Viral Video: రోడ్డుపై రాయల్ ఎంట్రీ.. పసికూనలతో దర్శనమిచ్చిన తల్లి పులి!

మహారాష్ట్రలోని చంద్రపూర్ జిల్లా తడోబా అభయారణ్యం సమీపంలో అరుదైన దృశ్యం చోటు చేసుకుంది. తల్లి పులి తన పసికూనలతో కలిసి ప్రధాన రహదారిపై సంచరిస్తూ ప్రయాణికులకు కనువిందు చేసింది. అభయారణ్యం నుంచి బయటకు వచ్చిన ఈ పులుల గుంపు మోహర్లీ మార్గంలో నెమ్మదిగా నడుస్తూ కనిపించింది. మూడు నెలల పాటు తడోబా అభయారణ్యంలో పర్యాటకుల ప్రవేశాన్ని నిలిపివేయడంతో అడవిలో వన్యప్రాణులు స్వేచ్ఛగా సంచరిస్తున్నాయి. ఈ క్రమంలో రహదారిపై ప్రత్యక్షమైన తల్లి పులి, దాని పసికూనలను ఓ ప్రయాణికుడు తన కెమెరాలో బంధించాడు. ప్రస్తుతం ఈ వీడియో సోషల్ మీడియాలో వైరల్‌గా మారగా, వన్యప్రాణుల నివాస ప్రాంతాల్లో ప్రయాణించే వారు అప్రమత్తంగా ఉండాలని అటవీ అధికారులు సూచిస్తున్నారు.

మరిన్ని ట్రెండింగ్ వార్తల కోసం ఇక్కడ క్లిక్ చేయండి..