INDW vs PAKW: దీప్తి పాంచ్ పటాకా.. పాక్పై భారత్ ఘనవిజయం.. ప్రపంచకప్లో టీమిండియా బోణీ..!
ప్రపంచకప్ లాంటి ప్రతిష్టాత్మక వేదికపై పాకిస్తాన్ను భారీ తేడాతో ఓడించడం ద్వారా భారత మహిళల జట్టు తమ ఆత్మవిశ్వాసాన్ని రెట్టింపు చేసుకుంది. దీప్తి శర్మ ఐదు వికెట్ల అద్భుత ప్రదర్శన, జట్టు ఉమ్మడి కృషి రాబోయే మ్యాచ్లలో భారత్ను మరింత పటిష్టంగా మార్చనుంది. ఇదే ఫామ్ను కొనసాగిస్తూ టీమిండియా ప్రపంచకప్ ట్రోఫీ వైపు అడుగులు వేయాలని అభిమానులు కోరుకుంటున్నారు.
Updated on: Jun 14, 2026 | 10:46 PM
మహిళల టి20 ప్రపంచకప్లో యావత్ క్రికెట్ ప్రపంచం ఎంతో ఉత్కంఠగా ఎదురుచూసిన భారత్, పాకిస్తాన్ మహాసమరంలో టీమిండియా ఘనవిజయం సాధించింది. చిరకాల ప్రత్యర్థిపై ఆల్ రౌండ్ ప్రదర్శన కనబరిచిన భారత మహిళల జట్టు 64 పరుగుల తేడాతో పాకిస్తాన్ను చిత్తు చేసి, ఈ ప్రతిష్టాత్మక టోర్నీలో తమ విజయయాత్రను ఘనంగా ప్రారంభించింది.
భారత బౌలర్ల ధాటికి పాక్ తలవంచక తప్పలే..!
ఈ హై-వోల్టేజ్ పోరులో మొదట బ్యాటింగ్ చేసిన భారత జట్టు ప్రత్యర్థి ముందు భారీ లక్ష్యాన్ని ఉంచింది. అనంతరం కొండంత లక్ష్యంతో బరిలోకి దిగిన పాకిస్తాన్ జట్టుకు భారత బౌలర్లు మొదటి ఓవర్ నుంచే చుక్కలు చూపించారు. భారత పేసర్లు, స్పిన్నర్లు కలిసికట్టుగా అటాక్ చేయడంతో పాక్ బ్యాటర్లు క్రీజులో నిలదొక్కుకునేందుకు తీవ్రంగా శ్రమించారు. పరుగుల వేగాన్ని పెంచే క్రమంలో ఒకరి తర్వాత ఒకరు పెవిలియన్కు క్యూ కట్టారు. భారత ఫీల్డర్లు కూడా అద్భుతమైన క్యాచ్లతో బౌలర్లకు పూర్తి అండగా నిలిచారు.
దీప్తి శర్మ ఐదు వికెట్ల సంచలనం.. మ్యాచ్ టర్నింగ్ పాయింట్..!
What. A. Finish 🥳
3️⃣ wickets in an over and Deepti Sharma has a superb 𝙁𝙄𝙁𝙀𝙍 🖐️#TeamIndia wrap a dominant 6️⃣4️⃣-run victory to kickoff our #T20WorldCup campaign 👏
Scorecard ▶️ https://t.co/1tfRc3jcrX#WomenInBlue | #T20WorldCup pic.twitter.com/vhvCoE9tXu
— BCCI Women (@BCCIWomen) June 14, 2026
భారత స్పిన్ మాంత్రికురాలు దీప్తి శర్మ ఈ మ్యాచ్లో పాకిస్తాన్ పతనాన్ని శాసించింది. తన అద్భుతమైన లైన్ అండ్ లెంగ్త్తో పాక్ బ్యాటర్లను ముప్పుతిప్పలు పెట్టిన దీప్తి, ఏకంగా ఐదు వికెట్లు పడగొట్టి ప్రత్యర్థి జట్టు నడుం విరిచింది. దీప్తి శర్మ తన 4 ఓవర్ల కోటాలో కేవలం 10 పరుగులు మాత్రమే ఇచ్చి 5 వికెట్లు పడగొట్టడం విశేషం. ముఖ్యంగా ఆమె వేసిన 17వ ఓవర్ మ్యాచ్ను ఏకపక్షంగా మార్చేసింది. ఆ ఓవర్లో కేవలం 2 పరుగులు మాత్రమే ఇచ్చి మూడు వికెట్లు కూల్చడంతో పాక్ కథ ముగిసింది.
106 పరుగులకే కుప్పకూలిన పాకిస్తాన్..
4️⃣ overs 1️⃣0️⃣ runs 5️⃣ WICKETS 💥
𝗔𝗯𝘀𝗼𝗹𝘂𝘁𝗲𝗹𝘆 𝗽𝗵𝗲𝗻𝗼𝗺𝗲𝗻𝗮𝗹 from Deepti Sharma who records her career-best T20I bowling figures 🫡
Scorecard ▶️ https://t.co/1tfRc3jcrX#TeamIndia | #WomenInBlue | #T20WorldCup | @Deepti_Sharma06 pic.twitter.com/LmgXXfZ5kM
— BCCI Women (@BCCIWomen) June 14, 2026
భారత బౌలర్ల ధాటికి పాకిస్తాన్ మహిళల జట్టు 17 ఓవర్లలోనే కేవలం 106 పరుగులకు ఆలౌట్ అయింది. ఆ జట్టులో నష్రా సంధు 5 బంతుల్లో 4 పరుగులు చేసి చివరి వికెట్గా వెనుదిరగగా, సాదియా ఇక్బాల్ 1 పరుగుతో అజేయంగా నిలిచింది. ఇరు జట్ల మధ్య జరిగిన ఈ ఆరో టి20 మ్యాచ్లో భారత్ అన్ని విభాగాల్లోనూ పూర్తి ఆధిపత్యాన్ని ప్రదర్శించింది. బ్యాటింగ్లో పరుగుల సునామీ సృష్టించిన టీమిండియా, బౌలింగ్లోనూ అదే దూకుడు చూపిస్తూ పాక్పై భారీ విజయాన్ని నమోదు చేసింది.
