పట్టు సాధించింది. అయితే ప్రస్తుత సిరీస్లో రిషబ్ పంత్ బ్యాట్ సైలెంట్గా ఉంది. భారీ ఇన్నింగ్స్లు ఆడడంలో విఫలమయ్యాడు. అతను ఇప్పటివరకు 3 ఇన్నింగ్స్ల్లో బ్యాటింగ్ చేశాడు. ఈ కాలంలో, అతను 21.75 సగటుతో 87 పరుగులు మాత్రమే చేయగలిగాడు. అందులో 37 పరుగులు అతని అత్యధిక స్కోరుగా నిలిచింది. వార్తలు రాసే సమయానికి అంటే లంచ్ సమయానికి ఆస్ట్రేలియా 43 ఓవర్లలో 3 వికెట్లు కోల్పోయి 104 పరుగులు చేసింది. స్టీవ్ స్మిత్ 68 బంతుల్లో 25 పరుగులు, ట్రావిస్ హెడ్ 35 బంతుల్లో 20 పరుగులు చేసి క్రీజులో ఉన్నారు. భారత బౌలర్లలో బుమ్రా 2, నితీష్ 1 వికెట్ పడగొట్టారు.
మరిన్ని క్రీడా వార్తల కోసం ఇక్కడ క్లిక్ చేయండి..
