Virat Kohli Birthday Special: వెరైటీగా కోహ్లీకి బర్త్డే విషెష్.. 7 అడుగుల ఎత్తైన శిల్పంతో..
Virat Kohli Birthday Special: బ్యాటింగ్ మాస్ట్రో ఆదివారం తన 35వ పుట్టినరోజు సెలబ్రేట్ చేసుకోనున్నాడు. అలాగే ఈ రోజు టీమిండియా సౌతాఫ్రికాతో తలపడేందుకు సిద్ధమైంది. ఈ మ్యాచ్ కోల్కతాలో జరగనుంది. ఈ మ్యాచ్లో కోహ్లీ సెంచరీ చేసి, సచిన్ రికార్డ్ను బీట్ చేసే ఛాన్స్ ఉంది. ఈ మేరకు సుదర్శన్ ఈడెన్ గార్డెన్ ప్రతిరూపంలో విరాట్ కోహ్లీ 7 అడుగుల ఎత్తైన ఇసుక శిల్పాన్ని సృష్టించాడు.
Updated on: Nov 05, 2023 | 10:19 AM
భారత క్రికెటర్ విరాట్ కోహ్లీ పుట్టినరోజు సందర్భంగా ఒడిశాలోని పూరీ సముద్రతీరంలో శనివారం ప్రఖ్యాత ఇసుక కళాకారుడు సుదర్శన్ పట్నాయక్ సైకత శిల్పాన్ని రూపొందించారు. బ్యాటింగ్ మాస్ట్రో ఆదివారం తన 35వ పుట్టినరోజు సెలబ్రేట్ చేసుకోనున్నాడు. అలాగే ఈ రోజు టీమిండియా సౌతాఫ్రికాతో తలపడేందుకు సిద్ధమైంది. ఈ మ్యాచ్ కోల్కతాలో జరగనుంది. ఈ మ్యాచ్లో కోహ్లీ సెంచరీ చేసి, సచిన్ రికార్డ్ను బీట్ చేసే ఛాన్స్ ఉంది. ఈ మేరకు సుదర్శన్ ఈడెన్ గార్డెన్ ప్రతిరూపంలో విరాట్ కోహ్లీ 7 అడుగుల ఎత్తైన ఇసుక శిల్పాన్ని సృష్టించాడు.
అలాగే, ఇసుకతో 35 బ్యాట్లను కూడా రూపొందించాడు. వాటితో పాటు కొన్ని బంతులను అమర్చాడు. ఇందులో పట్నాయక్ దాదాపు 5 టన్నుల ఇసుకను ఉపయోగించారు. ఈ శిల్పాన్ని పూర్తి చేయడానికి అతని శాండ్ ఆర్ట్ ఇన్స్టిట్యూట్ విద్యార్థులు అతనితో చేతులు కలిపారు.
విరాట్ కోహ్లీ సైకత శిల్పం..
Happy birthday to the incredible cricket icon @imVkohli , a legend in every format of the game, my SandArt at Puri beach in Odisha. #HappyBirthdayViratKohli pic.twitter.com/hCYgsNnfio
— Sudarsan Pattnaik (@sudarsansand) November 5, 2023
“నా శిల్పం ద్వారా విరాట్ కోహ్లీకి పుట్టినరోజు శుభాకాంక్షలు, ప్రపంచ కప్ కోసం మొత్తం క్రికెట్ జట్టుకు శుభాకాంక్షలు” అంటూ సుదర్శన్ ట్వీట్ చేశారు. పద్మ అవార్డు గ్రహీత ఇసుక కళాకారుడు ప్రపంచవ్యాప్తంగా 65 కంటే ఎక్కువ అంతర్జాతీయ ఇసుక కళల పోటీలు, ఉత్సవాల్లో పాల్గొని దేశం తరపున అనేక బహుమతులు గెలుచుకున్నాడు.
అతను ఎల్లప్పుడూ తన ఇసుక కళ ద్వారా అవగాహన కల్పించడానికి ప్రయత్నిస్తుంటాడు. అతను సేవ్ టైగర్, సేవ్ ఎన్విరాన్మెంట్, స్టాప్ టెర్రరిజం, స్టాప్ గ్లోబల్ వార్మింగ్, కోవిడ్ 19 మొదలైన అవగాహన శిల్పాలను రూపొందించాడు.
రెండు జట్లు..
టీమ్ ఇండియా: రోహిత్ శర్మ (కెప్టెన్), శుభ్మన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్, రవీంద్ర జడేజా, శార్దూల్ ఠాకూర్, జస్ప్రీత్ బుమ్రా, మహ్మద్ సిరాజ్, కుల్దీప్ యాదవ్, మహ్మద్ షమీ, రవిచంద్రన్ అశ్విన్. , ఇషాన్ కిషన్, సూర్యకుమార్ యాదవ్, ప్రసీద్ధ్ కృష్ణ.
దక్షిణాఫ్రికా జట్టు: క్వింటన్ డి కాక్, టెంబా బావుమా (కెప్టెన్), రాస్సీ వాన్ డెర్ డ్యూసెన్, ఐడెన్ మార్క్రామ్, హెన్రిక్ క్లాసెన్, డేవిడ్ మిల్లర్, మార్కో జాన్సెన్, గెరాల్డ్ కోయెట్జీ, కేశవ్ మహరాజ్, లుంగీ న్గిడి, మార్కో జాన్సెన్, గెరాల్డ్ కోయెట్జీ, కాగిజార్డ్ రజాబాడా, విలియమ్స్ హెండ్రిక్స్, ఆండిలే ఫెహ్లుక్వాయో, తబ్రిజ్ షమ్సీ.
మరిన్ని క్రీడా వార్తల కోసం ఇక్కడ క్లిక్ చేయండి..
